بحب محمد جمعة قوي
ممكن يكون بحبه اكتر من بنتي
ممكن يكون بحبه اكتر من بنتي
هو ده الى كان نفسي يبقي أخويا
واد طيب وجدع ورجولة كده
غير انه مش خبيث خالص
الواد ده صعب قوي يتلوث بأي حاجة حتي بشرب الشيشة ، وحتي والمبسم فى ايده برده وشه بريئ جدا
فاعمل مهما تعمل يا جمعة برده مش هاتكون وحش
بتبسط قوي لما مفيد يكلمني فى البيت ويقولهم ممكن اكلم منذر
بحب الاسم ده قوي بيفكرني بحاجات جميلة عملتها
و بحاجات أكتر ممكن أعملها ورا الاسم ده
كان نفسي أنزل الهجانة
وأنزل اعتصام عمال طنطا للكتان
وأسافر العريش أصور السيول واتكلم مع الناس هناك
كان نفسي أبقي فى استقبال البرادعي و نفسي أكون فى الحملة بتاعته
نفسي أعمل حملة لتنظيف الشوارع والارتقاء بأخلاقيات الشارع وزيادة الوعي المروري فى القاهرة .. أي خدعة
نفسي أعمل حاجة لأطفال وبنات الشوارع .. ده حلم عمري بجد
نفسي أعمل خلية إرهابية لإرهاب ظباط الشرطة، كل منطقة وليها قسم ، نعمل تحريات ونعرف أسماء ظباط الشرطة مين فيهم الكويس ومين الوحش
والوحش نلبه نخطفه ونديله علقة سخنة ممكن يرتجع عن أفعاله ولا حاجة أو حتي لو مارتجعش يبقي أخدنا بطارنا
نفسي كل ما أشوف حاجة غلط أتكلم، لاني كل ما بسكت كل ما بحس بالضعف والشراسة والغل فى نفس الوقت
نفسي أجيب ولد وأسميه منذر وولد تاني وأسميه فاروق
نفسي أشتري حته أرض وأزرعها فاكهة وخضار ويبقي عندي بهايم و أقضيها زراعة واعمل شجرة ياسمين واقعد
تحتيها وجنبيا امي وعيالي ناكل فطير بسكر مع كوباية الشاي المتين وانشاالله الدنيا تولع بعد كده مش مهم
مش عارف معنديش طموح لأي حاجة .. ومانفسيش فى أي حاجة .. ومش معقول أكون حققت كل حاجة
قبل ماتجوز كنت بقول لنفسي: لما أتجوز مش هاسيب فرض
امي بتقولي اني محسود ههههههههههه
ومراتي بحس ان نفسها تقولي: انت مش أول واحد أبوه يموت
صحيح امال لو كان مات وأنا صغير شوية كنت عملت ايه
قبل ما يموت بحوالي خمس سنين
كنت بصحي كل يوم الصبح وأقول ياتري أبويا عايش ولا هادخل عليه الأودة ألاقيه مات
عاش طول عمره يقولي انه مش هايعيش كتير وانه هايموت قريب
عاااااااااااااااااااااااااااااااا
هههههههههه بقيت جبلة .. مش عارف ممكن يحصلي ايه تاني حلو أو وحش
والله ربنا كارمني آخر كرم وأنا في خير ونعمل ماحدش فيها
وبرده متالم لفراق أبويا ومحتاج لربنا بس مش عارف ليه مش راضي أروحله
مش عارف مالي .. ايه معقولة تكون دي خاتمتي
ادعولي بأه
10 comments:
السلام عليكم اخى الفاضل ليه كل التشاؤم ده وليه كل حاجة كان نفسى توكل على الله ولازم تعرف ان ربنا خلق كل واحد فينا لدور فى الحياة محدش يعرف يعمله غيره ابتسم وادى رسالتك بصبر وامل فهكذا نحن المصريون اول ناس قولنا يا ليل يا عين وفى عز الدموع بنضحك وبتيجى قوتنا سلااااااامى ومنتظرة تعليقك
السلام عليكم
مش عارف أقولك أية و الله يابني؟
بس أكتر من بنتك التشبيه في حد ذاته غريب
.
أقدر أقولك ربنا يكرمك و يوفقك و يهديك يارب
ايه الي مانعك..تقدر تذكرعشر اسباب مانعاك تحقق ما تريد؟؟
بتحب جمعة أكتر من بنتك؟؟؟ عشان وشه برئ ومفيش حاجة بتلوثه...مش قاس انت شوية على بنتك..
السلام عليكم
عارف انت مش بعيد قوى عن تحقيق ماتريد بالعكس انت قريب منه جدا وعاز بس تفكر أزاى تحرث ثمرة مجهودك
اتعلم أزاى تفصل بين النواضيع حبك لجمعة يختلف عن حبك لبنتك يختلف عن حبك لزوجتك وايضا يختلف عن حبك لأبوك رحمه الله وحبك لمصر
نجاحاك فى شغلك وتطورك يعطيك القدرة على قول الحق بصوت عالى وان تواجه الظلم والفساد المسترى فبلادنا ويعطى املا لزملاء واصدقاء لك فى أن هناك شاب مهموم بحال البلد ولكنه ايضا ناجح فى عمله وحياته الشخصية
وفاة والدك لاتعنى نهاية العالم وايضا لاتعنى ان تبكى دائما ولكنها تعنى تذكره بالرحمة والسعى الدؤوب من جانبك فى الحياة لكى تكون خير خلف لخير سلف فى هذه الحياة وهذا يسعده جدا ويعطيه ثوابا كبيرا
أخيراإعترافك العلنى باحتياجاك لربك واعترافك بأنك لاتؤدى حقه بالكامل هوالبداية الصحيحة لتقوية علاقتك بالله والعمل على طاعته والسعى الى رضاه
وفقك الله لما فيه اخير والصواب واعانك على نفسك
وبالتوفيق دائما ان شاء الله وسلام لأسرتك
بسمة مسلم
شكرا علي مساندتك وكلامك الرقيق فعلا
جمعة ومها
فهمتوني غلط وأكيد انا السبب لانكم فهمتوا نفس المعني
أكيد بحب بنتي وبحب بنتي قوي
وهي الى مصبراني علي كل حاجة دلوقتي
ومش معني اني بحب الصفات دي فى جمعة يبقي مش لاقيها فى بنتي بالعكس
مبسوط ان فيه حد فى سن جمعة لسه موجودة فيه البراءة دي، وانه مصر يوحش نفسه
ويا جمعة انت مستغرب علشان مش عارف غلاوتك بس
وممكن أكون قاسي علي بنتي
لاني حاسس اني ممكن أظلمها بأي شكل من الأشكال واني ماستهلهاش فى الوقت ده بالذات .. ممكن يكون لو جت فى وقت تاني ممكن كنت أسعدها بالشكل الى يرضيني
الحمد لله
عبقر
الفساد استشري فينا كل يا حاج عبقر
تعليقك ونعم الدعم
تفاءل
يخرب عقلك
سيبك انت كفايه انك رجعت تدون
شركة تسليك مجاري بالخبر
شركة تنظيف سجاد بالخبر
شركة مكافحة حشرات بالخبر
Post a Comment