Friday, June 15, 2007

تنويه هام إلى جميع المدونين.... انتبهوا

ملحوظة البوست ده محتاج أنفس طويلة، فخد شهيق كده ومايطلعش غير فى الآخر
كلام بجد بأه ياريت واتمنى عليكم واحلفكم بالله انكم توصولوا لنهايته
سالمين ان شاء الله
الآن الحمد لله عمر الشرقواى خرج بسلامة الله تعالى، ولكن ماحدث لعمر جعلنى أفكر فلقد شاهدت بعنيى مدونين يضعون البانر الخاص بعمر ويدعون المدونين الآخرين للتضامن مع عمر ويدعون الله أن يفك أسره، ويتواصلوا معى كي يطمئنوا ويعرفوا اخبارعمر، وكل ذلك دون أن يعرفوا عمر شخصيا أو حتى دون أن يقرأو مدونته لان مدونته فى مكتوب، فعلوا كل ذلك لانهم علموا ان مواطن مقهور مثلهم ومدون زميل باحث عن الحق ومحامى باسمهم جميعا
أخرج من هذه التجربة بسؤال ماذا كان يحدث وماذا كانوا سيفعلوان أصدقائى المدونين لو عرفوا عمر وتقابلوا معه وعلمواه وخبره كما خبرته انا وأصدقاؤنا الآخرون، بالتاكيد المساعدة ستكون اكبر والحماس سيكون أقوى والإنفعال سيكون اشد والحزن سيكون مؤلم
الآن يوجد لقاء أيضا لكن على مستوى ناشطى الإنترنت كمدونين وغير مدونين والفرصة تم إتاحتها لنا من خلال مهرجان مجموعة القلوب البريدية ومديرتها الأستاذة فريدة فراولة
فائدة هذا اللقاء أن نعرف بعضنا البعض كمدونين عن قرب ونفهم خلفياتنا الثقافية المختلفة وبالتالى عند نقاش أي موضوع لا يتم تناوله بعصبية ونرفزة وانفعال وتنتهى أيضا التعليقات المتعصبة، ويكفى ان نلمس الجانب الإنسانى عند كل مدون، وواعتقد ان هذا مهم جدا
بصراحة كده وعلى بلاطة مدونى القاهرة ماعنهدهمش حجة، الإحتفال بعد يوم العمل الرسمى مساءا،
ومش هايكون بعيد عن أي مدون لأن كل الانشطة هاتكون تقريبا فى وسط القاهرة
تانى مالكمش حجة يا مدونى القاهرة، وهاشوفكم هاشوفكم
وده بورنامج الإحتفال
السبت 16 يونيو/ جولة بين أثار الحسين ..

توقيت بدء الجولة : الساعة 10 صباحاً
نقطة الإلتقاء : أمام بوابة النصر ( لو جاي من صلاح سالم -إدخال شارع الجفري يمين - وبعدها يمين تاني في شمال
تفاصيل الجولة : شارع المعز لدين الله مروراً ببيت السحيمي - وكالة بزارعة - مسجد برقوق - وغيرها من معالم شارع المعز لدين الله .. نهاية بالحسين ..بصحبة المرشد الأستاذ أحمد قدري
ثم الغداء في مطعم الأمل - بساحة الحسين أو مقهي من مقاهي الحسين لمن لا يرغب في تناول الغداء..
تكلفة الفرد : 5 جنيه + والغداء أو المقهي كل واحد بيحاسب لنفسه ..

الأحد 17 يونيو/ ندوة دينية


مكان الندوة : نقابة العلميين - 8 شارع بستان الدكة - متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : كيفية تحقيق ترابط المجتمع وفوائده .. بالإضافة لمناقشة حرة مع الضيف
الضيف : إمام وخطيب مسجد النور بالعباسية

الإثنين 18 يونيو / إحتفال المجموعة بعيدها


مكان الإحتفال : كوفي شوب روك - الخاص بدار المركبات - بشارع صلاح سالم - بين كوبري العباسية وأحمد سعيد - ليس داخل الدار ولكنه على السور من الخارج في الشارع الجانبي

التوقيت : الساعة 7.30 مساءاً
تكلفة الفرد : 15 جنيه
برنامج الإحتفال : عرض للمواهب + التورتة + الجاتوه + النواشف + مشروب

للأسف قالولنا في الكوفي شوب بعض الممنوعات :
ممنوع :
- الآلات الموسيقية
- أصدقاء من الجنسيات الأخري
- المنتقبات

الثلاثاء 19 يونيو / نزهة نيلية



التوقيت : التجمع 7 مساءاً والتحرك 7.30 بالظبط
نقطة التجمع : شارع ماسبيرو أمام مبني التليفزيون على الكورنيش - مرسي الأوتوبيس النهري السياحي
التفاصيل : ح نأخذ الأوتوبيس النهري السياحي - دورين ( دور مكيف و يمكن فيه طلب مشروبات وغيره - والدور التاني مكشوف ) - يصل إلي المعادي والعودة
تكلفة الفرد : 5 جنيه يتم دفعها كل واحد بنفسه للمحصل قبل الدخول للأوتوبيس

الأربعاء 20 يونيو / حضور حفلة بساقية الصاوي



التفاصيل : حفل كلية التجارة جامعة القاهرة – موسيقى - قاعة النهرالتوقيت : الساعة 7 مساءاً - يجب الحضور مبكراً عن الحفلة للتعارف
تكلفة الفرد : دعوة عامة

الخميس 21 يونيو / ندوة في البرمجة العصبية NLP


مكان الندوة : نقابة العلميين .. 8 شارع بستان الدكة _ متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : البرمجة العصبية NLP
الضيف : د. شريف عرفة


الجمعة 22 يونيو / أمسية النشاط الإنساني مع دار الوفاء والأمل

ح نقضي أمسية مع جمعية دار الوفاء والأمل من مسنين وأطفال معاقيين .. ح نجيب للأطفال هدايا - وح نجيب حلويات ونواشف - ودي جي D J - وعرض مسرحي لفرقة طريق للفنون المسرحية- ونقضي معاهم وقت لطيف ننسي بيه نفسنا ونفتكرهم ويمكن نترك في قلوبهم إبتسامة تفضل معاهم لبعض الوقت

مكان الدار : ش ذاكر حسين الحي الثامن - بعد إنبي إستمر للإمام وبعد مدرسة المستقبل تجدوا الدار - تدخلوا البوابة وتمشوا طريق طويل لحد الملعب اللي فيه الأمسية - ( ملحوظة اللي عنده عربية يجمع أصحابه معاه أفضل )
بدء الأمسية : الساعة 6 مساءاً إلي الساعة 10 مساءاً

واللي يحب يساهم في مصاريف الحاجات اللي ح نجيبها .. أرجو يتصل بي على 0105107418
وده رقم محمول الأستاذة فريدة فراولة
وكل مدون تعجبه الفكرة ويرغب فى الحضور يتصل بى على رقم 0106778994
او من خلال الميل أبو بلاش مالكش حجة يا بتاع القاهرة
وبرده الميل ejymejy@yahoo.com
ويارب تعجبكم الفكرة وتحضروا ولو يوم واحد، هاكون سعيد جدا
وخاصة الاخوة المدونين الى فى القاهرة، بصراحة دول مالهومش حجة
وعلى فكرة فيه ناس هاتجيى من محافظات وتقدر تمشى فى نفس اليوم
آسف على الإطالة والمقدمة الطويلة
وجزاكم الله خيرا
أخوكم منذر

19 comments:

علاء said...

جزاكم الله خيراً على الدعوة
يوم الأربعاء 20 يونيو في مؤتمر في نقابة الصحفيين عن حرية الصحافة الإليكترونية و التدوين ينظمه الأستاذ محمد عبد القدوس و مجموعة من المدونين
أرجو منك الحضور

امام الجيل said...

ايييييييه ده كلوووووووووو
ربنا يكرمكو ما شاء الله ربنا هايل بس مينفعش مع العاملين امثالى مواعيد شغلى فلة للاسف صعب جدا اجى نسيب الفرصة للمدونين الطلبة احنا راحت علينا خلاص بس بجد ربنا يوفقوا

انتصار عبدالمنعم said...

أحييك يا منذر على
كل هذا النشاط
ويارب ينجح المهرجان
سأحاول أن أحضر ولو يوم
ربنا يسهل

fares said...

مندر
اوك يانجم حاضر هحاول اني احضر مع اني من بلاد الواء الواء بعيد اوي
تحياتي ليك ولكل الناس اللي قاموا بهذا العمل الرائع

ibn nasser - ابن ناصر said...

منذر قولي اسم الكافيه ده قالك ممنوع دخول الجنسيات الاخري والمنتقبات
اكتبلي اسمه وعنوانه
تشكر

صاحب البوابــة said...

السلام عليكم

اشكر كل من تساءل عن غيابي

ووقف بجانبي في محنتي

تحياتي لكل شريف حر

شيماء الجيزى said...

اشكرك كثيراً على الدعوة
وكان بودى جدا ان احضر
لأنى شايفه انه مهرجان رائع
وواضح انه فعلا هيكون جميل
بس للاسف انا من خارج القاهرة
والمواعيد المتأخره دى لا تصلح (مع الرقابه الاهليه ) كمان بعيداً عن كل اخوتى
انا اعانى من ازمه مرضيه ...ارجو الا تستمر

تحياتى لك واشكرك بشدة
ومبروك خروج عمر بالسلامة
تحياتى

fares said...

ابناء مصر بنحب. هنقدر. هنغير
http://abna2masr.blogspot.com/

Sharm said...

ناوي على ايه يابن ناصر ؟؟

شــــمـس الديـن said...

ملنش حجة ازاي بس :)

اولا السلام عليكم و رحمة الله و بركاتة

اولا انا من عامة الشعب اللي المواصلات مش بتبقي متوفرة للحتت اللي انت بتقولها دي ... اغلب الاماكن دي محتاجة عربيات دا اولا

ثانيا للناس اللي بتشتغل هيكون من لصعب اوي انهم يستأذونا من اشغالهم

ثالثا بقي مع احترامي لكل الجهود المبذولة

القعدات مع الناس اللي الواحد بيتعرف عليهم من النت - و خاصة لو مكانت عل يعلاقة شخصية بيهم - الدنيا بتبقي ضايعة بجد
و فعلا الجلسة مش هتبقي ممتعة غير للناس اللي يعرفوا بعض او نشيطين جدا علي النت

الدنيا لما بتوسع بتبهوق و مش بتبقي منظمة و كويسة

انا مش محبطة و الله بس انا بتكلم من خلال تجربتين خوضتهم بنفسي

اولا تجربة كنت انا المشرفة عليها و عملت زي اجتماع بين بنات موقع كنت انا مشرفة عليه و كنا من نفس الكلية بس لضيق الوقت عمرنا ما اتقابلنا

و كان اللقاءء ممتع و مثمر للغاية
ليه ؟
لان ببساطة الحديث لم يكن مقتصر علي احد معين و لكن هي قضية و الجميع - بالامر - لابد ان يتكلم و يعبر عن نفسة .. لا ان اتكون محاضرة تلقين

ساعد علي هذا الامر اولا تقارب السن ثانيا عدم الرهبة لاننا نعرف بعضنا جميعا علي النت بس اسماء حركية بس
كان لقاء حقا لن انساه كيلة عمري

اما التجربة الثانية و هي علي النقيد تماما

اجتماع للمدونين
تقريبا لتواصل بيننا شبه منعدم لاني اسمع عن مجرد اسماء فقط ... الموضوع كان زي ما بقول لحضرتك ( مبهوق ) لان العدد كان كبير جدا و مفيش اليه محددة لادارة المؤتمر لو الواحد عايز يسمية مجازا

و طبعا لاني لست صديقة شخصية لاي احد ممن حضروا فلم يعيروني اي اهتمام و سقط اسمي من كشف من حضر اساسا :))
لست متضايقة طبعا و لكن هي مجرد تجربة

بالنسبة لموضوع الاخت فريدة صاحبة مجموعة القلوب
هي انسانه احسبها علي خير و لكن - و رغم نني اعرف مجموعتها منذ حوالي 4 سنوات - الا ان مشارتي هناك شبه منعدجمة لانه الناس اللي بتابع الموضوعات بتبعت ميلات كتيرة جدا و انا وقتي لا يتسع لقراءة هذا الكم الهائل من الميلات و الرد عليها و متابعة الموضوعات !!!!!

لا اريد ان اكون محبطة و لكني احكي لك عن تجربتي في هذا المجال
و اعتقد ان موضوع المؤتمر الصحفي الذي سيعقد في نقابة الصحفيين يومالاربعاء القادم سيكون افضل نوعا ما لانه محد د المعالم

دمت بخالص التحية و الود
في حفظ الله

صاحب البوابــة said...
This comment has been removed by the author.
hapasa said...

أنا آسف يا جماعة مش عارف اتواصل معاكم وزعلان جدا علشان كده
بس بجد بالرغم من كل التعليقات
ياريت لو يوم ويكون يوم الجمعة يوم اجازة وفى دار الوفاء والأمل
والعملية والله منظمة جدا
وبنرتب ليها بقالنا مدة طويل
ومش عارف مين الى ادا تعليق ومسحه
لو حد قراه ياريت يقولى
وجزاكم الله خيرا
وبجد فكروا وجربوا
والسلام عليكم ورحمة الله وبركاته

نيفين عمر said...

الجو حار جدا ماتخليها عندنا هنا فى اسكندرية
هو فيه اجمل من اسكندريه ؟؟

لكن بحييك جدا على نشاطك ومجهوداتك دايما
وهى دعوة لطيفة جدا منك تعمل على ازدهار عالم المدونات
اشكرك جدا ولك كل تحياتى ومبروك خروج عمر الشرقاوى
دائما على تواصل ان شاء الله

كراكيب مصرية said...

الأخ العزيز منذر
جهد رائع ..ونشاط مثمر إن شاء الله كنت أتمنى الحضور ولكنى من خارج القاهرة
مدونتك رائعة للغاية ..من يدخلها يتعلم منها الكثير
أرجو تشريفك فة مدونتى صحفى من منازلهم http://freejournalist.maktoobblog.com/
وكذلك مدونتى كراكيب مصرية
تقبل ودى واحترامى
أحمد التابعى

مدونه انا بحبك يا مصر said...

اولا احيك يا منذر على هذا الموضوع وانا بحق ونحنو فى الوم الثالث تقريبا اقوله انت شايل المهرجان بجد فعلا شيله حلوة وربنا يكرمك
اخوك احمد الجيزاوى

غمض عينيك said...

باشا شكرا ع الدعوة الكريمة
للاسف انا اليومين دول مواعيد شغلي بايظة خالص
كان نفسي اكون موجود بجد بس مرة تانية ان شاء الله

تحياتي

محمد سمير

خليك فى البيت said...

بجد احنا سعداء بحماسك لمساعدتنا وأكيد أحنا عايزين ناس تنشر الفكر وتساعدنا والفكرة مش بس منتشرة فى المدونات دى منتشرة فى أماكن كتير وأنا نقلتها من منتدى الكرامة لهنا علشان أنشرها للمدونين وكمان الفكرة محتاجة تتوسع فى الشارع كمان ويسعدنا أنك تساعدنا
ولو فعلا تقدر تساعد أبعت لنا على الأيميل ده
rohbosbos@gmail.com
علشان نقدر ننسق معاك أكتر

عمر الشرقاوى said...

حبيبى منذر فين جديدك بقالك كام يوم ما دخلتش طمنا عاليك

nesrelsharke said...

جزاك الله كل خير اختى على الدعوه
ونسال الله العفو و العافيه
السلام عليكم