Thursday, April 26, 2007

تاج لوز لوزجى مانجالاوز

جالى اول تاج يا جدعان من ساعة ما قلنا يا تدوين، ومنشكح بصراحة على الآخر واتأخرت فيه لأن كنت بحضر لحاجة عن معتقل برده للاخوان وهو مدون محترم الأستاذ عبد المنعم انا إخوان ربنا يفك أسره، وجالى كمان من مين من اختى العزيزة سارة وبجد بشكرها جدا جدا جدا وأنا أول ما قرت التاج كنت باحسبه زي التاجات العادية ده؟، طلع تاج لوز لوزجى مانجالاوز
بس ربنا يسهل ونعرف نرد عليه
التاج بيقول، .....ماذا استفدت من حمله اعتقال االاخوان الاخيرة........
هل استفدت معنوياكسبت اصدقاء جددعرفت حاجات مكنتش عارفهايعنى حاجات من دى؟؟؟؟؟؟
أنا أرى إن الأخوان يحملون هم وقضية وعبئ عظيم على أكتافهم وهو الإسلام السياسى ليس بمصر فقط ولكن فى العالم كله، فهو التنظيم الوحيد السلمى الذى يحمل هذا العبئ ويحاول تطبيقه فى سائر أنحاء العالم الإسلامى، وأيضا يتمتع بحضور فى الشارع حضور عظيم جدا،
المطلوب منهم، تقديم بديل إقتصادى إسلامى للنظام الاقتصادى القائم يشمل تقديم بديل للنظام المصرفى والضريبى والجمركى، حل مشكلة البطالة والتصنيع والزاعة وغيره. يمكن الإستعانة بخبراء الإقتصاد الإسلامى ودراسة رسائل الدكتوراة والماجسيتر والبحوث التى قام بها الباحثين والتى تقبع فى غيابات الأدراج لا تجد من يطبقها
نظام حكم إسلامى وانا أعلم أن الإسلام لم يحدد نظام معين سواء كان جمهورى او ملكى أو برلمانى فعليهم وبمساعدة العلماء وأساتذة الجامعات المختصين بتقديم نظام حكم يكون فى إطار مبادئ الشريعة الإسلامية الغراء من شورى وعدل ومساواة وخلافه، وأيضا تحديد منصب المرشد من النظام الجديد،
مذا سيفعولن بالتعليم ما هي خطواتهم للارتقاء بالعلم والتعليم والمتعلمين والعلماء والباحثين
إقامة عقد إجتماعى جديد، تسود فيه روح الإسلام الحقيقة مثل المساواة والحربة والعدل والحق والسلام والأمن وغيره
والإخوان يملكون ولديهم وكثير من العلماء ممكن الإستعانة بهم لعمل هذه الخطوات وتقديمها لعامة المسلمين فى مشارق الأرض ومغاربها، وليرى العالم كله أن الإسلام، لديه من المقومات ما تمكنه ليغير أحول كثيرة
طبعا الى بيهاجم الإخوان والى بيهاحم برنامج حزبهم بيقول انهم هايجبروا الستات على الحجاب وهايجروا ورا الى مابيصليش بعصاية فى الشارع، وهايتبدوا بالحكم، وهايبهدلوا الأقباط، وهايدخلوا مصر فى حروبوهايعملوا عداوات وهانعيش فى جحيم، لكن الحقيقة انهم مابيفكروش فى الفرعيات ده، لكن بيفكروا فى النقاط الى انا اتكلمت عليها من اقتصاد وسياسة وتعليم وامن وسلم اجتماعى مثل هذه الأشياء أهم، لأن متى تتحقق هذه الأشياء وينشغل الناس بالعمل ، لن يطفوا على السطح هذه الانحرافات وستزل مع نفسها
وأتمنى عند نشر البرنامج الحزبى للإخوان ان شاء اله أن يشتمل على هذه النقطا الهامة، وأن يستعينوابكل الفئات من كل الجنسيات وكل التخصصات وألا يتسرعوا فيه، لأنه هايكون يقظة جديدة للإسلام والمسلمين
حملة اعتقالات أي فئة من الناس بمجرد انهم يحملون هم او فكر او عقيدة أو أيديولوجية معينة ، ده كفيل انه يجمع كل الناس حوليهم، فمابالنا بأناس يحملون قضية عظيمة مثل الإخوان ويعانون ما يعانونه من أيام الاحتلال حتى الآن، وفعلا كثير من الناس ممكن نختلف معاهم لكن عند الاعتقالات ده الكل بيتفق على رفضها جملة وتفصيلا
وفى النهاية بعد التاج الدسم ده من اختى سارة، و اوديه
إلى الريسة إيمي رئيسة جمهورية إيمان
وإلى المنتصرة دائما الأستاذة انتصار وهى من المعلمون الأحرار
وإلى كتابات الأستاذة القديرة نيفين عمر
وإلى حبيبى وصديقى الأستاذ محمد مارو فى كلام وفش غليل
وإلى الأستاذ المتميز والجريئ جدا ابن بهية
وإلى الأستاذ المحترم محمد مفيد فى الصميم

10 comments:

مـحـمـد مـفـيـد said...

السلام عليكم
اسف للتأخير جدا بس والله مطحون شويه في الشغل
بجد ده كلام كتييييير عليااوي
الف الف شكر واتمني ان نكون اصدقاء

مـحـمـد مـفـيـد said...

الميل علي البلوج

neven omar said...

اشكرك بشدة واتمنى ان استحقه
هذا كثير علىّ
اشكرك مرة اخرى

maro said...

صديقى و اخويه و حبيب قلبى كمان
اولا الف مليون شكرا على التاج اللوز و الافكار و المقترحات الحلوه و الهامه بشأن الاخوان المسلمين و بجد كل يوم تثبت لى انك صاحب سياسه و فكر و ليك اراء ممتازة اوى
بس عندى تعليق بسيط بشان ان الاخوان لو مسكوا الحكم هيجروا ورا الناس و يخليهم يصلوا و كمان يلبسوا النساء الحجاب لو ده هيحصل انا اول واحد هنتخب الاخوان
اصل ده افضل من اللى بتمشى صدرها و بطنها باين و افضل من اللى بيكون واقف يشرب بانجو و الخمور فى الشوارع
ده افضل كتيييييييييييييييير
و للمره الثانيه الف شكر على التاج ده اخوك محمد مارو

david santos said...

Thanks for you work and have a good weekend

intissar abdulmonaem said...

أولا شكرا على التاج
ثانياً بالنسبة لموضوع الإخوان أنا أفكر في الأمر بشيء من العقلانية فأنا معهم تماما لو طبقوا تعاليم الإمام الشهيد حسن البنا كما أرادها هو
من القاعدة أي بداية من اصلاح الفرد
والتدرج حتى نصل إلى القمة
واعتقد أن الفرد مازال يحتاج للبناء
أنا معهم قلبا وقالبا
لو أعادوا قراءة كلمات الإمام الشهيد في مذكرات الدعوة والداعية
ليعلموا كم كان عظيما
لك تحياتي يا منذر

hapasa said...

الله يقويك يا أستاذ محمد وكان الله فى العون، وحاضرتك تستاهل أكتر من كده
واحنا ان شاء الله أصدقاء وبجد ده شرف عظيم ليا

hapasa said...

حضرتك بجد وحشتينا وده هديتى ليكى بعد غيابك الطويل، وأدعوا الله تعالى ان يوفقك

hapasa said...

أخويا وحبيبى مارو، شكرا على كلامك الجميل ده ليا وأتمنى أن أكون عند حسن ظنك
وطبعا ان أبصم على كلامك بالعشرة، وده الى كلنا بنتمناه
ويارب اهدينا جميعا

hapasa said...

لا شكر على واجب لو ماكنش حضرتك هاتخدى التاج امال مين الى هايخده
تقريبا حضرتك عندم معلومات ان الإخوان مابيطبقوش تعليمات الشهيد حسن البنا، أنا ماعنديش معلومات
بس أن أعرفه انهم مازالوا بيجتمعو يتدارسو القرآن والسنة والفقه، واخوان بجد ، لو كان قصدك انهم ينفتحوا أكتر على عموم الشعب فبالتأكيد هايكون تفكير ناجح جدا وهايجيب نتيجى أكيد
تحياتى ليكى