لأ بأه .. احنا هانتسلم من أولها

ولأن «الجمعية الوطنية من أجل التغيير» ليست كيانا قانونيا مصرحا به، وبالتالى ليس له عنوان بريدى يمكنه استقبال البيانات الموقعة من جانب المواطنين، فمن المتوقع أن تظهر صعوبات جمة تحول دون توليد آليات ضغط جماهيرية كافية لحمل النظام على الاستجابة إلى مطالب التغيير. غير أنه يمكن التغلب، فى تقديرى، على هذه الصعوبات بإحدى وسيلتين، الأولى: أن يبادر الشباب، بشكل طوعى ودونما انتظار توجيهات من أحد، بتشكيل لجان شعبية فى القرى والأحياء والنجوع تتولى طبع المطالب وتوزيعها ثم إعادة جمعها بعد توقيعها وفقا للآليات التى يرونها مناسبة كى يسهل بعد ذلك حصرها.

ده جزء من مقال للدكتور حسن نافعة فى المصري اليوم بتاريخ 7 / 3/ 2010

أنا بحب وبحترم الراجل ده جدا، ومقدر قيمته الاكاديمية والعلمية والأدبية والسياسية وكل حاجة فيه

بس مش فاهم يعني الشباب مفروض عليهم يعملوا ايه تاني

المدونين عملوا الى عليهم ودفعوا التمن .. الى اطرد من شغله والى أخدله علقة والى اتحجز فى القسم والى اضرب والى هددوه في بيته

وبرده الشباب هما الى عملوا كفاية والغد والجبهة

و هما الى عملوا 6 إبريل 4 مايو وخلي عندك صوت وخلي عندك دم وغيرها

و هما الى عملوا للاخوان كيان وقيمة ونشاط

وهما برده الى مش لاقيين شغل والى بيتقبض عليهم والى بيبادروا والى بيتحركوا والى بيحركوا النخبة كمان .. وبعض النخبة كانت بتبلغ عنهم وكبار الصحفيين بتمص دمهم وشغلهم وشقاهم وتعبهم ومعروفين بالأسم وموجودين فى الويظطة دي صحاب الوشوش المحروقة المزيفة

والنخبة هي الى بتكتب فى الجرايد وتطلع فى التليفزيون وتبلغ عليهم الأمن وبتنظر عليهم

أنا بقولها بكل صراحة وكل وضوح

لو سمحتم انزلوا معانا

انزلوا احمونا

نفسنا نشوفكم من غير ميكروفون ولا كاميرا

ببتتحركوا معانا ووسطينا

جميل انكم تكتبوا البيان التأسيسي والأهداف والرؤى والخطط .. لكن حتي كمان الآليات بخلتم بيها علينا .. لا عيب .. عيب وحرام والله

لو عاوزين تعملوا لجان .. علشان انا عارف انكم بتحبوا اللجان زي عنيكم .. اعملوا وترأسوا اللجان دي كمان يالا ..
اللجان حلوة فى حد ذاتها بس لما تُفعل آليات عملها .. وتبقوا انتم كمان ضمن تروسها .. مش تبقوا الايد الى بدوس علي زر التشغيل ونبقي احنا وقودها

وأهم لجنتين .. أو الى اللجنتين الى هايشتغلوا

اللجنة حقوقية وتبقي مليانة محامين ويبقوا شغالين بجد

ولجنة إعلامية وطبعا تبقي مليانة إعلاميين مش محتاجة زكاوة... يغطوا تحركات الشباب والمحامين مش يغطوا

تحركات النخبة

علشان الشباب لما يتكلم مع الناس ويقنعهم وينزل بيهم للشهر العقاري ويطلع موظف غلبان ومديره الجبان ومايرضوش يوثقوا عريضة المطالب ، المحامين يشتغلوا ويعملوا اثبات حالة ويلبطوا ويظيطوا والإعلاميين تصور

واحنا نظيط والإعلاميين تصور واحنا نظيط

لأن الحكومة مابتخافش غير من الجرصة والفضيحة

والموظفين مابيخافوش غير من الى بيفهم فى القانون

وبكده الناس تتشجع اكتر واكتر واكتر وتحس بالامان ونقلل المخاطر ويبقي شغل بجد وفى النور وقدام الناس

ولأن لازم بأه النخبة الى بيقولوا عليها دي تنزل باه معانا الشارع وتبقها زيها زينا
لانها بتعرف تكلم واحنا بنعرف نكلم هي بتعرف تكتب واحنا بنعرف نكتب هي بتعرف نفكر واحنا بنعرف نفكر

وكمان الناس لما تشوف النخبة الى بتطلع فى التليفزيون وتقعد ترغي وتكلم فى الدستور وغيره ومش عاجبها النظام تبقي قدامهم وجنبهم ووراهم

كده الناس تثق فيهم وتمشوا وراهم

لان الى مخلي الناس مش ببتتحرك هي عدم ثقتهم فى النخبة دي

وبعد كده تيجي باه نقطة "تشكيل لجان شعبية فى القرى والأحياء والنجوع تتولى طبع المطالب وتوزيعها ثم إعادة جمعها "بعد توقيعها
وبلاش حركات قفل الموبايل والحركات دي

وارموا بياضكم وورونا أمارة

صعبان عليا حالي

صعبان عليا حالي، أغنية شعبية تلاقي جمعة بيحبها

هو مش حالي الى صعبان عليا .. لكن الفكرة الذهبية بتاعة أبناء مصرهي الي صعبانة عليا

كنت بتفرج فى يوم علي مني .. حد يسالني ويقولي مين مني .. طبعا مني الشاذلي .. هو فيه ميت مني يعني .. ومني الشاذلي دي بالنسبة لي هي الست .. لانها ست بما تحمله الكلمة من معاني وعبر وعظات لأي ( إمرأة) أخري يدور بخاطرها أنها ست

المهم مش هاطول علشان لو مراتي فى يوم من الأيام عرفت طريق المدونة ماتخنقنيش .. أصلها قربت تكره مني وقناة دريم كلها والساعة عشرة كمان
فلما بتيجي الساعة عشرة من هنا ألاقي البيت اتقلب من هنا، وفجاة أحس انى بقيت فى كافتيريا ينزل شوب بيبسي بالتلج مشبر .. أقول قشطة هاتبقي سهرة زي الفل مع مني .. تكتم غيظها وتجيبلي باكو شمعدان الشبح ... يا عيني يا عيني .. تاكلهولي يا سلام يا سلام .. بعدين فجاة تقولي انت كلمت عمو النهاردة .. أقولها آه طبعا .. طب سألت علي ماما .. أقولها ليه هي عيانة.. هي بتعيا أبدا .. تجز علي سنانها وتقولي مش مامتي انا مامتك انت .. أحرج كده وأقولها وماله نكلم الاتنين .. جبرا للخواطر ودفعا للشرائر.. عبال ما أكلمهم ألاقي معلقة أيس كريم فى بوقي و وفجاة ألاقيها بتقولي الله الفيلم ده حلو قوي ده الى مش عارف بيحصل فيه ايه وايه فى لحظة وثانية ألاقي القناة اتقلبت علي أي قناة أفلام أجنبي وكان الله بالسر عليم



نرجع لمني وف يوم خطة المدام بائت بالفشل الذريع نظراً للنفاذ السريع للحاجات الحلوة، لقيت مني مستضيفة دكتور فى الجامعة وكام شاب لووز بيتكلموا عن حركة جديدة اسمها مش عارف حركة 14 فبراير .. مصر أولا .. و المؤسسين ليها زعلانين من الناس الى طلعت فى مظاهرات ضد مصر أيام حرب غزة، وكلامهم موجه ضد الإخوان بالأساس ، ورافعين شعار مصر أولا، وهو شعار حق يراد به باطل من وجهة نظري ، المهم لما اتكلموا كمان مع مني حسيت انهم بيتكلموا فى امانة الشباب فى الحزب الوطني مثلا .. نفس البوئين ونفس الشعارات ونفس الخطاب بتاع الحزب الوطني المعادي للمعارضة ومصدر الاخوان فى الوش

المهم وانا بتفرج حسيت بحسرة، ان فكرة فكسانة زي دي تطلع مع مني، وفكرة تانية زي أبناء مصر تتاقل بالدهب يتردم عليها بالتراب من أصحابها، لو اتعرضت الفكرة دي فى منبر زي ده كانت لمت مريدين بالمئات علي الأقل، لكن احنا أصلا ماكانش هدفنا نطلع فى برامج .. كان بس هدفنا اننا نشتغل من سكات مش جنب الحيط لا ده جوه الحيط وماحدش يسمعلنا حس علشان نستمر، وفعلا عملنا شغل حلوقوي، الفكرة كانت تستاهل والناس يستاهلوا ان الواحد يشتغل معاهم ويعرض نفسه للخطر علشان خاطر الفكرة الذهبية الى آمن بيها والى فى الآخر أشوف فكرة زي دي بتتعرض مع مني ويتقالي من عضو مؤسس وعزيز فى أبناء مصر لما قلتله هل عملت كل الى نفسك فيه فى أبناء مصر رد وقالي بعدم اكتراث لا طبعا .. بس فى النهاية أبناء مصر دي مظلة زي أي مظلة وهلاقي مظلة تانية أشتغل فيها

رحت قلبت مني وقلت لمراتي تجيبلنا طبقين جيلي بالموز واتفرجنا علي فيلم غباء فى غباء لجيم كاري ع الفوكس موفي

جديد نوفى

قبل ما ادخل فى البوست عندى كلميتن سارقهم من اخويا علاء الغزالى
" أن من لا يتابع مدونات الآخرين فلا تستحق مدونته المتابعة و أيضا من لا يتابع الردود فلا يستحقها "
وده حكمة تدوينية غاية فى الروعة، وعجبتنى جدا، وموافق عليها بشدة
لكن عندى شوية أخبار جددة كده عاوز أعرضها عليكم، وسط مشاغل الشغل الخنيقة الى بمر بيها دلوقتى

وافقت كل من الناقدة والأديبة انتصارعبد المنعم، والأستاذة نيفين عمر، على نشر اعمالهم وقصصهم الأدبية على الركن الأدبى لموقع أبناء مصر

والمفاجاة الاخرى، وجاءت بعد مراسلات بين الركن الأدبى وبين الأستاذة نيفين عمر محررة مدونة الاديب علاء الأسوانى، حيث وافق الاديب على نشر قصصه القصيرة فى الركن الأدبى على سايت أبناء مصر، والاهم والأجمل، انه وافق على القيام بالنقد الادبى لأي قصة قصيرة او عمل أدبى سواء كان لمدون، او ناشط انترنت أو شخص عادى قرأ الكلام ده بسبيل الصدفة،، وأردا أن يعرض اعماله الأدبية على الاديب ، وهاينقدها فى ندوته الأسبوعية يوم الخميس الساعة التاسعة مساءا فى شارع أمين سامى من القصرالعينى، فى مقر حزب الكرامة

حتى يتنسى ذلك، فمن يرغب بنشر اعماله الأدبية سواء كانت شعراً او زجلاً أو قصص قصيرة يرسلها لى فى فايل وورد ومؤرخة على البريد الإلكترونى التالى

ejymejy@yahoo.com
وسوف ننشرها فى الركن الادبى الخاص بسايت ابناء مصر

ولمن يرغب بان يقوم الأديب بنقد اعماله الادبية، فليرسلها لى على نفس البريد الإلكترونى وترك وسيلة للاتصال به، لتحديد ميعاد مع الاديب

والركن الأدبى بينشر أشعار الأستاذ عبد الله المصرى، و شاعر اخوان أحمد سعد دومة، وشمس الزناتى، و الشاعر الحزين احمد مهنى، والشاعر على إبراهيم، وابن ناصر، وصاحب البوابة، والعبد لله، وأي حد حابب ينشر أعماله يبعتهالى على نفس البريد الإلكترونى السابق فى فايل وورد ومؤرخ

الأمر الآخر فيه تجربة عاوزين نعملها فى الركن الأدبى، فى أي سايت أو مدونة بتكون القصيدة مكتوبة فقط، مش ملقاه يعنى مش مسموعة

ميزة الانترنت فى المالتى ميديا الى بيتمتع بيها، يعنى كتابة وصوت وصورة وفيديو، يبقى لازم نستغل الامكانيات ده كلها، ففكرت ليه ماتبقاش القصيدة مكتوبة ومسموعة، يعنى مثلا انت كتبت القصيدة عاوزينك تلقيها بصوتك وتسجلها وتبعتهالى وتبقى القصيدة مسموعة ومقروءة بصوت الشاعر نفسه، وهاتبقى احلى كتير، وهايقدر الشاعر فيها انه يطلع احساسه ويبرز مواطن الموسيقى الى فى القصيدة كلها، وده هايخلى الناس تقبل على الشعر والزجل لأنهم سمعوه وحسوا بيه، لانهم ساعات مش بيقدرو يفهموه قوى، فتبقى ده وسيلة ترغيب وجذب جديدة، أنا لغاية دلوقتى ماجربتهاش، لكن أتمنى ان أي حد يقرا تعجبه الفكرة يجرب يعملها او يقول ينشرها بين أصدقائه الى بيعرف انهم بيكتبوا ، ويبعتهالى، ونتشرف اننا ننشره

فيه نقطة تانية، عاوزين نبرز مواهب تدوينية جدية غير نمطية يعنى تكون مختلفة عن كتابة المقال أو الشعر او الزجل، زي الكاريكاتير مثلا، مرسوم بخط الايد أو ببرنامج فلاش مثلا بأي طريقة كانت المهم انها تتنفذ، اعتقد انه فكرة جديدة ياريت لو حد عنده الموهبة ده يجرب يعملها ويبعتهالى ونشرها على أبناء مصر

ولو حد بيعرف يرسم بس لكن عاوز أفكار ، ممكن يعمل فريق عمل من اتنين واحد يفكر فى فكيرة والى بعيرف يرسم يرسم الفكرة ده ، والبلد مليانة مشاكل عاوزين نصورها بكاريكاتير، مثلا مشكلة المية اتعملت مقال و شعر و زجل و قصة، مانجرب نعبر عنها فى كاريكاتير ساخر

فى مواهب تانية زي العزف، لو حد بيعزف على أي آلة ليه مايسجلهاش، ولو حد بيكتب ، ممكن نوفق الى بيكتب مع الى بيعزف وينفذو حاجة مع بعض، أما عن الوسائل والله بسيطة مش مكلفة أبدا، ولو مش موجودة ممكن نوفرها

الأفكار ده علشان تتحقق فعلا، محتاجة إيمان انها مفيدة، أما عن الخطوات والوسائل لتنفيذ ذلك، هي عرض الأفكار ده، على أصدقائنا، وأصدقاء أصدقائنا، جايز جدا نكتشف مشروع صحفى .. شاعر .. عازف .. رسام كاريكاتير، منتظر فى التعليقات بالله عليكم ان حد يبلغنى يقولى هايبعتلك فى الميل خاطرة زجل او شعر مكتوب ومسموع أو مصور حته، قصة قصيرة، حد يقولى أناهاكلم صاحبى وهو بيعرف يرسم هانعمل كاريكاتير عن الموضوع الفلانى، مقطوعة موسيقية، اتفقنا

علشان رمضان جاي، وكده كده هانوزع بلح، لكن الى هايبعت هانوزع عليه بلح بلبن وان شاالله ماحد حوش :))
وكل عام وأنتم بخير
ونسالكم الدعاء

افضحوهم جرسوهم

ماذا تعرف عن المخدرات ؟

هل تعرف أشكالها ؟ وألوانها ؟ وأصنافها ؟ وأثمانها ؟

هل تعرف ما هو تاثيرها ؟

ما شكل من يتناولها ؟

ما مستقبل مدمنى المخدرات ؟

كيف هي صحتهم ؟

كيف هي حياتهم العملية والعلمية والاجتماعية ؟

كيف تنظر إليهم ؟

من يبيع لهم تلك السموم ؟

ما هي أوصافهم ؟

هل هم بشر مثلنا ؟

كيف يعاملون مدمنى المخدرات ؟

ما هي الأماكن التى يرتادونها ؟

هل رأيتهم يوما ما ؟

هل سمعت عنهم ؟

هل رأيت تاثير هذا المخدر اللعين على متعاطيه ؟

ما هي الصورة التى فى ذهنك الآن عنهم ؟

هل هي صورة الشاب الوسيم قوي البنية المتعلم المثقف المتدين ذو المستقبل الواعد الذي يعيش فى بيت هادئ ؟

أم هي تلك الصورة التى كلنا نعرفها ... شاب محطم يمكن أن يفعل أي شيئ وكل شيئ وفى أي مكان وفى أي وقت فى سبيل أن ينال جرعة من المخدر ؟

ما هي الصورة التى فى ذهنك عن تاجر وبائعى المخدرات ؟

هل تراه شيطان ، مصاص دماء قاتل، ما هي الصورة التى ذهنك الآن عنهم ؟

هل صادقت أو عاشرت أو حتى شاهدت فى برنامج أو فيلم أو حتى قرأت عن تأثير المخدر على متعاطيه ؟

هل قص لك بعض الأصدقاء عن نهاية مدمن كان يعرفه ، وكيف كان وكيف بسبب المخدرات ؟

أحب أن أقول لك
ان مدمنى وتاجرى المخدرات يعيشون بيننا يروننا ونراهم
فى مكان إقامتنا، فى أماكن عملنا ، فى النادى فى الجامعة، فى المراكز التجارية،
هل تسير فى الشارع ويهمس لك أحد الأصدقاء فى أذنيك ويقول لك هذه رائحة مخدر ؟

هل أردت فى يوم أن تحارب هذا المخدرات ؟

هل تألمت من من نهاية مدمنى المخدرات ؟

ألم ترد فى يوم ان يلقى تاجرى المخدرات جزائهم وتساهم أنت فى القبض عليهم ؟

هل تريد إنقاذ شاب ممكن أن يكون أخاك او صديقك من براثن المخدرات ؟

هل تريد مسح المعاناة عن أم ضربها ابنها وسبها وسرق مصاغها فى سبيل تعاطى هذا المخدر اللعين ؟

هل تريد إنهاء معاناة أب سرقه ابنه أو قتله ، ليشترى بهذه الأموال مخدر ؟

هل تريد التعويض عن أسرة هجرها عائلها واتجه إلى المخدرات ؟

أخى .. اختى فى الله
معلومة ... ومعلومة فقط عن الأماكن التى يباع او يتعاطى فيها المخدر، ممكن أن تنقذ أسر بكاملها من نهاية مأساوية فى الدنيا، وعذاب فى الآخرة

هل تعلم قدر هذا الثواب

الطريق سهل ... وصدقنى انه سهل

شارك فى هذه الحملة بوضع هذه البانرات

والأهم أن تشارك بــ

معلومة .. ومعلومة لا أكثر ...لا نريد منك اكثر من ذلك

شارك بما تعرفه .. وبما تراه .. وبما تسمعه .. وبما يحكى لك

بتعليق بصيغة مجهول

Anonymous

فى هذه المدونة

أو فى المدونة الراعية للحملة

http://tw3ya.blogspot.com/

أو من خلال ميل الحملة

tw3ya@hotmail.com

ولا تخشى إلا الله ... فإنك لن تذهب إلى أي مكان لتبلغ بنفسك
فهناك مننا من سيقوم بهذه المهمة

ولا تخشى من البلاغات الكيدية ... فالأمن سوف يتحرى جيدا عن البلاغات قبل أي إجراء

اخى .. أختى فى الله ... هذه فرصتنا لحماية شباب الأمة من الضياع
و جزاكم الله كل خير

مدونات مشاركة فى الحملة، وياريت نحط مدونتك جنبهم

صاحب البوابة .. ابن ناصر ... سكوت هانصوت ... عصوفر المدينة

خواطر عن المدون خانة

عاوز أشكر ابن ناصر لانه ساعدنى فى عمايل البلوج ، وعرفنى حاجات كتير ماكنتش اعرفها جزاه الله كل خير

واشكر أيضا تامر لان الموقع كان عليه سبام وهو الى حل المشكلة ده

لان الاسبام كان سبب التأخير

المدون خانة
فى نقط تحت بعض كده

ميثاق شرف أخلاقى يجمع المدونين، ويؤكد دفاعنا عن حرية التعبير من خلال هذا الميثاق

الباب مفتوح لكل المدونين من كافة التيارات الفكرية لا توجد شروط فى ذلك

المدونة لا تسب الأديان طبعا، ولا تكون مثلية ولا تتكلم عن الجنس بشكل فاحش، وتكون نظيفة وسنبين السبب لماذا يجب ان تكون نظيفة

عمل سايت وهو فى قيد الإنشاء تدعمه مجموعة من المشرفين سواء كانوا مصممين او مبرمجين وفرق العمل المختلفة التى ستقوم بتغطية القضايا المختلفة ورفعها على السايت الخاص بالرابطة، وطبعا المدونة الشخصية لكل عضو

الحفاظ على حقوق الملكية الفكرية، والعمل بكل الوسائل اللازمة لتبيان الحقيقة او السرقة الفكرية

مقدمة

التدوين ممكن ان يكون تدوين شخصى عبارة عن مذكرات شخصية، كنت تكتبها فى ورق وتخفيه فى غيابات الأدراج خوفا من آن يضطلع عليه بشر ، ولكن الآن بإرادتك الحرة نطلع عليه ونبدى رأينا فيه ، وممكن دون أن نعلم شخصيتك الحقيقة أو حتى اسمك الحقيقى

التدوين عبارة عن موهبة لديك تريد عرضها وتكون إما مقالا او قصة قصرة او رواية شعر او زجل، تعرضه علينا ونبدى رأينا فيه ونتناقش ونتحاور

التدوين ممكن ان يكون عبارة عن أراء شخصية وقناعات شخصية لديك فى الحياة، ووجدت فى التدوين منبرا متسعا تعرض فيه أفكارك المختلفة وقناعاتك هذه

التدوين ممكن ان يتحول إلى صحافة شعبية، فبما انك تمتلك كاميرا فى الموبايل او كاميرا ديجاتل فى جيبك، فانت أصبحت أخطر صحفى عرفه التاريخ، فممكن ان تنقل إلينا ما يحدث سابع أرض او سابع سما، وممكن ان تنقل إلينا ملاحظات دقيقة جدا جدا لا يلقى لها بالا صحفيين وحقوقين كثر، لانك وبمحض الصدفة تتواجد فى المكان والزمان المناسبين، قد لا ينال صحفى ينتمى إلى وكالة أنباء عالمية أن يتواجد فى نفس المكان او الزمان الذى تواجدت فيه، فانت صحفى فى بيتك فى عملك فى الشارع فى المواصلات مع أصدقائك

السؤال هنا هل ممكن ان نطلق على كل هؤلاء كلمة مدون ؟ أم أنه حكر على فئة الصحفيين الإلكترونيين المهتمين بالشان العام، او لزاما عليهم ان تكون مدوناتهم مدونة سياسية حتى نقبلهم مدونين، فى رأيى الشخصى الكل مدون، كل هؤلاء مدونون

هنا نجد سؤال سؤال آخر ما الداعى لوجود رابطة او ميثاق او أي شيئ من هذا القبيل يجمع بين الأنواع المختلفة التى قمت بسردها ؟ أو التى لم أقم بسردها؟

وياتى بنا هذا السؤال إلى موضوع المدون خانة مباشرة

فى بداية طريقى لعمل مدونة ذهبت على بعض المدونات االتى سبقت فى هذا المجال، وجدت أنها فعلا مدونات قوية لا أنكر ذلك إطلاقا، ولكن تناولها للقضايا يكون باستخدام ألفاظ بذيئة وسوقية لا نسمعها إلا فى الشارع ونستحى منها ونخشى منها على آذاننا وآذان بناتنا واخواتنا، وهذا ما تريد ان تغيره المدون خانة، وكان ممكن أنا أفتن بهذه الطريقة او أن أتخذها سبيلا، وبرده عاوزين الى يدخل التدوين جديد لا يفتن بهذه المدونات، يلاقى برده مدونات طيبة محترمة، تحقق المعادلة الصعبة صحافة شعبية قوية من خلال تدوين نظيف

ياتى من يسأل أن الألفاظ نسبية فما هو بذيئ بالنسبة إليك ليس ببذيئ بالنسبة إلي؟

أرد وأقول، هناك ميزان، وهو إذا كنت تستطيع ترديد هذه الكلمة امام امك وأبوك واستاذك الجامعى ومديرك وحماك وتحب أن ترى أبنائك يرددوها، وترددها فى بيتك فى عملك فى دور عبادتك إذا كانت الإجابة بلا فهذه الكلمة بذيئة خبيثة وإذا كانت بنعم فهذه الكلمة ليست ببذيئة وطيبة

سؤال آخر يوجد بانارات وصور تنبه على ان هذه المدونة مدونة نظيفة والكل التزم بذلك، فما الداعى من وجود ميثاق ؟

أن الميثاق لن يكون عبارة عن بانر يوضع فى صدر المدونة وفقط، ولكن سيذهب بالتناول من مرحلة الألفاظ البذيئة إلى الألفاظ المحترمة إلى الموضوعية فى التناول والحيادية وعدم العصبية، حتى يتم تغير نظرة المجتمع إلى المدونين أنهم سبابون شتامون بالحق أو بالباطل

وكمان فيه حاجة إذا ما أردنا أن نحوز على إحترام النظام أو الخصم فى معركة التغيير، فلن يكون بالسباب والشتم، ولا يجب أن نكون أمامه كمجموعة من سليطى الألسن

وليس معنى هذا أننا سننزوى ونحلل من بعيد كمثقفين بعيدين عن الشارع، لا ، ولكننا سنكتب فى كل الموضوعات ، وسنتكلم فى جميع المحاور والقضايا، وسننزل إلى الشارع ونقوم بعمل التغطيات المناسبة ولنا منبر مناسب وهو سايت يجمعنا كلنا، وفرق عمل كثيرة توزع نفسها ستقوم بتغطية ميدانية متى استطاعت فى أي مكان فى الجمهورية ان شاء الله، ولكن الذى سنختلف فيه عن المدونات البذيئة هو التناول فلن نستخدم ألفاظ بذيئة او فاحشة ولن نخوض فى الأعراض ولن نتكلم عن الجنس بشكل فاحش، الاختلاف فى وجهات النظر سيكون فى حدود آداب لحوار، لأننا من جميع التيارات السياسية ، ولذلك لزاما علينا احترام وجهات النظر الأخرى

اخيرا فى هذه النقطة لنه ليس هناك من داعى اللجوء إلى السب والشتم فنحن نريد تغيير الشارع، ولن نغيره بالطبع باستخدام نفس الأسلوب فإذا كنا نسمع هذه الألفاظ فى الشارع، فهذا ليس بمبرر لسماعها فى البيت والعمل ودار العبادة وقراءتها فى جريدة وسماعها فى الراديو وسماعها فى التليفزيون والسينما وحتى كمان الإنترنت والمدونات، لو تعبنا نفسنا شوية اكيد هنلاقى بديل عن الكلمات البذيئة توصل فكرة دون لبس

امر آخر تقوم به المدون خانة، وهو الدفاع عن أي مدون يتم اعتقاله

وسوف يسال سائل ويقول اننا دافعنا عن منعم ولم نعرفه والشرقاوى ولم نعرفه ومعتز والجيزواى أيضا ، وقامت حملات ضخمة لكل منهما ، ما الجديد التى سوف تقدمه المدون خانة؟

الجديد الذى سوف تقدمه المدون خانة للعضو الذى يحدث له مثل هذا الظرف، كما أسلفت انه سوف يطكون من ضمن فرق العمل فريق التقنين المحترفين فى مجال الفوتوشوب سوف تقومهذه الفرق بعمل البانارات المختلفة سريعا وتكويدها وإرسالها لجميع المدونات، وفرق عمل آخر يقوم بالتعريف بالمدون ، وفى مجال التحرك العملى الجدى سوف يوجد لدى الأعضاء المؤسسين البيانات الحقيقة للمدون من اسم وعنوان ورقم تليفون وطبعا ده سرية، وسوف نقوم بعمل توكيلات لمحامين لجميع الأعضاء فبذلك يكون تحركنا فى كل الاتجاهات

الجديد بتاع المدون خانة، خلق علاقة صداقة حقيقية بين المدونين الأعضاء، فكل مدون هايعرف المدون زميله معرفة حقيقة وسوف تكون هناك لقاءات دورية شخصية، وجها لوجه

المدونات الوحيدة، الى مش موجودة فى الرابطة هي مدونات الشواذ، والذين يسبون الاديان طبعا لا يمكن ان يوافق أحد على سب أي دين، ولا أفساد عقيدة أيمؤمنمن أي ديانة

اما مدونات الشواذ
هما ليهم عندنا النصيحة، فى كتير من المدونين حاولوا ينصحوهم ويتحاوروا معهم ويقولولهم ليكم الحق فى الحياة وليس لكم الحق فى تكريس هذه الحياة كواقع على المواطنين الطبيعيين، لكم علينا أيضا العلاج، ولكنهم يرفضون فكرة العلاج أو انهم مرضى يحتاجون لعلاج، هم يريدون أن نقبلهم كماهم ونحن نرفض ذلك، لأنهم بكل بساطة يريدون أن تشيع الفاحشة فى الأرض وتغير سنة الله التى أرادها لعباده، واعتقد ان هذه الأسباب تكفى

الرابطة ليس لها الحق فى التدخل فى المدونة الشخصية لأي عضو سواء بالحذف او الإضافة أو التعديل أو أي شكل من أشكال التدخل

الباب مفتوح لأي مدون يريد الإنضمام ومن أي تيار سياسى، بشرط احترام الآخر

فالاخوانى عليه احترام الناصرى والعكس بالتأكيد

واليسارى عليه احترام الليبرالى والعكس بالتاكيد صحيح

اختلاف وليس خلاف

نختلف ولكن نلتزم بآداب الحوار

وهذه هي خلاصة الرابطة

الوصول إلى الفهم الحقيقى لآداب الحوار

وكل هذه أفكار مطروحة ليست قيد التنفيذ
لمزيد من الاقتراحات عندكم مدونة علاء وهذه المدونة
أو ممكن تبعتوا لعلاءعلى ميله
alaa.eg@gmail.com
أو الأوقع اننا نسمع اقتراحاتكم وجها لوجه يوم السبت الموافق 28/7/2007 الساعة 6 مساءا فى مركز الدراسات العربى العنوان 23 شارع باهر زغلول من شارع المنيل وتفاصيل اللقاء فى مدونة الجيزاوى وسيحضر كل اعضاء المدون خانة والمهتمين بهذا الشان وسيتم الاتفاق على كل التفاصيل

تنويه هام إلى جميع المدونين.... انتبهوا

ملحوظة البوست ده محتاج أنفس طويلة، فخد شهيق كده ومايطلعش غير فى الآخر

كلام بجد بأه ياريت واتمنى عليكم واحلفكم بالله انكم توصولوا لنهايته

سالمين ان شاء الله

الآن الحمد لله عمر الشرقواى خرج بسلامة الله تعالى، ولكن ماحدث لعمر جعلنى أفكر فلقد شاهدت بعنيى مدونين يضعون البانر الخاص بعمر ويدعون المدونين الآخرين للتضامن مع عمر ويدعون الله أن يفك أسره، ويتواصلوا معى كي يطمئنوا ويعرفوا اخبارعمر، وكل ذلك دون أن يعرفوا عمر شخصيا أو حتى دون أن يقرأو مدونته لان مدونته فى مكتوب، فعلوا كل ذلك لانهم علموا ان مواطن مقهور مثلهم ومدون زميل باحث عن الحق ومحامى باسمهم جميعا

أخرج من هذه التجربة بسؤال ماذا كان يحدث وماذا كانوا سيفعلوان أصدقائى المدونين لو عرفوا عمر وتقابلوا معه وعلمواه وخبره كما خبرته انا وأصدقاؤنا الآخرون، بالتاكيد المساعدة ستكون اكبر والحماس سيكون أقوى والإنفعال سيكون اشد والحزن سيكون مؤلم

الآن يوجد لقاء أيضا لكن على مستوى ناشطى الإنترنت كمدونين وغير مدونين والفرصة تم إتاحتها لنا من خلال مهرجان مجموعة القلوب البريدية ومديرتها الأستاذة فريدة فراولة

فائدة هذا اللقاء أن نعرف بعضنا البعض كمدونين عن قرب ونفهم خلفياتنا الثقافية المختلفة وبالتالى عند نقاش أي موضوع لا يتم تناوله بعصبية ونرفزة وانفعال وتنتهى أيضا التعليقات المتعصبة، ويكفى ان نلمس الجانب الإنسانى عند كل مدون، وواعتقد ان هذا مهم جدا

بصراحة كده وعلى بلاطة مدونى القاهرة ماعنهدهمش حجة، الإحتفال بعد يوم العمل الرسمى مساءا،

ومش هايكون بعيد عن أي مدون لأن كل الانشطة هاتكون تقريبا فى وسط القاهرة

تانى مالكمش حجة يا مدونى القاهرة، وهاشوفكم هاشوفكم

وده بورنامج الإحتفال

السبت 16 يونيو/ جولة بين أثار الحسين ..

توقيت بدء الجولة : الساعة 10 صباحاً
نقطة الإلتقاء : أمام بوابة النصر ( لو جاي من صلاح سالم -إدخال شارع الجفري يمين - وبعدها يمين تاني في شمال
تفاصيل الجولة : شارع المعز لدين الله مروراً ببيت السحيمي - وكالة بزارعة - مسجد برقوق - وغيرها من معالم شارع المعز لدين الله .. نهاية بالحسين ..بصحبة المرشد الأستاذ أحمد قدري
ثم الغداء في مطعم الأمل - بساحة الحسين أو مقهي من مقاهي الحسين لمن لا يرغب في تناول الغداء..
تكلفة الفرد : 5 جنيه + والغداء أو المقهي كل واحد بيحاسب لنفسه ..

الأحد 17 يونيو/ ندوة دينية


مكان الندوة : نقابة العلميين - 8 شارع بستان الدكة - متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : كيفية تحقيق ترابط المجتمع وفوائده .. بالإضافة لمناقشة حرة مع الضيف
الضيف : إمام وخطيب مسجد النور بالعباسية

الإثنين 18 يونيو / إحتفال المجموعة بعيدها


مكان الإحتفال : كوفي شوب روك - الخاص بدار المركبات - بشارع صلاح سالم - بين كوبري العباسية وأحمد سعيد - ليس داخل الدار ولكنه على السور من الخارج في الشارع الجانبي

التوقيت : الساعة 7.30 مساءاً
تكلفة الفرد : 15 جنيه
برنامج الإحتفال : عرض للمواهب + التورتة + الجاتوه + النواشف + مشروب

للأسف قالولنا في الكوفي شوب بعض الممنوعات :
ممنوع :
- الآلات الموسيقية
- أصدقاء من الجنسيات الأخري
- المنتقبات

الثلاثاء 19 يونيو / نزهة نيلية



التوقيت : التجمع 7 مساءاً والتحرك 7.30 بالظبط
نقطة التجمع : شارع ماسبيرو أمام مبني التليفزيون على الكورنيش - مرسي الأوتوبيس النهري السياحي
التفاصيل : ح نأخذ الأوتوبيس النهري السياحي - دورين ( دور مكيف و يمكن فيه طلب مشروبات وغيره - والدور التاني مكشوف ) - يصل إلي المعادي والعودة
تكلفة الفرد : 5 جنيه يتم دفعها كل واحد بنفسه للمحصل قبل الدخول للأوتوبيس

الأربعاء 20 يونيو / حضور حفلة بساقية الصاوي



التفاصيل : حفل كلية التجارة جامعة القاهرة – موسيقى - قاعة النهرالتوقيت : الساعة 7 مساءاً - يجب الحضور مبكراً عن الحفلة للتعارف
تكلفة الفرد : دعوة عامة

الخميس 21 يونيو / ندوة في البرمجة العصبية NLP


مكان الندوة : نقابة العلميين .. 8 شارع بستان الدكة _ متفرع من شارع الألفي - وسط البلد
التوقيت : الساعة 7.30 مساءاً
موضوع الندوة : البرمجة العصبية NLP
الضيف : د. شريف عرفة


الجمعة 22 يونيو / أمسية النشاط الإنساني مع دار الوفاء والأمل

ح نقضي أمسية مع جمعية دار الوفاء والأمل من مسنين وأطفال معاقيين .. ح نجيب للأطفال هدايا - وح نجيب حلويات ونواشف - ودي جي D J - وعرض مسرحي لفرقة طريق للفنون المسرحية- ونقضي معاهم وقت لطيف ننسي بيه نفسنا ونفتكرهم ويمكن نترك في قلوبهم إبتسامة تفضل معاهم لبعض الوقت

مكان الدار : ش ذاكر حسين الحي الثامن - بعد إنبي إستمر للإمام وبعد مدرسة المستقبل تجدوا الدار - تدخلوا البوابة وتمشوا طريق طويل لحد الملعب اللي فيه الأمسية - ( ملحوظة اللي عنده عربية يجمع أصحابه معاه أفضل )
بدء الأمسية : الساعة 6 مساءاً إلي الساعة 10 مساءاً

واللي يحب يساهم في مصاريف الحاجات اللي ح نجيبها .. أرجو يتصل بي على 0105107418

وده رقم محمول الأستاذة فريدة فراولة

وكل مدون تعجبه الفكرة ويرغب فى الحضور يتصل بى على رقم 0106778994

او من خلال الميل أبو بلاش مالكش حجة يا بتاع القاهرة

وبرده الميل ejymejy@yahoo.com

hapasat@hotmail.com

ويارب تعجبكم الفكرة وتحضروا ولو يوم واحد، هاكون سعيد جدا

وخاصة الاخوة المدونين الى فى القاهرة، بصراحة دول مالهومش حجة

وعلى فكرة فيه ناس هاتجيى من محافظات وتقدر تمشى فى نفس اليوم

آسف على الإطالة والمقدمة الطويلة

وجزاكم الله خيرا

أخوكم منذر

الكدب مش بيطول

أوعى تكونوا عرفتوه

لحسن يقولكم اتفوه

ده احنا هانزفوه

وكمان هنروؤووه

طبعا مش ترباس

مش علشان بن عباس

يبقى علطول محتاس

وبيشتم فى قناة الناس

واوعوا تقولوا نسناس

عيب عليكم يا ناس

صاحب منهج التحمير

وكمان التشخير

والشوي والتنظير

وقال ثنائى التنفير

وهايتهمنى بالتكفير

أصله صاحب منهج

التحمــــــــــــــــير

فى شلة بتزيط

لما ييجى يعيط

ولو حد قاله بم

يطلع من بؤه سم

وهو ماعندوش دم

هايقلولى انت ساطحى

وكمان مابافهمش

أصله بيكره ناطحى

وأنا ما باسألش

طبعا شلته هاتزيط

وتمسح دموعه وهو يعيط

ويقولوا دول ناس مابيفهموش

ده انت الى متسيط

طلع فى الجزيرة

فى قناة الخطيرة

وكمان فى المحور

وع الدائرى بيدور

دريم كمان جابته

فى العاشرة خادته

وقعد يرغى يقول

كلام مش معقول

يخليك تحبه على طول

بس الكدب مش بيطــــــــول

بس الكدب مش بيطــــــــــول