تم بحمد الله افتتاح سايت أبناء مصر لجميع انواع الأخبار
ونتشرف ان نقدم لكم فى هذه المناسبة
أخبار مصر فى الصحف العالمية ... مقالات رأي ... تحقيقات وتغطيات مصورة وموثقة صوت وصورة ... أقوى الأشعار لأقوى المدونين .... أفلام وثائقية ... حملات شعبية
ولفترة غير محدودة نقدم خدمة توصيل الأخبار السريعة الطازجة قدام عين جنابك
نشر مقالاتك وأشعارك وإنتاجك الأدبى
ولمن يرغب للإنضمام فى مجموعة أبناء مصر
عليه إرسال بريد إلكتروني على هذا العنوان
webmaster@abna2masr.com
ويسعدنا بل ونتشرف بكم جميعا
وأيضا هناك لقاء عمل خاص بالتعرف بالأعضاء الجدد يوم السبت الموافق 11 أغسطس الساعة خمسة فى نقابة المهندسين فى الزمالك
نهتم كثيرا بحضوركم وتفاعلكم وإشتارككم
خبر عاجل* عندنا فى سايت أبناء مصر أقوى تغطية صوتية وأقوى الصور لأحداث المحاكمة الرابعة للشاطر وأعوانه .. وابقى سلملى على أي حد تشوفه وقوله اشترك معانا
احدث المقالات لأقوى المدونين
أشيك الخواطر والأزجال والأشعار والقصص القصيرة
أقوى التحقيقات ... نتوعدكم بكثير من المغامرة والإثارة ... قليل من الخنقة
الخبر الثالث
انتهى المهندس علاء الغزالى من تصميم سايت المدون خانة على الورق فقط
والباقى رفعه على الشبكة العنكبوتية إن شاء الله
انتهى المهندس علاء الغزالى من تصميم سايت المدون خانة على الورق فقط
والباقى رفعه على الشبكة العنكبوتية إن شاء الله
ومازال البحث جاريا عن أي اموال قد تسهم فى إنشاء هذا السايت اللعين
ويقوم المدون احمد الجيزاوى بالتسول على أبواب المدونات والمجموعات البريدية.... والمدونين الولاد الحلال لسداد المبلغ المتبقى للقيام بهذه المهمة
بصوا بأه يعنى م الآخر
عندكم ثلاثة انشطة اتمنى من كل اللى اعرفهم يكونوا فى الثلاثة ... لانهم ما شاء الله هايكونوا حاجة حلوة قوى قدام
لكن لو حابين تنقوا براحتكم
لكن هانتبتر ع النعمة
ونقول مجهود رائع وبارك الله فيكم وجزاكم الله كل خير .. من غير ما يتقالى انا هاكون فى كذا وكذا وكذا
هازعل والله
وعاوزين كمان نتناقش يعنى الى متخوف من حاجة او عنده ملحوظة او نقد يمهنى جدا أعرفها وناقشها مع بعض
وفى النهاية
والى مش عاجبه الاتنين عنده أقلام مصرية
والى مش عاجبه المدونة ده
يبقى راجل كده :))
بس كده كده هاتشترك فى التلاتة أو فى حاجة واحدة ع الأقل :))))
33 comments:
واللى مش عاجبه كل ده يعمل ايه يخبط دماغه فى الحيط ده اتم غراب اوى سيبوا الناس فى حالهم ):
انتوا عملتوا ايه فى الموقع يا ولاد اللذينه اشتغلوا شوية بلقمتكم ولا اغيركم انا بهدد مش بحذر
مبروك لكل ودائما كبير يا كبير ودائما نلقى اخبار المدونين عندك
الله عليكو00هوا ده الكلام..انا عايز اشترك بس عندي مشكلة مش حعرف اكتب على طول..بس بنا يوفق0
مبروك عليكم
انت مجتهد جدا وده حايكون باب جديد
يارب تنولوا فيه كل امانيكم
ويسعدنى لاء يشرفنى
انى اكون معكم
وربنا يسهل
اجمل تحياتى لك
كنت فى اسكندريه قريب !
علشان كده كانت منورة اوى
يارب تكون قضيت وقت طيب
اشكرك جدا وتقبل تحياتى
الف مبروك للافتتاح و هعمل زيك و اقول لك انا عاوز اجى اقص الشريط زى ما انت قلت لى يوم اقتتاح المدونه بتاعى فاكر ؟
محمد مارو
انا جيت ياباشا زي ماقولتلي
الكلام تمام التمام
انا هارجعلك تاني واشوف التفاصيل واللينكات
انا لسه راجع من الشغل والله ةهادخل انام
:(:(
لما اصحى هنظبط
سلام مؤقت
محمد سمير
حبيبى/منذر
ايه يا عم كل النشاط ده ؟ انت حتلاحقها منين ولا منين
على كل حال ربنا يوفقك ،وكلنامعاك ان شاء الله
و الله يا منذر اشتركت في الثلاثة و ادعيلي ربنا يبقى معايا و اجي لقاء السبت
أخى منذر
وحشتنى والله
على العموم
حنشوف موضوع المدونت خانة
السلام عليكم
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
ازيك يا منذر وحشتني
وربنا يكرمك
انما انت ليه مش بتقول
قرب قرب قرب قررررررررررررب
الله ينور يا منذر
سجلى أسمى معاك
إمامنا غمام الجيل يقول الى هو عاوزه
وجارى تشغيله فى بداية الأسبوع المقبل ان شاء الله بدون شر
واي خدعة
ويا إمامنا لازم تبعت ميل لابناء مصر وتقولى انك هاتحضر الاجتماع وتشترك فى المجموعة البريدية
**********
البرنس الكبير والله بحبك
************
كفاية وجودك معاناوالله
اشترك بس وهانعرف نخليك تكتب ازاي
مالكش دعوة انت هههههههه
فعلا هانتظر منك اشتراكك فى ثلاث مشروعات
***********
الأستاذة نيفين
انتظر مشاركتك فعلا واتمناها
ياريت يا أستاذة
واسكندرية داميا منورة باهلها
********
حبيبى وأخويا وصيقى العزيز مارو
هات المقص معاك ههههههههههههه
تحياتى يا معلم ومستنيك أكيد
***********
هاستناك يا باشمهندس
مستنيك اهو .. بس لما تيجيى
لازم تقولى هاتعمل ايه
وهاتشترك فى ايه
وايه هي انتقاداتك ملاحظاتك
ولازم نشوفك يا السبت فى الميعاد الى موجود فى الوست
تتناقش معايا فى كل كلمة أوك
ممستنيك وربنا يبارك فيك
اخى العزيز النورس
ربنا يكرمك وكله بنفسك
بس برده ماقولتليش هاتشترك فى ايه ولا فى ايه
وهل هانشوفك يوم السبت
عاوز تفاصيل قراراتك يا ريت
***********
انت كده تمام هو ده شمس المنورة
وان شاء الله ماتقلقش
****************
مؤمن
فينك يا عم
غبت وطالت غيبتك
وانت كده مية مية
وهانتظر مشاركتك فى باقى الأنشطة
************
اخى العزيز إسلام رفاعى
معاك ان شاء الله
وآلمنى جدا موضوعك
بس للاسف مش عارف أعلق
المدونة تقيلة قوى
ياريت تشيلخاصية ان التعليق يكون فى صفحة منفصلة
هاتبقى أسهل كتييييير
تيحاتى يا اخى الغالى
أستاذناالكبير عصفور
والله قربت أقول قررررررب قر قرب
تعالى بص وشوف معايا فلاية تشيل الاملاية قرب قرب
ههههههههههههه
ربنا يكرمك يا أستاذنا ويخليك لينا دايما
***********
الباشا ابن يسرى
طالت وطالت غيبتك
اساسى اسمك اتحط
هو أنا هاستأذن عيب حتى هههههه
ربنا يكرمك ان شاء الله ويكرمنا
هو أنا فى أبناء مصر وإن شاء الله أشوفكم السبت بس ممكن أبقى معاكم فى أقلام مصرية، صحيح صحفية صغيرة بس يوضع سره فى أقصر خلقه
صديقى/منذر
ممكن اشترك ببعض ادراجاتى فى مدونتى المتواضعه ولا مينفعش؟؟
اما عن سؤالك حتشوفنى يوم السبت ولا لأ
فالاجابه هى لأ لسبب بسيط انى عشان اعمل كده حاضطر اسافر 700 كم ومع الاسف ظروف شغلى متسمحش
بس ممكن تعتبرونى موجود معاكم قلبا وليس مهم القالب
تحياتى
تصدق طلعت بياع شاطر
هههههههههههههههه
بأتنين ونص وتعالى بص
ربنا يوفقكم يااااااااااااااااارب آمــــــــــــين
انا على فكرة مشتركة فى ابناء مصر وحتى الان لم اتمكن من كتابة اى شـئ
يلا ربنا يقدرنا ويقدركم لما فيه الخير والصلاح ياااااااااااااارب آمـــــــــــين
منذر
انت عارف طبعا ان كل الحاجات ده عجبانى جداااا
وعارف برضه ان تعددد الكيانات بيسبب تشتت شوية
وان لو كل الناس اتجمعت فى كيان واحد
هيكون اقوى وانجح
بس معاكم برضه
تحيااااااتى
منذر انت مصيبة...الله يباركلك يا شيخ
بجد انت مبهر...و ما شاء الله على نشاطك..انا انضميت للمجموعة مدونين من أجل التغيير..خناقة يعني...كبسة على نفسكوا في كل حتة ان شاء الله..ربنا ينفع بيك يا منذر
تحياتي
أسمح لي يا أخي ... الكريم .... أن أعلق علي إختيارك وائل عباس للتعليق عليه ووضع مدونه تخص الهجوم عليه ... مهما كان وائل عباس .. يهودي أو شاذ أو مباحث .. أو إبن ستين .. بس هو راجل وقف برجوله في موضوع التعذيب وكان له دور لا يمكن نسيانه .... نرحب بأي مناضل وأي فكر أخذ منه الحلو ويولع هو بالوحش بتاعه ... لكن مدونه مخصوص علشانه ... وللهجوم عليه ... تهريج ... هو مش إسرائيل ولا من زبانيه التعذيب ولا ممدوح إسماعيل .. تعالوا نعمل مدونه اسمها .. مين يوسف والي .. إللي سرطنا وسرطن إللي جابونا ... تحياتي يا منذر وسامحني كنت حاد معاك شويه
ازيك يا منذر معلش معرفتش اكلمك كويس كنت فى وسط البلد والدنيا زحمه ومش سامع وكمان انت كنت مستعجل وبتكلمنى بسرعه
معلش سيبتكوا يوم المدون خانه ومشيت بدرى حصلى ظروف
انا فعلا ضيفتك عندى على الماسنجر بس معرفش ايه النظام بقى عموما هشوف بكره ونتكلم
ومعاك رقمى ابعتلى ارقامك فى ماسيدج واكتب منذر
سلام
منذر باشا
انا جيت اتاخرت شوية معليشي
اكتر واحده عجباني هي اقلام مصرية واللي ممكن فعلا اشترك فيها
انا مش هكدب عليك واقولك هاشترك دلوقتي لاني فعلا وقتي ضيق جدا جدا جدا ومش هاقدر انتظم في الكتابة خالص
انا هتابع الموضوع ومش هنساه...بالاضافة الي اني محتاج كمان اني اتاكد هل مشاركتي هتكون علي المستوي المقبول والمفيد ولا لأ
انا عارف اني بعملك احباط بس فعلا انا محتاج وقت وانت مش متخيل انا معمول فيا ايه
هكون موجود دايما وقريب اوي ان شاء الله هتسمع مني كل خير
بس كمالن انا مقصر مع ناس كتير ولازم اسدد اللي عليا
مش هتاخر عليك يا منذر بجد
تحياتي ليك
محمد سمير
أخي منذر
أحييك على هذا النشاط و هذه الحيوية المتدفقة
أنا زرت الموقع يا فندم ووضعت بصمتي وبخصوص المشاركة فانا جاهز بس من بعيد لبعيد يا عم .. انا عندي عيال عايز أربيهم .. إعمل معروف .. الله يخليك
خالص تحياتي
ملحوظة:جميع ما في مدونتي يمكنك (إذا كان فيه حاجة تنغع)أن تأخذ منه ما تشاء
بص ياعم منذر
الأول أمد إيدى كده أسلم عليك بشدة
أنت راجل قلمك حلو ومحترم ومفيد أوى وبحب أزور مدونتك اللذيذة دى
وهحاول أشترك فى التلاتة بعد الفحص والمحص
تقبل تحياتى وودى يا منذر
الف مبروك
من نجاح لنجاح ان شاء الله
واتمنى ان تتفضل بزيارة مدونة الكاتب الروائى علاء الاسوانى وقراءة قصصه القصيرة واخرها قصه (لماذا ياسيد .. ؟ سؤال ) والتعليق عليها وهذا عنوان مدونته www.maktoobblog.com/alaaalaswany
وتقبل شكرى وتقديرى .
أختى الغالية شيماء
طبعا قلمك رائع للغاية
وصحفة مش صغيرة أبدا
ده انت سلختينى قبل كده
بس كان نقاش جميل استفدت منه جدا
وياريتك تشوفى أقلام مصرية
هاتعجبك قوى
وياسلام لو تشتركى فى الجربو بتاعها
تحياتى يا أستاذة
***********
اخى العزيز النورس
يشرفنا ذلك جدا أن تشراك بإدراجاتك ومقالات فى مجلة أقلام مصرية
بس ياريت تشترك فى الجروب مدونين من اجل التغيير
وتعتلنا المقال الذى تحب نشره
وبصراحة ماكنتش عارف ان المسافة 700 كم الله يقويك وبجد كان نفسنا نشوفك
تيحاتى القلبية لسيادتك
***************
امانى
ازيك يا فندم وايه الأخبار
والله ابن ناصر بيكلم عن حضرتك كلام زي الفل
بس ايه رأيك انفع بياع سريح مريح مية مية :)))
طبعا انا عارف انك منالاوائل فى الحركة ... بس ليه مبتعدة نوعا ما
ياريت نشوفك قريب
**************
ازيك يا سارة
والله كلامك معقول وتمام التمام
بس انا عارف انك قدها وقدود
شوية كده كل واحد يعمل الى فى نفسه
وبالتأكيد هايكون فيه تعاون مشترك
علشان كده نشارك فى الكل ونشتغل فى الكل ونكبر الكل من خلال روح الصداقة والمودة والعمل الجماعى
وهايوكن كل تمام
**************
الريسة سكوت هانم
والله ربنا يبارك فيكى
وده احلى حاجة انك اشتركت فى المجموعة ده
ياريت نشوف رسائيلك قريب هناك
تحياتى يا فندم
**************
أستاذ هيثم
لك منى كل التحية أستاذى الفاضل
أنا اعلم ان صديقك وصديقى ابن يسرى
هو على علم بالموضوع
رجاءا ارجع له
فهو يعلم التفاصيل جيدا
ولكن لكي يكون هناك نقطة نظام
انا لم أنشئ هذه المدونة وهذه ليست ملك لى
وا اعرف أصحابها ولم ألتق بهم سواء على وجها لوجه او على الماسنجر
هذه نقط رئيسية فقط ق توضح بعض الامر
أما الباقى عند اخى وصديقى العزيز ابن يسرى
وجزاكم الله كل خير على النصيحة
أخى العزيز حزين
اتمنى رجوعك قريبا
وسعدت جدا بمعرفتك
والجلوس والإستامع لك
وارجوا دوام الصداقى اخى العزيز
**************
الباشمهندس بتعانا كلن
محمد باشا سمير أبو فرح
بسيحلك شوية :)))
ربنا يكرمك وجميل جدا نشاطك ده
وانا شفتك بتكتب فى جروب القلوب
ومتابعك مية مية مية والله ينور
وبعد ما تفضى كده
عاوزك بعد ما تفضى كده
تقرر تبقى معانا ان شاء الله
وربنا يبارك فيك
*************
اخى العزيز الوطنى جدا
مساهمتك الفعلية
ولقاءنا بك
دفعة قوية جدا للغمام
فوجودك فى أي شيئ يعطيه ثقل كبير جدا
اتمنى ذلك وأحرص عليه
وربنا يبارك فى حضرتك
وياريت لم تسيبلى الميل بتاع حضرتك طالما عندك استعداد للمشاركة
او يا ريت حضترك تشترك جروب مدونين من اجل التغيير
وتبعت ميل بس لأبناء مصر
يسعدنا ذلك ويشرفنا للغاية
وجزاكم الله كل خير
*******
السلام عليكم
ازيك ياحبيبي
دائما متألق يا منذر
ربنا يبارك فيك
وان شاء الله انا مشارك في التلاتة
ماشي ياعم
هنيالك تلاتة في واحد وعقبال ما يبقوا خمسة مش تلاتة
أخبار جميلة وكويسه
الرجاء المشاركة في حملة استقبال رمضان بين المدونين
دمت بخير
اخى وأستاذى العزيز أحمد التابعى
والله كلماتك ده جميلة جدا
وانا ابوس راسك والله على كلماتك الجميلة ده
وربنا يبارك فيك وبنتعلم منك والله
ربنا يبارك فيك
وياريت فعلا تنضم ليهم
وانا جاهز لاي استفسار
وميل بتاعى اهو
ejymejy@yahoo.com
ولك منى كل تحية وربنا يديم الحب لوجه تعالى
**********
الدكتور هانى جبر
فيك يا دوكتر ليك واحسة والله
مستنينيك باه ما تتاخرش عليناكده
ربنا يبارك فيك وابقى طمنا عليك دايما
************
صاحب المضيفة
والله العزيم بفرح لما بشوفك
وان شاء الله هايكملوا خمسة
وباوا كده أربعة بحملة استقبال رمضان
حملة اكثر من رائعة
وهاتنفعنى انا اول واحد مش أي حد تانى
ربنا يبارك فيك اخى العزيز
Post a Comment