Tuesday, September 16, 2008

أهو كله حرس

تصميم يساري مصري
مفيد شهبندر اللوز أبو العبدين مرداش ينزل البوست ده على أبناء مصر وقالى بالحرف ابقى انشره على مدونتك المهجورة الى الناس نسيتها

أنا نسيتها بس غصب عنى أصلا ، وعاوز أثبتله انها مش مهجورة بأه .. مش مهجورة قوي يعنى


ومش عارف أثبتله ازاي بس لسه ماسرحش فيها العناكب على الأقل ها يا مفيد


ماشي لن انسي لك هذا الموقف يا مفيييييييييييييييييد


وإليكم البوست خليه يعمل مجال شوية علشان يتحسر ويندم أيما ندم انه مانشرش البوست ده على أبناء مصر .. كانت هاتعدي أبناء مصر بالبوست ده


يالا هو الخسران :(


يتحسر الكثيرون على أيام كمال الشاذلى ويوسف والي وصفوت الشريف، الحرس القديم التى كانت أعظم مصائبهم تتمثل فى رشوة للقبول فى إحدى الكليات العسكرية، حادث تصادم فى الصعيد، إنقلاب اوتوبيس فوق كوبرى السيدة عائشة، مبيدات مسرطنة أو خضروات مشعة، ولكننا الآن لا نقدر على أثمان الخضروات المظلمة أو حتى المضيئة منها.

أما الآن فقد لمعت على يد مبارك "الابن" أسماء أتت بما لم يأت به احد من قبل، أتت بما لا عين رات ولا أذن سمعت ولا خطر على قلب بشر.

لم يخطر على قلب بشر أن يذهب إلى مستشفى ليتبرع بالدم فيخرج مصاب بأمراض خطيرة.

ولم يخطر على قلب بشر أن يسمع بموت ألف شخص حرقا وغرقا والجانى مجهول ، ويأتى الحكم بالبراءة يوم مبارة لكرة القدم.

لم يخطر على قلب بشر أن يسمع بان ذكر مصري يصرف على انثى 12 مليون دولار، ويغريها بـ 50 مليون دولار لتعود له، ثم يدفع 2مليون دولار لقتلها، والمصريين يقبعون فى الفقر والجهل والجوع والظلم والمرض وطوابير العيش.

لم يخطر على قلب بشر أن ياتى إنسان ويحتكر "خردة" ويقف حائلا بين الشباب وتحقيق أحلامهم فى الزواج وبناء مأوى للعيش.

لم يخطر على قلب بشر بأن تتحول القوات المسلحة لمعول هدم وترويع لأهل البلد؛ تزيل المباني وتطرد وتشرد الأهالي.

لم يخطر على قلب بشر أن تنتزع الرحمة من قلوب ضباط الشرطة؛ ليقوم ضابط شرطة ـ وظيفته توفير الأمن والحماية للمواطن ـ بتعذيب مواطن آخر وترويعه، وهتك عرضه دورن رحمة او شفقة ليتحول جهاز الشرطة كله لمؤسسة تعذيب ولترسيخ استبداد فرد قُدر له حكم الوطن.

لم يخطر على قلب بشر ان نبتلى بسي السيد طنطاوي شيخ مشايخ السلطان ومشايخ الفتاوي والفرقعات الإعلامية.

لم يخطر على قلب بشر أن تكون كل بطانة جمال مبارك من الفاسدين والقتلة، فمن أحمد عز لهاني سرور لخميس فريد لمحمد أبو العينين لطلعت مصطفى وممدوح سالم ومن الواضح ان القائمة ممتدة.

ألا يوجد إلا احمد عز او كمال الشاذلى؟ أم اننا لا نستحق إلا هما؟ ألا يملك الحزب وجوها أخر؟

ما هذا؟ أعتصر ذاكرتى وأنقب فى الأحداث لأبحث عن الشرفاء فى هذا الحزب؟ أيمتلك هذا الحزب شرفاء؟ فليدلنى أحدكم عن شريف هناك، وبالله عليكم لا تدلونى على صفوت الشريف

16 comments:

MaGn0liA... said...

اولا التصميم حلو اوى

ثانيا اكيد استاذ مفيد هو اللى خسر انه مش نشر مقاله حضرتك عنده

بجد المقاله حقيقه جدا و صح جدا

البطانه الجديده لا يوجه فيها شرفاء

للاسف

وطننا قد ضاع و اين الامل ؟؟

حزيــــــــــــــــــن said...

اكيد مفيد خسران
بس خسران ايه خسران انه منزلش المقاله عنده طب وايه يعنى ماهو لسه عامل معايا نفس الموقف
ولا خسران انه زعلك ولا خسران ايه
معرفش هو خسران ايه بس عموما كل اللى يدخل اكيد هيقول ان مفيد خسران على الاقل لو مش مقتنعين بأنه خسر يبقى عشان خاطر يجاملك
وفى الاخر انت ومفيد واحد

بس انت بقيت بعيد اوى فعلا مش شرط تكتب على المدونة باستمرار ومش شرط تعلق عند كل الناس بس على الاقل ادينى ميسد او مسج او انزل قالنا يوم كل شهر
كل سنه وانت طيب

A.SAMIR said...

يا خبـــــــــــــــــــــــر
ايه يا عم انت فينك؟
دة انا داخل على مدونتك بالصدفة البحتة والله
من شهر يونيو لشهر سبتمبر من غير ولا بوست
دة حتى وحش على المدونة دي كدة تكمكم من القفلة
عموما العود احمد
بص يا معلم
هم مش كل الحزب الوطني حرامية...اكيد لا طبعا
انما المؤكد ان كلهم انتهازيين ووصوليين
بس خلاص

مـحـمـد مـفـيـد said...

قبل ما الدنيا كلها تبدأ تهاجم العبد الضعيف
اوضح وجهه نظري
:)))))))
ان المقال ده جاء متأخراً بالنسبه للحدث
وقد تم طرح مقالات بنفس المعني في توقيتات مبكره جداً للحدثبمعني ان المقال لابد من ان يكون مواكب للحدث
دي وجهه النظر
ومش هقولك واحشني
:))))))))

Monzer said...

MaGn0liA

سعيد بزيارتك جدا
وبيني وبينك مفيد مش بيخسر هو بس بيتعزز شوية بشوقه

تحياتى يا فندم

Monzer said...

حزين الجميل
عامل ايه يا ريس

هو مفيد كده هانعمل فيه ايه يعنى

للأسف ماحدش يعرف يعمل معاه حاجة
اتجوز وماتهدش
وخلف وماتهدش ودون وماتهدش ودخل أبناء مصر وماتهدش برده
مع ان أبناء مصر تهد الجبال
يالاه خير

وابقى طمني عليك

Monzer said...

أحمد باشا سمير والله بجد ليك وحشة

وعرفت انك اتجوزت مبروك يا ريس

واتفق معاك ان فى التعميم خطأ كبير

لكن قصدت بمعنى الشرف حاجة تانية غير نظافة وطهارة اليد الحرص على مستقبل البلاد والعباد وده الى الواحد مش لاقيه من حد خالص لا وطني ولا معارضة

تحياتى يا باشا

Monzer said...

مفيد

شهبندر اللوز

بشحمه بلحمه

لا انا مش مصدق نفسي

انا فى حلم ولا فى علم
بس الاكيد انا هاعتبر نفسي ماقرتش حاااااااااااااااااجة

ولنا لقاء يا لوووووووووووز

وانا هاقولك وحشتنى باه

:)))

amr said...

منذر

كنت عاوز أقلك انى اول مره أزور مدونتك

وسعيد بالتواجد فيها ومستنى الجديد

وبالنسبه للموضوع هوخطر على عقلى معظم اللى بيحصل ده

وخاصه من الحرس الجديد

ومتوقع منهم أكثر من كده لو ظل الصمت هو سيد الموقف

والناس تقول كده رضا وأقل من كده برضه رضا

خالص تحياتى

سكوت هنصوت said...

مقال رائع

وبجد وحشتني مدونتك يا منذر

NilE_QueeN said...

هو خسر واحنا كسبنا قراءة البوست

الله...الوطن...أما نشوف said...

حمد الله على السلامة ويجعل مدونتك عامرة دايما يارب:)
انا رقعتك مدونة مخصووووووووووووووص...بص عليها وقوللي رأيك

Rania said...

التصميم رائع و المقال اكثر من رائع و خساره انه متنشرش فى ابناء مصر

بجد خساره

تحياتى

د/اجدع بنوته said...

ده خسران وخسران وخسران

بس انا لسه دايسه م شويه

ع حاجه كده عملت ازززززز

يكونش ده بعيد عنك عنكبوت يعنى

ولا مسدس الميه بتاع حد م اولاد المدونين

وقع منه عندك يعنى

كل سنه وانت طيب

وعيدك سعيد

اما عن البوست

اسمحلى نو كومينت ..

انا بايعه دماغى النهارده وبكره

علشان افرح بس ال 48 ساعه دول بنفس

تشاووووووو

حزيــــــــــــــــــن said...

انت منتظر تعليقك انت بالذات على اخر بوست عندى فى مزاج
لا تتأخر

abocefen-tamf said...

girls games العاب بنات


العاب تلبيس dress up games



العاب باربي وبراتز و سنووايت barbie bratz snow whi



العاب مكياج و ميك اب ومنكير make up make over nail



العاب طبخ cooking games



العاب ديكور و تلوين coloring and decorating games



العاب الحب و الزواج love and couple games



العاب اطفال baby games