Sunday, December 27, 2009

هو فيه ايه يا عم الحاج؟


مين الضحية مصر ولا الجزائر؟

مين هايرشح نفسه فى انتخابات الرئاسة حسني ولا ابنه ولا ابنه التاني ولا البرادعي ولا عمرو موسي ولا أيمن نور؟


مممكن ماتش كورة يعمل كده؟

ينفع تشتغل الأغنية دي فى ماتش كورة ..أصله ماعداش علي مصر .. أصله ماعداش علي مصر .

هل ينفع بلد يقتحم حدود بلد تاني؟

طب هل ينفع البلد التاني تبني جدار فولازي تحت الأرض ؟

طب هل ينفع البلد الأولاني يحفر أنفاق للبلد التاني؟

طب هل ينفع البلد التاني تشارك فى حاصر البلد الأولاني؟

بتحب مصر؟

بتحب العرب؟

بتحب السعودية؟

بتحب أمريكا؟

بتحب إسرائيل؟

بتحب الجزائر؟

لو بتكره هاتكره الجزائر أكتر من إسرائيل ولا إسرائيل أكتر من الجزائر؟

ينفع حد يكره إسرائيل ويكره الجزائر ويكره أمريكا؟

عباس ولا حماس؟

هل حماس غلطانة؟

المفروض حماس تعمل ايه؟


لو ظابط لسعك علي قفاك تقدر تعمله ايه؟

لو هاتنزل مظاهرة تنزل ضد الجزائر ولا ضد إسرائيل؟

لو اضربت واتف عليك وحد زعقلك بالفرنساوي وخفت وواحد هوشك بسكينه من بعييييييد وقلعت فانلة بدلك وعلمك خوفا منه؛ ممكن تحكي ده من غير ما تتكسف وانت راجل البعيد طويل عريض وشحط قد الحيطة ..؟

طب ممكن تنزل مظاهرة علشان ماتش كورة؟

تعرف ايه عن علاء مبارك؟

ليه التبس علينا الخيط الأبيض من الخيط الأسود للدرجة دى؟

ليه احنا مشوهين للدرجة الدي؟

ليه مش عارفين مصير بلدنا رايح لفين؟

بتحب جمال مبارك ؟ وليه؟

بتكره جمال مبارك ؟ وليه؟

لو اترشح جمال مبارك وكسب جمال مبارك ممكن تعمل ايه؟

ليه بيتكلم شوبير ومصطفي عبده ومدحت شلبي والغندور ورجب حميدة؟

ليه عارفين يضحكوا علينا بالطريقة دي؟

علي فكرة شكلنا هانفضل كده مدة طويلة

ايه الى ممكن يحصل يفوقنا؟

والى معتمد إن إسرائيل وأمريكا من تحاربنا يبقي غلطان لأن إسرائيل وأمريكا مش هاتحربنا... لأنهم محققين مكاسب أكبر بكتير من حربهم لينا وعلشان هما عارفين لو حاربونا هايفوقونا.

صحيح إسرائيل ايه وأمريكا ايه .. قصدي حماس والجزائر ؟

تييييييييييييييييييييييييييييييت

6 comments:

حزيــــــــــــــــــن said...

مفهمتش انا البوست دا
مش عارف انت متعمد تكتب عن مصر والجزائر متأخر
ولا ليك وجهة نظر تانيه
لكن عموما انا لسه مصمم اعملك كتاب
وعلى فكره هتلاقينى منزله السوق بدون اذنك

محمد عبد الرحمن said...

البلد قصدى الشعب فقد الابوصلة
جدول الأولويات وترتيب المهمات فقد بفعل فاعل
أستاذى
اليبدو أن الألة الإعلامية فى بلادنا تدار بشكل يجعل الحليم حيرانا

فين الرواد وقادة الفكر الحقيقيين
فين العلماء اللى بجد
غيابهم عن التأثير الفاعل أفسح الطريق لكل رويبضة يملا الأسماع بغثه ووالتوافه

سكوت هنصوت said...

هو ده تاج ولا استجواب ولا ايه يا منذر

عموما اخيرا لقيت عندك بوست
والواحد وحشة كلامك....

امبارح كنت بتفرج على فيلم البرئ....

معرفش ليه فكرني بيك...كل ما اشوف احمد زكي في الفيلم ده بسذاجته وبراءته وجدعنته وشهامته افتكرك يا منذر

البرئ الي جاي من قلب الصعيد ( مع اني ما اعرفش انت صعيدي ولا لا) بس كل حاجة بتدهشة وتحيره....وتحسسة انه جاي من المريخ لكوكب مش فاهمة ومش عارف راسه من رجليه...غريب في بلد غريبة...هو ده انت ي امنذر

بيتهيألي تساؤلاتك دي نوع من غربتك...

ولد تحت الصفر said...

هي الدنيا ليل و لا ضلمة


هو احنا مغمضين و لا مش بنشوف


متهيألي كده كل شئ بايدينا


المهم مش اننا نقول رأينا


المهم اننا نؤمن بيه




تسلم ايدك

No Fear said...

السلام عليكم
فعلا
تييييييييييييييييييييييييييييييييييييييييييييييييييييييييييييييييييييت

AHMED SAMIR said...

ايه ياعم الاسئلة الصعبة اللي بتيجي ع الجرح دي؟