Monday, June 11, 2007

لائه باه






الى مش متباع القضية من الاول
تلقيت اتصال من المدون عمر الشرقاوى حوالى التاسعة والنصف من داخل قسم طلخا
يروى انه اثناء تغطيته انتخابات مجلس الشورى فى محافظته المنصورة وفى إحدى اللجان الإنتخابية، قام بإلقتاط مجموعة من الصور
ولكنه فوجئ برجال المباحث يقتادونه لقسم شرطة طلخا
وهنا ينتهى الإتصال باستغاثة وبصوت مخنوق
ومن ساعتها وإلى الآن وتليفونه المحمول مغلق تمام
أولا اول من ذهب إلى عمر كان المدون مارو وهو يقطن فى المحلة ويبعد حوالى 23 كم عن طلخا ووصل هناك ظهرا
ولكنه فوجئ بالحشود الأمنية الكثيفة، ووجد ان عمر ليس بمفرده فهناك كثير من المعتقلين وعلى خليفات مختلفة
ولم يجبه أي فرد من أفراد الامن، ورفضوا إعطائه أي معلومة له او لغيره إعطائه أي معلومة
وقام المدون ابن يسرى شاكر بعمل بانر لصورة عمر الشرقاوى
وقام المدون احمد المصرى باعطائى رقم تليفون رئيس الشبكة العربية لحقوق الإنسان وإعلامه بالأمر
وتم إرسال رسائل إلى المجموعات البريدية المختلفة
وقامت الأستاذة فريدة فراولة بمتابعة الاستاذ المحامى أحمد حلمى وتم إعلامه بالخبر
وحينما قام بإرسال مجموعة من المحامين إلى عمر وغيرهم قام راجل الامن بالركض خلف هؤلاء المحامين
وتم إعلام المدون والصحفى منعم
وقام الصحفى والمدون احمد الجيزاوى شاكرا بإرسال صديق له وهو الماحمى محمد محي وهو من المنصورة بالذهاب إل قسم شرطة طلخا ولكنه أيضا أصابه ما أصاب من ذهبوا إلى هناك
فى إجماع من كل من ذهب ميدانيا أن عمر مش لوحده فيه معتقلين كتير جدا، وماحدش راضى يدى أي معلومة
اما المدون معتز فقام بتغطية ميدانية وعمل بيان للتضامن مع عمر الشرقاوى
للتضامن مع عمر وتوقيع بيان التضامن
إضغط هنا
وهنا تأتى تغطية المدون معتز
انا لسه راجع من قسم طلخاانا لسه راجع حالا من قسم طلخاصليت العصر ورحت اشوف عمر في القسم وخدت معايا واحد صاحبي ملازم اول دخلت القسم وكان قدام الاسم في ناس كتير جدا علشان في حوالي 15 واحد مقبوض عليهم ما بين ناس بتصور وناس تانيه كانت رايحه تنتخب وبيقولوا عليهم بيعملوا شغب . المهم بصراحه حاولت اني اشوفوا او اعرف هما ناويين علي ايه بس محدش كان بيديلي اي معلومات حتي الملازم صاحبي مكنش عارف اي حاجه في اي حاجه ومحدش بيديني معلومات . المهم بعد شويه صاحبي سبني لقيت 2 عساكر بيجروا ورايا واحد خبطني علي دراعي بالعصايا بتاعته فطلعت بره القسم واستخبيت في وسط الناي الي واقفه ومن ساعتها وانا قاعد قدام القسم وبحاول اعرف اي معلومات كل الي عرفته انهم مش هيخرجوا النهارده وفي احتماليه النقل علي معسكر الامن ربنا يستر عليهم جميعا .جالي في الوقت ده كذا اتصال بيحاول يطمن علي عمر الي اقدر اقولوا ان عمر الوقتي محتاج دعائنا وتضامننا معاه وان اي حاجه تانيه نقدر نعملها يا ريت تبلغونا بيها فوراكان ممنوع دخول الاهالي او المحامين وموقفين حرس علي القسم ومقفلين الشارع قدامه ولما حاولت اصور الاحداث دي كان في كام امين شرطه متنورين وبيمنعونا من اي حاجه بس ان شاء الله هحاول اوصل لاي صور تفيدنا ان شاء اللهلم نعد نملك سوي الدعاءاضف توقيعك معنا في حملة جمع التوقيعات للافراج عن عمر الشرقاوي معتز عادلمن ميدان الأحداث11\6\2007

البانر الخاص بحملة عمر الشرقاوى من إنتاج ابن يسرى


http://www.aldwasr.com/up" target="_blank">Image Hosted by ...::: مركز قبيلة الدواسر لتحميل الصور والملفاتhttp://www.aldwasr.com/up/uploads/493a7bae43.jpg" />


15 comments:

مـحـمـد مـفـيـد said...

دوله الظلم ساعه ودوله الحق الي قيام الساعه
امس منعم
واليوم عمر
والغد انا وانت

كلنا عمر

ربنا يفك اسرك يا عمر

البتول said...

ان شاء الله يا جماعة ربنا يفك اسر عمرغالبا هيخرج النهارده او بكرةدول شوية صداع عند ظابط مخه متركب شمال دواعي امنية لزوم الانتخابات علشان يثبت لاسياده انه شغال والسجن للرجاله واكد مش هيطرل

sara said...

ربنا يحميه ويفك اسره

لا احب هذا الدور وان نجلس ونقول يارب دون ان نفعل شيئا
ولكن للاسف........

ان شاء الله يرجع قريب

sokoothansawat said...

حباظة..انا سمعت انه خرج خلاص..لكن على كل حال انا هحط البانر بتاعة عندي..وربنا يفك اسرة

النورس said...

منذر
كل يوم بيزيد احترامى ليك
فعلا زى ما قلت عمر ملوش حزب ولا جماعه تحميه لكن يكفيه ان كلنا معاه من بعد ربنا،واللى معاه ربنا لازم ينتصر
حسبنا الله ونعم الوكيل

Nsreen Bsunee said...

منذر
مرسى اوى على نمره عمر مش عارفه اشكرك ازاى يا منذر ربنا يكرمك يارب
تحياتى

شيماء الجيزى said...

بجد انا بحترمك بشدة

وصلنى كومنتك ..بجد انا بتمنى انى اعمل اى شئ

اقوى بكتير من وضع بانر حتى
لأن كان من الممكن انى اكون مكان عمر

او اى شخص اياكان

احترامى لحضرتك واتمنى ان ربنا يفك هذه الضيقه

وانه يكون خرج زى مقرأت فى احد التعليقات

تحياتى واحترامى ليك

أمــانــى said...

ربنا يفك سجنه ويرجعه بالسـلامة ياااارب آمــــــــــــين

intissar said...

منذر
ياريت لو عندك أخبارعن عمر
طمنا

ايمن مصطفى said...

منذر

فعلا لو وصلت لشيئ جديد طمنا كلنا.....ان شاء الله يخرج بالسلامة معاف نفسيا وبدنيا

ibn nasser - ابن ناصر said...

هو طلع ولا لسه اص سألت حد في الداخليه امبارح قالولياحنا معتقلناش حد! مش فاهم في ايه

ارجو الافاده

تحياتي

sokoothansawat said...

يا خوانا فيه اخبار عن عمر الشرقاوي...
لو لسة معتقل يا ترى وصلة محامي؟؟؟
مين متابع ممعاه...محد يطمنا بدل القلق ده

امام الجيل said...

حسبنا الله ونعم الوكيل الى متى تظل هذه الحكومة فى سياستها الباطشة تلك التى لا تفرق فيها بين فرد واخر ربنا معاه وان شاء الله نقدر نساعده

ذو النون المصري said...

عاوز اتضامن معاه لكن مفيش صوره له ممكن ننشرها علي السيد بار للمدونه و ياتري ممكن نجهزه ازاي؟

Ahmed Elmasry said...

شاركونا في حملة ألحقونا لحماية المدونين


http://bahbmasr.blogspot.com/2007/06/blog-post_13.html