Thursday, June 28, 2007

هو ليه الجدع ده مش عاوز يبقى مصرى؟؟؟؟؟

كلمتك لأهل البوابة، على رجوع والد صاحب البوابة بألف سلامة
وألف حمد الله على السلامة، وان شاء الله فى ميزان حسناته
ــــــــــــــــــــــــــ
مش عاوز أفهم انى بحقد على الأغنياء
وانه لا يصلح أن ياتى رئيس غنى
ولكن كل ما أرجوه أن ياتى رجل وقد خبر كل صغير وكبيرة فى هذا البلد
تعرف على كل ذلك من خلال عينيه المجردة وليس من خلال التقارير الأمنية، والبيانات الإحصائية
التى تقول أن نسبة الفقر بلغت كذا وكذا ومتوسط الدخل كذا وكذا، ومعدل الدخل اليومى أقل من دولار فى اليوم
ولكن يجب عليه أن يعلم تأثير الأقل من دولار فى اليوم على المواطن، كيف يعيش به حياة
وهي نكرة أي أية حياة
رئيس ليس مسجون فى القصر الجمهورى طيلة عمره ، لم يتعرف على شعبه رئيس تعرف فقط على الخدام والسفرجى والسواق
ودول فى منظورنا احنا ذوى نفوذ ضخم، لا يعبرون عن المواطن المصرى الحقيقى
لم يذهب إلى مدرسة حكومية وقعد على دكة حديد ورجع بنطلونه مقطوع وأبوه ضربه علقة علشان لسه البنطلون جديد، وفضل بالبنطلون المقطوه ده الترم كله وهو متخيط
وماقعدش فى فصل مكسور شبابكيه ورجع واخد برد فى معدته، وهو كان لسه لحمة حمره عمره سبع سنين
مرجعش مخنوق فى يوم حر علشان درجة الحراة أربعين وهو قاعد فى فصل تعداده تمانين
دهره ماتقطمش من شيل شنطته التقيلة، الى مليانة كتب من كل لون وصنف
ماقعدتش واقف على رجليه زنهار بيجيب بتلاتة جنيه عيش من أبو شلن، والراجل يقوله مافيش غير بتنين جنيه
وهو يبقى مخنوق لأنه هايضطر ينزل مرة تانية
لما حب يعمل بطاقة ماقعدتش ييجى أسبوع من هنا لهنا يعمل مستخرج لشهادة الميلاد ويجيب ورقة من المدرسة ولا الكلية ويميضيها ويقولوا انت مكانك مش هنا ولايقولوا انت ميت من 36 سنة وهو يكون عمره أصلا كله على بعضه
مايكملش 18 سنة
مارحش مستشفيات قصدى السلخانات الحكومية ولا شاف الزبالة والقرف المعاملة السيئة وعدم الإهتمام، وتدنى مستوى العلاج
ماشافش عيشة الفلاح المصرى الى قاعد ف غيابات الصعيد، ولا الى قاعد فى الدلتا
مايعرفش حاجة عن بيوت الصفيح والعيشة فيها
بياكلوا منين وبيشربوا ازاي وبيستحموا فين، وصرفهم فين
ليه ماجربش يدخل قسم شرطة ويعمل محضرزي أي مواطن
ليه ماحاولش يتصل بالاسعاف ويشوف هايجيله بعد قد ايه، ولا المطافى
ليه الجدع ده مش عاوز يتعرف على مصر
ليه الجدع ده قابل انه يشوف مصر من ورا ازاز عربية فاميه اسود مكيفة وماشية بسرعة 120كم/للساعة
كده انا طولت أوى
بس كلمة أخيرة قبل الزجل
ليه الجدع ده مش عاوز يبقى مصرى
!!!!!!!!!!!!!!!!!!!!!!!
من غير تبجيح ولا تجريح
هو احنا ليه مش عاوزينه
أصلى زهقت م التسييح
وم الفشر وسنينه
هو لإما أبقى أبيح
او أتغزل فى جمال عينه
هو شاب طويل وعريض
ولسه مجوز من يومين
بعد ما عدا الأربعين
وطول عمره مع والده
محبوسين فى القصر من سنين
ولا راح مدرسة حكومية
تعداد طلابها تمانين
طب دخل أنه كلية
علشان يبقى ريس ع المصريين

* * *
قضى جيشه فى الحرس الجمهورى
يعنى ... قضاها بيات
ولا خد إعفا صورى
ولا درس استراتيجيات
ده كان موظف فى بنك عادى
ورجع منها أمين للسياسات
طب ياترى شاف بعينه
الى حاصل فى المستشفيات
والسجون والمعتقلات
وداق غلاسة الظباط
والوقفة بالساعات
فى الشوارع والإشارات
كل ده بسبب مسئول
كان بيعدى الطريق وفات

* * *
طب ممكن فى عشة تبات
وتعيش فى خيمة للممات
وتقرف منك الستات
وم الجوع تقول ما أنام
وتصرف فى أي مكان
والحمى فى أي ميدان
تقدر تقدر ده الإنسان
ولا ده كله فى الآخر كلام

هي ده عيشة المصرى
لازم تحس وتشعر بيها
لو كنت عاوز تعيش فى قصرى
يبقى لازم تحاول تغير فيها

Monday, June 25, 2007

أنا عاوز ريس ..... ؟

أنا عاوز ريس صايع
لف ودار ع المسمار
وع القهاوى ماتلاقيهوش
تلاقيه فى جامع
مرة ساجد ومرة راكع
ومرة شايل كتاب علوم
ومرة يتأمل النجوم
يساعد كبير
يرحم صغير
وقنوع وصادق
تشوفه وزير
فى الحته جامد
حلال مشاكل
وفى الجامعة ناصح
دكتور قرير
فى الشغل فاهم
حازم وصارم
ينفع مدير
نظره ثاقب
صاحب واجب
يعمل الخير
بيعه حلال
من غير فصال
ده غير النضال
لك خادم وأسير
معروفه باين
على مالك صاين
جمايله كتير
* * *
أبوه وداه مدرسة حكومية
ووقف كمان فى طابور العيش
وجاب مجموع فى الثانوية
من غير لا واسطة ولا بقشيش
وكان متفوق فى الكلية
وعارف الى بيحصل فى أبو الريش
وأدى واجب الوطنية
من غير ما يهرب من الجيش
وراح بنفسه السجل المدنى
وطلع بطاقة رقم قومى
وراح الحي والمرور
وعملولو رخصة بسرور
وطلع م الآخر
واد مصرى بسيط
مش زي اخينا المغرور
طبعا للتوضيح صايع مش معناه حاجة وحشة معناه انه يكون ابن بلد مخربش يعنى
مش أستغفر الله يكون من غير شغل ولا حاجة وحشة
وجدت ان التوضيح مهم
هابقى أكلم على اخينا المغرور فى البوست الى جاي ان شاء الله
وأتمنى انه يكون مقالا وزجلا
hapasa
معنى الكلمة ده حباصة، وحباصة دلع منذر
الى هو أصلا مش أنا ههههههههههههههه :)

Thursday, June 21, 2007

وقفة لابد منها



منصة المؤمتر او الندوة

كلمة الأستاذ منعم










أستاذ محمد عبد القدوس كان اول الحاضرين هو ومجموعة الإخوان المدونين ثم حضر الشرقاوى والجيزاوى واحمد يوسف وميدو وسارة وكش ملك
علاء يا عينى صوته اتنبح بميكروفون ومن غير صراحة
الجيزاوى كان بيهتف لو معاه ميكروفون ولو معاهوش برده بيهتف
كنت مبهور جدا لما رحت النقابة وقابلت شباب المدونين، بجد شباب هايل، شباب يفرح شباب بيحب مصر قوى، شباب عنده استعداد يموت علشان مصر ، شباب مثقف وواعى وفاهم وسابق سنه ومتفوق فى دراسته وعمله وعنده مواهب، منهم الى شاعر والى قاص والى زجال والى كاتب

وانبهرت أكتر لما بدأنا الوقفة ولما شفت إن المدونين الى كانوا بيهزروا ويتعرفوا على بعض من شوية بأو زي خلية النحل مثلا كش ملك بيكتب هتافات وبيجمع الهتافات من المدونين الآخرين ويديهم للى بيهتفو فى المظاهرة، واحمد الجيزاوى وعلاء ما شاء الله عليهم قعدوا يهتفوا لغاية ما كل واحد فيهم صوته اتنبح ومابقاش طالع، بس كانوا صراحة خطباء ممتازين وارتجلوا حلو قوى

طبعا
صاحب البوابة كان عمال يحسنا اننا نعلى صوتنا، وما شاء الله مجموعة الإخوان كانوا هايلين ومنهم كان أخونا قاوم كان صوته اكثر من رائع وغنى أنشودة جميلة جدا كانت ختام الوقفة

وبعد كده طلعنا صلينا المغرب وابتدت الندوة ، واتكلم منعم وعلاء وشاهيناز وخديجة مالك وكادت ان تبكى القلوب قبل العيون من شدة ماحدث لخديجة مالك ابنة رجل الأعمال حسن مالك الذى تم إعتقاله مع بقيت الإخوان فى الاحداث الأخيرة ، وأخذت تقص ما حدث لها ولعائلتها ولكنها كانت صابره ومحتسبة، وعندها حس للفكاهة عالى جدا، كنت كل ما آجى اعيط تقول كلمة نقعد نضحك كلنا، واتكلم برده اخونا
عمر الشرقاوى، برده كان ناكر لذاته بطريقة كبيرة جدا وماكلمش عن نفسه ولا عن تجربته المريرة اتكلم عن صحابه اكتر من كلامه عن نفسه، وجارى تنزيل الفيديو، وعلاء وكش ملك قالوا كلمة ، لكن انا كنت خرجتللأسف لأن كان فى معاد آخر مع جروب مجموعة القلوب البريدية

وانتهت الندوة بلقاء يجمع المدونين كلهم فى روف النقابة وكان رؤساء الجلسة منعم وعلاء، اتعرفنا على بعض الأول كل واحد فينا قال نبذة عن نفسه، طبعا اتقفنا فى حاجت واختلفنا فى حاجت تانية وكانت مناقشات حامية

لكن انقسمنا على كذا موضوع ومنهم التضمان مع كريم وامثاله ممن يتخذون من السب والشتم وإهانة العقائد حرية للتعبير، وفى هذا الموضوع بالذات كان الإنقسام فالفريق الاول كان يرى أننا نرفض كلام كريم لكن نتضامن مع سجنه واعتقاله وكان من الغريب أن مجموعة من الإخوان كانوا موافقون على هذا الراي، أما الفريق الثانى فكان يرى عدم منطقية التضامن مع شخص اتهمنا بالغباء والجهل والتطرف والتعصب والإرهاب والإنغلاق فى الآخر اتضامن معه وكنت أنا وكش ملك وآخرين فى هذا الفريق

طبعا هناك كانت أول مرة أشوف هذه العدد من المدونين ، وبصراحة مش عاوز أذكر أسماء علشان مانساش حد، لكن
علاء ما شاء الله عليه عمل حصر لأغلب المدونين الشباب الى كانوا موجودين ممكن ترجعوا لتغطيته، لكن الغريب ان فى أي لقاء جمعنى مع مدون او ناشط إنترنت فى إحتفال مجموعة القلوب البريدية الاخيرة إنى شعرت إن هذه ليست المرة الاولى التى أرى فيها هذا الناشط او المدون ومقدار الحب والود والصداقة والحميمية بيكون موجود، وكنت سعيد جدا بمقابلتهم جميعا

وهناك تغطية احمد الجيزاوى وعلاء وكش ملك و نقطة مية هي صراحة تغطيات وافية أفضل من هذا البوست، لكن شعرت إنى لازم أعطى إنطباعى الشخصى


طبعا انا مش عارف أرتب الصور وطلعت كلها متلخبطة ومش بالترتيب الزمنى ، فاعذرونى لو سمحتم، لغاية ما ييجى حد ابن حلال ويظطبنى فى الموضوع ده

hapasa
معنى الكلمة الخنيقة الى فوق ده حباصة أو منذر، وعندك صراحة حق لو اتلخبطوا فيها

Friday, June 15, 2007

تنويه هام إلى جميع المدونين.... انتبهوا

ملحوظة البوست ده محتاج أنفس طويلة، فخد شهيق كده ومايطلعش غير فى الآخر
كلام بجد بأه ياريت واتمنى عليكم واحلفكم بالله انكم توصولوا لنهايته
سالمين ان شاء الله
الآن الحمد لله عمر الشرقواى خرج بسلامة الله تعالى، ولكن ماحدث لعمر جعلنى أفكر فلقد شاهدت بعنيى مدونين يضعون البانر الخاص بعمر ويدعون المدونين الآخرين للتضامن مع عمر ويدعون الله أن يفك أسره، ويتواصلوا معى كي يطمئنوا ويعرفوا اخبارعمر، وكل ذلك دون أن يعرفوا عمر شخصيا أو حتى دون أن يقرأو مدونته لان مدونته فى مكتوب، فعلوا كل ذلك لانهم علموا ان مواطن مقهور مثلهم ومدون زميل باحث عن الحق ومحامى باسمهم جميعا
أخرج من هذه التجربة بسؤال ماذا كان يحدث وماذا كانوا سيفعلوان أصدقائى المدونين لو عرفوا عمر وتقابلوا معه وعلمواه وخبره كما خبرته انا وأصدقاؤنا الآخرون، بالتاكيد المساعدة ستكون اكبر والحماس سيكون أقوى والإنفعال سيكون اشد والحزن سيكون مؤلم
الآن يوجد لقاء أيضا لكن على مستوى ناشطى الإنترنت كمدونين وغير مدونين والفرصة تم إتاحتها لنا من خلال مهرجان مجموعة القلوب البريدية ومديرتها الأستاذة فريدة فراولة
فائدة هذا اللقاء أن نعرف بعضنا البعض كمدونين عن قرب ونفهم خلفياتنا الثقافية المختلفة وبالتالى عند نقاش أي موضوع لا يتم تناوله بعصبية ونرفزة وانفعال وتنتهى أيضا التعليقات المتعصبة، ويكفى ان نلمس الجانب الإنسانى عند كل مدون، وواعتقد ان هذا مهم جدا
بصراحة كده وعلى بلاطة مدونى القاهرة ماعنهدهمش حجة، الإحتفال بعد يوم العمل الرسمى مساءا،
ومش هايكون بعيد عن أي مدون لأن كل الانشطة هاتكون تقريبا فى وسط القاهرة
تانى مالكمش حجة يا مدونى القاهرة، وهاشوفكم هاشوفكم
وده بورنامج الإحتفال
السبت 16 يونيو/ جولة بين أثار الحسين ..

توقيت بدء الجولة : الساعة 10 صباحاً
نقطة الإلتقاء : أمام بوابة النصر ( لو جاي من صلاح سالم -إدخال شارع الجفري يمين - وبعدها يمين تاني في شمال
تفاصيل الجولة : شارع المعز لدين الله مروراً ببيت السحيمي - وكالة بزارعة - مسجد برقوق - وغيرها من معالم شارع المعز لدين الله .. نهاية بالحسين ..بصحبة المرشد الأستاذ أحمد قدري
ثم الغداء في مطعم الأمل - بساحة الحسين أو مقهي من مقاهي الحسين لمن لا يرغب في تناول الغداء..
تكلفة الفرد : 5 جنيه + والغداء أو المقهي كل واحد بيحاسب لنفسه ..

الأحد 17 يونيو/ ندوة دينية


مكان الندوة : نقابة العلميين - 8 شارع بستان الدكة - متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : كيفية تحقيق ترابط المجتمع وفوائده .. بالإضافة لمناقشة حرة مع الضيف
الضيف : إمام وخطيب مسجد النور بالعباسية

الإثنين 18 يونيو / إحتفال المجموعة بعيدها


مكان الإحتفال : كوفي شوب روك - الخاص بدار المركبات - بشارع صلاح سالم - بين كوبري العباسية وأحمد سعيد - ليس داخل الدار ولكنه على السور من الخارج في الشارع الجانبي

التوقيت : الساعة 7.30 مساءاً
تكلفة الفرد : 15 جنيه
برنامج الإحتفال : عرض للمواهب + التورتة + الجاتوه + النواشف + مشروب

للأسف قالولنا في الكوفي شوب بعض الممنوعات :
ممنوع :
- الآلات الموسيقية
- أصدقاء من الجنسيات الأخري
- المنتقبات

الثلاثاء 19 يونيو / نزهة نيلية



التوقيت : التجمع 7 مساءاً والتحرك 7.30 بالظبط
نقطة التجمع : شارع ماسبيرو أمام مبني التليفزيون على الكورنيش - مرسي الأوتوبيس النهري السياحي
التفاصيل : ح نأخذ الأوتوبيس النهري السياحي - دورين ( دور مكيف و يمكن فيه طلب مشروبات وغيره - والدور التاني مكشوف ) - يصل إلي المعادي والعودة
تكلفة الفرد : 5 جنيه يتم دفعها كل واحد بنفسه للمحصل قبل الدخول للأوتوبيس

الأربعاء 20 يونيو / حضور حفلة بساقية الصاوي



التفاصيل : حفل كلية التجارة جامعة القاهرة – موسيقى - قاعة النهرالتوقيت : الساعة 7 مساءاً - يجب الحضور مبكراً عن الحفلة للتعارف
تكلفة الفرد : دعوة عامة

الخميس 21 يونيو / ندوة في البرمجة العصبية NLP


مكان الندوة : نقابة العلميين .. 8 شارع بستان الدكة _ متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : البرمجة العصبية NLP
الضيف : د. شريف عرفة


الجمعة 22 يونيو / أمسية النشاط الإنساني مع دار الوفاء والأمل

ح نقضي أمسية مع جمعية دار الوفاء والأمل من مسنين وأطفال معاقيين .. ح نجيب للأطفال هدايا - وح نجيب حلويات ونواشف - ودي جي D J - وعرض مسرحي لفرقة طريق للفنون المسرحية- ونقضي معاهم وقت لطيف ننسي بيه نفسنا ونفتكرهم ويمكن نترك في قلوبهم إبتسامة تفضل معاهم لبعض الوقت

مكان الدار : ش ذاكر حسين الحي الثامن - بعد إنبي إستمر للإمام وبعد مدرسة المستقبل تجدوا الدار - تدخلوا البوابة وتمشوا طريق طويل لحد الملعب اللي فيه الأمسية - ( ملحوظة اللي عنده عربية يجمع أصحابه معاه أفضل )
بدء الأمسية : الساعة 6 مساءاً إلي الساعة 10 مساءاً

واللي يحب يساهم في مصاريف الحاجات اللي ح نجيبها .. أرجو يتصل بي على 0105107418
وده رقم محمول الأستاذة فريدة فراولة
وكل مدون تعجبه الفكرة ويرغب فى الحضور يتصل بى على رقم 0106778994
او من خلال الميل أبو بلاش مالكش حجة يا بتاع القاهرة
وبرده الميل ejymejy@yahoo.com
ويارب تعجبكم الفكرة وتحضروا ولو يوم واحد، هاكون سعيد جدا
وخاصة الاخوة المدونين الى فى القاهرة، بصراحة دول مالهومش حجة
وعلى فكرة فيه ناس هاتجيى من محافظات وتقدر تمشى فى نفس اليوم
آسف على الإطالة والمقدمة الطويلة
وجزاكم الله خيرا
أخوكم منذر

Thursday, June 14, 2007

عمر خرج يا بى ءادمين



عمر خرج يا بشر

الحمد لله على سلامتك

كل منيريد الاطمئنان عليه

يتصل به تليفونيا

على الرقم ده 0108254211

الحمد لله عمر خرج بالسلامة
اتصل بى تليوفنيا بس حظى اكملتش المكالمة
بس كان اقدر يتصل باحمد الجيزاو والجيزاوى بغلنى
كان بجد هايبقى احتفال وحش م غيرك
كلمتك لعمر على مدونته
مستنيينك تحتفل معا يا بطل
وطبعا بشكر ل من تضامن مع عمر
وجزاكم الله خيرا
منذر

Wednesday, June 13, 2007

أحداث 72 ساعة على خطف عمر

حررها معتز العدل بتاريخ 13/6/2007

عديت علي مكتب المحامي ايمن عبد الغني بتوصيه من ابنه محمد الي هو صاحبي
المهم بعت معانا محامي من المكتب علشان يروح معانا
المهم دخلنا عند مأمور القسم وجبلينا شاي وقاعد يضحك ويتكلم مع المحامي بقي
بعد شويه جبلنا اسامي الناس الي اتقبض عليها ومش في وسطيهم اسم عمر الشرقاوي وقال كده بالنص يا ولاد احنا معتقلناش حد يوم الانتخابات وبعدين لو كان اتاخد يوم الانتخابات اكيد مش هتلاقوه هنا وضحك
انا معنتش عارف ايه الي المفروض نعملوا
يعني لو حد عارف ممكن نعمل ايه قولولي ومش هنتأخر هنعملوا علي طول
انا خلاص معنتش عارف حااااااااااااجه
اضف توقيعك معنا
معتز عادل
13\6\2007

ــــــــــــــــــــــــــــــــــ

نفهم من تغطية معتز ونتأكد منها ونتوصل إن فعلا عمر مخطوف

ومن كل المعلومات الى جاتلنا كلنا

من اول ساعة وبتنكر وجود اي معتقلين برده

وجه كلام مسئول امنى وهو مامور قسم طلخا بينكر وجود أي محتجزين على خلفية سياسية

وكل الى تم اعتقاله او احتجازه فى يوم الانتخابات على خلفية جنائية وليست سياسية على الإطلاق

طب نسال فين يا عم الامور قصدى المأمور

روحوا إلى امن الدولة

تخيلوا واحد يروح برجليه إلى امن الدولة ... نعديها

ويقولهم في واحد معتقل عندكم وهو مدون وكان بيصور ومعاه كامير ... طب مين حضرتك ان مدون

طب والأخ ناشط .. وطب والى هناك ده ده صحفى

علشان يضيعوا هما كمان

المهم... المطلوب علشان نساعد عمر بجد

نعرف البيانات ده

أولا: إسم عمر الثلاثى على الأقل
ثانيا: معرفة عنوان عمر ملحوظة عمر عنده مكتب حجامة فى المنصورة يعنى ممكن يكون مشهور نوعا ما وممكن نسال فى المساجد
ثالثا: معرفة عنوان أهل عمر ملحوظة أخوه الكبير من الشرقية وصورة أخوه موجودة فى فوتوغورفيا الشرقواى
http://uuu.modawanati.com/
رابعا: حد ربنا يقدره ويقدر يسال فى مباحث امن الدولة عن عمر ملحوظة عمر ماعندهوش ملف جوة امن الدولة

ويجزيه الله خيرا كل من تضامن مع عمر وهو لم يعرفه

وياريت لو تضيف كلمة لعمر فى مدونته

عندما يرجع بخير إلى مدونته يجد مئات من كلمات الترحيب والدعاء بالسلامة

واعتقد انه يستحق ذلك بعد هذه المحنة ان شاء الله

واكيد هارتفع من معنوياته كتير

كلمتك لعمر فى مدونته

إضغط هنا

للأخوة الأعزاء الى عايزين اكود البانارت للأسف مش راصية تنزل فى تعليق

فياريت لو يبعتلى ميل فاضى على الميل ده

ejymejy@yahoo.com

hapasat@hotmail.com

وانا هابعتله الأكواد بتاعة عمر ان شاء الله

وجزاكم الله خيرا

Monday, June 11, 2007

لائه باه






الى مش متباع القضية من الاول
تلقيت اتصال من المدون عمر الشرقاوى حوالى التاسعة والنصف من داخل قسم طلخا
يروى انه اثناء تغطيته انتخابات مجلس الشورى فى محافظته المنصورة وفى إحدى اللجان الإنتخابية، قام بإلقتاط مجموعة من الصور
ولكنه فوجئ برجال المباحث يقتادونه لقسم شرطة طلخا
وهنا ينتهى الإتصال باستغاثة وبصوت مخنوق
ومن ساعتها وإلى الآن وتليفونه المحمول مغلق تمام
أولا اول من ذهب إلى عمر كان المدون مارو وهو يقطن فى المحلة ويبعد حوالى 23 كم عن طلخا ووصل هناك ظهرا
ولكنه فوجئ بالحشود الأمنية الكثيفة، ووجد ان عمر ليس بمفرده فهناك كثير من المعتقلين وعلى خليفات مختلفة
ولم يجبه أي فرد من أفراد الامن، ورفضوا إعطائه أي معلومة له او لغيره إعطائه أي معلومة
وقام المدون ابن يسرى شاكر بعمل بانر لصورة عمر الشرقاوى
وقام المدون احمد المصرى باعطائى رقم تليفون رئيس الشبكة العربية لحقوق الإنسان وإعلامه بالأمر
وتم إرسال رسائل إلى المجموعات البريدية المختلفة
وقامت الأستاذة فريدة فراولة بمتابعة الاستاذ المحامى أحمد حلمى وتم إعلامه بالخبر
وحينما قام بإرسال مجموعة من المحامين إلى عمر وغيرهم قام راجل الامن بالركض خلف هؤلاء المحامين
وتم إعلام المدون والصحفى منعم
وقام الصحفى والمدون احمد الجيزاوى شاكرا بإرسال صديق له وهو الماحمى محمد محي وهو من المنصورة بالذهاب إل قسم شرطة طلخا ولكنه أيضا أصابه ما أصاب من ذهبوا إلى هناك
فى إجماع من كل من ذهب ميدانيا أن عمر مش لوحده فيه معتقلين كتير جدا، وماحدش راضى يدى أي معلومة
اما المدون معتز فقام بتغطية ميدانية وعمل بيان للتضامن مع عمر الشرقاوى
للتضامن مع عمر وتوقيع بيان التضامن
إضغط هنا
وهنا تأتى تغطية المدون معتز
انا لسه راجع من قسم طلخاانا لسه راجع حالا من قسم طلخاصليت العصر ورحت اشوف عمر في القسم وخدت معايا واحد صاحبي ملازم اول دخلت القسم وكان قدام الاسم في ناس كتير جدا علشان في حوالي 15 واحد مقبوض عليهم ما بين ناس بتصور وناس تانيه كانت رايحه تنتخب وبيقولوا عليهم بيعملوا شغب . المهم بصراحه حاولت اني اشوفوا او اعرف هما ناويين علي ايه بس محدش كان بيديلي اي معلومات حتي الملازم صاحبي مكنش عارف اي حاجه في اي حاجه ومحدش بيديني معلومات . المهم بعد شويه صاحبي سبني لقيت 2 عساكر بيجروا ورايا واحد خبطني علي دراعي بالعصايا بتاعته فطلعت بره القسم واستخبيت في وسط الناي الي واقفه ومن ساعتها وانا قاعد قدام القسم وبحاول اعرف اي معلومات كل الي عرفته انهم مش هيخرجوا النهارده وفي احتماليه النقل علي معسكر الامن ربنا يستر عليهم جميعا .جالي في الوقت ده كذا اتصال بيحاول يطمن علي عمر الي اقدر اقولوا ان عمر الوقتي محتاج دعائنا وتضامننا معاه وان اي حاجه تانيه نقدر نعملها يا ريت تبلغونا بيها فوراكان ممنوع دخول الاهالي او المحامين وموقفين حرس علي القسم ومقفلين الشارع قدامه ولما حاولت اصور الاحداث دي كان في كام امين شرطه متنورين وبيمنعونا من اي حاجه بس ان شاء الله هحاول اوصل لاي صور تفيدنا ان شاء اللهلم نعد نملك سوي الدعاءاضف توقيعك معنا في حملة جمع التوقيعات للافراج عن عمر الشرقاوي معتز عادلمن ميدان الأحداث11\6\2007

البانر الخاص بحملة عمر الشرقاوى من إنتاج ابن يسرى


http://www.aldwasr.com/up" target="_blank">Image Hosted by ...::: مركز قبيلة الدواسر لتحميل الصور والملفاتhttp://www.aldwasr.com/up/uploads/493a7bae43.jpg" />


Saturday, June 9, 2007

كيف يسبونهم هكذا؟

لا أدرى تنتابنى حالة من الاستفزاز الشديد عند سماع لفظة (الجماعة المحظورة)، من هذا الذي يجرؤ ـ بعد أن فازت جماعة الإخوان (المقهورة) ب 88 مقعد ـ أن يطلق عليها هذا اللفظ، كأنهم مجموعة من السارقين أو قاطعى الطريق أو اللصوص أو المشعوذين أو القتلة أو السفاحين أو المحتكرين لقوت الشعب وفتاته، أم يحاولن تشبيههم ببعض الجماعات التى عاثت فى أرض الكنانة قتل وإرهاب

وتبلغ قمة الاستفزاز مداها من المحاكمات العسكرية الظالمة والفاسدة التى يعانى منها جميع الإخوان من القادة إلى الكوادر فى الجامعات من خيرة شباب مصر

لماذا يحاولون أن يتناسوا أم أن أعينهم لا ترى، ولا أدرى إن كانت ترى ولا تريد أن تصدق، أن من الإخوان، العلماء والمهندسين والأطباء والمفكرين ورجال الأعمال الشرفاء، الذين يحبون هذا الوطن ويعملون ويسهرون لتقدمه ورفعته، لماذا يتناسون ال 88 مقعد، بأي شيئ يبرون هذا الفوز الكاسح فى إنتخابات أصلا مزورة، كيف تجرى الكلمات على لسان الفقى وغيره وتجاريهم ألسنتهم أنا يطلقوا على الإخوان الجماعة المحظورة وهو من تم لهم الفوز فقط عن طريق التزوير، وكان هذا هو الطريق الوحيد ليحققو من خلاله هذا الفوز

أعتقد أنهم يحاولن ان تكون الجماعة المحظورة المرادف للإخوان المسلمين، أي أن المواطن العادى لابد له من أن يردف بعد نطقه للإخوان المسلمين الجماعة المحظورة، ولكنهم يحلمون ويتوهمون، فلا يطلق هذه اللفظة على هذه الجماعة إلا كل حاقد وكل مدعى وكل آفاق وكل منافق، يحاول أن يجارى تيار الأقلية الحاكمة، أما المواطن والشعب فيعلم من هو المحظور ومن هو المقهور ومن هو الوحش المسعور

Tuesday, June 5, 2007

يا ولاد ....... الكبش






ايه يا ريسنا
تقبل انك تبات فى الشارع
تقبل ان قصرك يولع
وتروح النهضة فى مدينة السلام
والى عمل ده العملة يفلسع
وتبات يعينى فى الظلام
والنوم فى خيمة مافهوش امان
فى الصبح تطلع تملى مية
ومراتك تجيب صحن الفول
وعيالك يروحوا المدرسة
من غير باص ... الاسكول
ويرجعوا يا عينى مطحونين
زي السردين المقفول
ويشوفوا بالليل الحرامى
على انه أكبر غول
جاي ياكولهوم أو حتى
طمعان فى بقيت صحن الفول
* * *
وانت ياعينى تنزل تفتش
على أي شغلانة نقاشة
ومراتك تنزل تخدم
فى بيت فلانة وعلانة
ويقولوا ده ست زنانة
جايه تقر وعيانة
* * *
ترجع ع المحافظ وع الوزير
وع الحي وع الغفير
وبعديها يجيلك نزير
من بتاع الأمن المدير
ويشيلوك ويطردوك
وبالشلوت كمان يدوك
كل ده عشان شقة فى عمارة
أو حتى قودة مدارية بستارة
ويقولوك عملى غارة
تقولهم ده انا عايش فى مغارة
ده انت أحسن من غيرك
ده غيرك عايش ف خرارة


ـــــــــــــــــــــــــــــــــــــــــــــــــــ


يا ولاد الكبش
حرقوا قلعة الكبش
ورموا الناس فى الشارع
والمستقبل بأه ضايع
والى راح مش راجع
م الحرايق والولايع
استكتروا عليهم العشة
ولا استكتروا عليهم العيشة
ده احنا والله مش طيشة
علشان يبيعوا ويشتروا
ويحطوا رجل ويتأمروا
وناس تتطبل ويزمروا
وان شا الله تاكلنا طريشة
* * *
أوعى تاخد الدنيا قفش
بعد نهب قلعة الكبش
ده البلد هاتبقى هبش فى هبش
ولو عاوز تقش... لازم ترش
بس بلاش ترش بالنار
حرام عليك العيال الصغار
دول والله مالهمش ذنب
كفاية عليهم تعذيب وضرب
ده مافيش حد ولو مرة
يدوقهم حنان الأب
دول اتنين فى واحد بمناسبة انى خلصت امتحانات النهاردة
يوم خمسة يونيو وربنا يستر على اليوم ده، ويعديها على خير