Sunday, August 12, 2007

أوقفوا عمليات الختان واللوز كمان !!!

من الممكن أن اتفهم موقف النظام المصرى من احداث كاحداث غزة، فمثلا مواقفها إملائية كما قال عزيزى عازف الناي وأتفق معه بانها إملائية ولكنها على هوى النظام المصرى، وممكن تكون نابعة من معادتها للفكر الإسلامى حتى لو كان معتدل، وعدم رغبتها فى التعامل مع حكومة إسلامية منتخبة وحاصلة على القبول الشعبى وتكون على مقربة من حدودها ، وتحوز على حب وثقة الشارع المصرى، فأنا مستعد تمام لتفهم مثل هذه المواقف

ولكن الذى لا أستطع أن أتفهمه مدى سرعة وقوة وصرامة موقف النظام المصرى من مشكلة بدور، فرأيت أن جميع أجهزة الدولة من إعلام ونقابات ومؤسسات قانونية وتشريعية بل وأزهرية أيضا كلها عزفت على نغمة واحدة، فمثلا إعلاميا تناول الإعلام المصرى الرسمى متمثلا فى القنوات المحلية وبعض القنوات الفضائحية الموضوع من جانب واحد فقط وهو قتل الطفلة بدور، الأيدى الغاشمة تغتال الطفولة البريئة، وشاركها أيضا فى تلك التغطية الغير موضوعية والغير حيادية الإعلام المقروء كالصحف الحزب وطنية وبعض صحف المعارضة وبعض الصحف المستقلة ، وقامت المؤسسة الأزهرية بإصدار فتوى نالت قبول الجميع ـ ويالا للغرابة ـ وتم التصديق عليها سريعا، وقامت نقابة الاطباء بتجريم عملية الختان ومنع الأطباء من القيام بهكذه عمليات،

فى حين لم يبلغ ردة الفعل الرسمية المصرية المباركية مابلغه فى هذه الحادثة ـ محليا على الأقل ـ فقد حدث

قتل وسفك دماء جنودنا على الحدود المصرية الفلسطينية على أيدى الجنود الصهاينة
تصادم القطارات ذهب مقابله الآلاف
وحوادث الطرق تحصد الآلاف كل عام
وغرق عبارة الموت
مطالب اهلنا فى بدو سيناء المشروعة
أكياس الدم الملوثة
الطعام المسرطن
عدم وجود مياه فى محافظات الدلتا بلد النيل والقاهرة الجديدة والأمر يمتد للصعيد
اللبن المغشوش او السام

وغيره الكثير والكثير

فنحن شعب ممن المفترض انه لا يوجد بيننا وبين أحد من الدول الاخرى حروب ولكن يتم سفك دمائنا بصورة مستمرة ويا ليتها من عدونا الحقيقى ولكنها تاتى من من نطالبه بامننا وسلامتنا

فعجبت أن جميع الناس تعلم ان بدور قتلت بالمخدر واهلها يعرفون ذلك ولكن يتم جعل الحق بالطلا والباطل حق بالباطل ، لكي يلتبس على بعضنا الأمر، فجميع المصريين من آلاف السنين يقومون بهذه العملية ولم يحدث لا موت ولا قتل ولا حتى نزيف، اما بدور فقتلت بسبب مخدر ومخدر فقط ويجب أن يبقى الأمر على حقيقته ، وإن كان بسبب حتى نزيف فلن نخشى وسوف نواجه انفسنا بالحقيقة ولكنه ببساطة بسبب جرعة زائدة من المخدر هذه حقيقة تم غفلها عمدا

فمثلا نعقد مقارنة بين هذه الحادثة وحادثة سعاد نصر فكلاهما بسبب جرعة خاطئة أو زائدة من المخدر، نجد ان المؤسسات التى ذكرتها لم تجرم فى العموم عمليات التجميل ولم تحمل جراحة التجميل ذنب سعاد نصر، فلماذا نحمل عملية الختان ذنب ما حدث للطفلة بدور ؟؟؟

ثانيا وهذا الأهم إن كان النظام المصرى يبكى دما على دم الطفلة بدور فإنه لم يذرف حتى الدمع بسبب كل ما تم قتلهم بسب حوادث الإهمال والجشع والسلطة والطمع، فلماذا هذا الإنفصام ولماذا هذه الإزدواجية ؟

ثالثا حادثة مشابهة للطفلة بدور، هل تتذكرون الطلفة التى زهقت روحها بالبطيئ بسبب وقوفها فى الشمس تشريفة لمعالى وزير التعتيم، فلقد فارقت روحها امام أعين مدرسيها وناظر ومدير المدرسة وزملائها الطلبة، فى هذه الحادثة لم تسن القوانين ولم تسن أيضا الألسن ولم تصدر الفتاوى ولم ترفع القضايا ولم تتغير القوانين ولم تشرع قوانين جديدة، لم يهاجم الإسلام، لم يعلن الإنتصار على الإسلام، لم يعلن هزيمة الإسلام ، لم يعلن الإنتصار على اجهلة الظلاميين المتخلفين الرجعيين ، لم تقام المظاهرات، لم تقام البرامج الدعائية يقدمها فنانين كبار، لم يسب الشيخ ابن تيمية وابن حجر وابن الباز والعثيميين، ولم يسب الوزير والوزارة والرئيس لم يحدث أي شيئ بالعكس تم ردمه ودفنه، كأن شيئ لم يحدث

حادثة اخرى الطفل محمد عبد الحميد، توفى بسب جرعة زائدة أيضا من المخدر إثناء قيامه بعملية اللوز، وتم نشر هذا الخبر بجريدة الأهرام المصرية بتاريخ 19/7 ، لم أسمع من ينادى بعدم القيام بعملية اللوز، لم أرى نوال السعداوى او أقرا لها مقالا ناريا، لم تقام المظاهرت لتابين هذا الطفل أوالطفلة ضحية وزير التعتيم

لهذه الأسباب ولهذه الازدواجية لا أطمئن لهكذا موقف
فإذا بكيتم فلتبكوا على الكل
وإذا نسيتم فلتنسوا الكل
أما نحن فكتب علينا ألا ننسى أحد
فهذه بنتى وذاك اخى

28 comments:

عصفور المدينة said...

السلام عليكم منذر حبيبي
أحزنني جداالخبر وربنا يكرمك وييسر لك ويعافيك
وبعدين لو ربنا عافاك لازم الحلاوة انك تزورنا
بخصوص الموضوع
بص هي قاعدة يقولوا شمال يبقى اكيد اليمين هو الصح

ولو قالوا شمال برضه أكيد اليمين هو الصح

محمد عبد الرحمن said...

السلام عليكم
ياأخى الفاضل إنه الميزان المعوج والكيل المتحيز
لأن المسألة نخص الطعن فى سنة من سنن الفطرة وتخص سنة النبى قولا أو فعلا أوتقريرا كما هو حال الختان فقد إنبرت الذئاب تعوى والقرارات تخرج من أوكار أعدت فيها بليل فى إنتظار التوقيت المناسب ولا يهولنك كثرة المطبلين و حملة المباخر من المسبحين بحمد النظام وأجندته فالحمد لله الحقائق معروفة والخداع أمسى مستحيلا
والله غالب على أمره
أما ضحايا إهمالهم فلا ضير من أن يتركوا متنفسا للناس تتباكى فيه تماسيحهم الماكرة ولا مانع من إجراء وقتى يمتص الغضب من الصدور
أسف للإطالة وشكرا لطرحك الصريح والأنيق

مـحـمـد مـفـيـد said...

المبدع منذر
رغم زعلي منك ولكن لا اخفي لك مدي اعجابي بسطورك وانا بكتب في نفس الموضوع وهينل ان شاء الله
لاتنتظر من الحكومه شيئا يا اخي
فلنا الله

جمعاوى said...

كنت ح أقولا نفس الكلام اللى قاله

طال الليل


تحياتى منذر

و..

ود

محمد مارو said...

ذذر حبيبى
انت فين يا عم ؟
بجد وحشتنى
انت مش بتدخل اون لاين ليه ؟
ع العموم موضوعك رائع (كالعاده طبعا )
تعرف ؟
انا كنت داخل و ناوى امسك فى خنائك و اعمل لك مشكله من العنوان
بحسبك معاهم فى اللى بيقولوا عليه
المقال رائع بس العنوان هو اللى عندى تحفظ عليه ممكن واحد من المستعجلين يفتكر انك معاهم و مش يكمل قراءه
شكرا لك
و ارجو ان تكون بخير
ماااااااااااااااااااااااااارو

مشروع انسان said...

الله عليك يا منذرى
ايه الحلاوة دى موضوع فى الجون ربنا يكرمك والله جدع
بس ابشرك يا عسل انها برضه املاءات خارجية او داخلية اشمعنى الختان بقى والزواج المبكر اللى رافضينه ومش شايفين وجه تشابه بين الاتنين وانهم يعملوا عليهم حملات وحملات متتالية قال الله تعال ( ان الذين يحبون ان تشيع الفاحشة فى الذين امنوا لهم عذاب اليم ) نعم اخى واذا مكنوش هما كده فدى املاءات امريكية مفروضة ومرتبطة بالمعونة كمان واعتقد انك سمعت عن زيارة منظمات امريكية للقرى الريفية ونشر الثقافة الجنسية الغرب عارف ان انهياره هيكون بسبب انحلاله وعارف ان قوة الاسلام فى مبادئه وقيمه السامية فلازم يهدوا هذه القيم عشان ميقمش للاسلام قومة واكيد الحكومات العميلة بتساعدهم بكده راضين او غير راضين سواء

ahmed mefrh said...

السلام عليكم
و لم الاستغرب
النظام المصرى يتعامل مع الاحداث بمنطق( حدوهم بالصوت ليغلبوكم )
يعنى لم ارى احد فتح فكيه و اخرج لسانه من الحكومه على الاوضاع التى تعانيها النظام الصحى من تدهور فى مرافق اساسيه و اجهزة و مستشفيات
فهم قاموا بأشغال الراى العام فى الموضوع الفرعى و تركوا الاساس الذى يدين النظام و يدين وزاره الصحه التى اصبحت عزيه للجبلى و حاشيته و هذا ما يجب ان نشير اليه و تشير اليه جميع القوىالوطنيه بحيث يكون الرد على تلك الحمله عن طريق اظهارمدى ما اقترفته الحكومه فى المرافق الصحيه ولا يكون الرد بفتوى الشيخ فلان ولا كلمه الشيخ علان على قناه الناس .
و الله اعلم
تحياتى
اخوكم
ابو مفراح

عصفور اسكندرية said...

هههههههههههههههه
طب اللي عمل اللوز عليه غرامه ولا عادي

علي فكره ليك سمكه عندي في مدونتي
حتي تأكل السمكه افتح هذا الرابط
صاحي وبيلعب


والسمكه دي لكل الناس اللي علقت هنا

Anonymous said...

منذر

انا مختلفة معاك فى نقطة واحدة
ان تحديد اذا كان الختان مضر ولالا ده عملية طبية شوية
بمعنى ان كونها بتحصل من زمان ده مش بيديها شرعية لان عندنا بلاوى بنعملها من زمان وده مش معناه انها صح

غير ان مفيش سند شرعى ولا طبى ولا خلقى للختان

بعد كدة انا معاك طبعا فى الباقى
يعنى فعلا ليه مش بيعملوا دوشة زى اللى عملوها عالختان لللتعذيب
وفى 2 ماتوا فى اسبوع واحد من التعذيب
او كل المصايب اللى بيعملوها فى البلد

تحية طيبة

احمد الجيزاوى said...

على الموضوع الختان انت ومحمد مفيد عملين شغل ممتاز فيه
فعلاء الحكومه كبية موضوع الختان وصرفه له ملين مقابل ايه معرفش
وسيبه ملف الاهمل الطبى مثلا فى المستشفيات وله سرقه الاعضاء او اكياس الدم الملوث وله السرجات الملوثه او الدويه منتهيه الصلحيه
ملف كامل عن الاهمال طبى فى مصر
احمد الجيزاوى

me said...

حبيبى منذر باشا
النظام واخد معانا طريقين
أولا عصا النظام فى مؤخرة الجميع
وعلى سبيل ال مثال
عماد الكبير
أما مع المعارضه
فعمليات حاده ختان الرجال
والدليل ختان الاحزاب والمعارضه
وسلملى على الدقاديق

ابن رشد said...

بصراحة بوست ممتاز يا منذر

عصفور المدينة said...

السلام عليكم
إيه يا دفعة الأخبار



تم رسميا بدء دروس مدونة العلم الشرعية
مدرسة العلوم الشرعية المبسطة

يرجى التواصل معنا بالنصح والمتابعة

أحمد المصري said...

من ماتى كانت فرقت معاهم ..ده بس عايزين ينسونا اللي بره باللي بيحصل جوه ..ضجة إعلامية كبيرة تنيبنا المصايب التانية وكل ده على موضوع لا يستحق هذا الحجم-بدون انكار لأهميته-وعلى فكرة انا زعلان منك عشان معنتش بتنور..مدونتي مضلمة يا راجل0

عازف الناى said...

سمعت عن الطفل اللى مات من التعذيب داخل قسم الشرطه فى المنصوره
كتموا كالعاده على الخبر
منذر اخويا
اقولك المفيد
دول عصابه وشعارهم استر على استر عليك
معقوله عايزهم يفضحوا بعض فى موضوع القطار او العباره او...كله تبع بعضه
ومن دقنه وافتله

غمض عينيك said...

الكيل بميكالين والمصلحة هي اللي بتحكم كل شيء دلوقتي
فا متشغلش بالك

تحياتي ليك
محمد سمير

Monzer said...

معلش آسف والله يا اخوانى
مدعوك فى الشغل لشوشتى
اتناشر ساعة المفتريين
منه له منه له :))
وجزاكم الله كل خير ع الردود
وكلها قيمة جدا جدا
و اضافت كتير للبوست
ادعولى ان ربنا يهدهم ويقوينا عليهم

مصطفى محمود said...

بص انت عندك حق ان الحكومة عندها شعرة ساعة تروح وساعة تيجى ..

بس بردة محدش ينكر ان الختان شر وابتلاء للمجتميع المصرى ولازم نتعالج منة .

انـتــصار عــبـد الــمـنـعـم said...

منذر
كلنا عارفين إن الحكومة والعالم له معاييره المزدوجة
ولكن في موضوع الختان بالذات
لابد أن يخرس الجميع فليس هو موضوع سياسي حتى تتدخل من أجله الست نوال ولا الحكومة المحترمة
ولا الدول التي تدعي حقوق المرأة
الموضوع يخص المرأة وحدها
وليس من الطبيعي أن يتدخل الرجال والحكومة
لتقرير
ما إذا كان تقطيع جسد المرأة حلال ولا حرام
الحكاية بقت بايخة وماسخة

الكل يتحدث فيها من وجهة نظره وكأن بذلك سيتحرر الوطن والأقصى
العالم مليء بأشياء أهم
والدين فيه حاجات أهم من هذا الموضوع
لك مني كل تحية ودعواتي بالتوفيق

ابو العربى said...

فعلا بيكبرو المواضيع الى ملهاش لازمه تكبر والمواضيع الهامه الى تمس الكرامه والروح المعنويه بينفضولها تواطء كل اجهزة الدوله على هذا الموضوع يدل على تخلف واضح
انا مع الختان واصر عليه
وهذه عمليات فرديه

تحياتى

بهلول said...

اى حاجه عاوزاها الدوله تحصل
الاعلام يخليها قد الجبل
واى حاجه عايزينها تمر وتعدى
يبقى محتاجين ميكروسكوب علشان نشوفها

خالد حفظي said...

أجمل وصف قراته حول هذا الموضوع
هو وصف هؤلاء النسوة بالحيزبونات و من يقرأ لهن لا يحتاج لطول تفكير في إشتراكهن في مؤامرة ضد الاسرة المصرية والهدف الواضح والمؤكد لهذه الحملة هو نشر الرذيلة
على الجانب الآخر أخي منذر هناك من جعل الختان معركة الإسلام الكبرى وهو (كما تعلم )ليس كذلك إنما هو مكرمة ويخضع لرأي الطبيب الثقة هو الذي يقرر ما إذا كانت البنت في حاجة إليه أم لا

مصطفى محمود said...

يا جدعان حرام عليكم اذا كان السعودية مفيهاش ختان بنات ... دة اختراع بدائى صرف وبيتمسح بالدين .

انا مش فاهم ملتها اية الناس اللى بتقطع فى لحم بناتها دول!!

ياسر سليم said...

العريان وراء القضبان

شاركنا فى حملة التضامن مع الدكتور عصام العريان

على مدونتى

ibn nasser - ابن ناصر said...

قتل وسفك دماء جنودنا على الحدود المصرية الفلسطينية على أيدى الجنود الصهاينة
تصادم القطارات ذهب مقابله الآلاف
وحوادث الطرق تحصد الآلاف كل عام
وغرق عبارة الموت
مطالب اهلنا فى بدو سيناء المشروعة
أكياس الدم الملوثة
الطعام المسرطن
عدم وجود مياه فى محافظات الدلتا بلد النيل والقاهرة الجديدة والأمر يمتد للصعيد
اللبن المغشوش او السام
وغيره الكثير والكثير
...
فعلا مثلما قلت لا استطيعزيادة اي شيء
ومقال رائع
وتحياتي ليك

Monzer said...

أستاذى عصفور آسف على التأخير فى الرد
الرسالة وصلت ان شاء الله
بس هابقى أقولهم ان حضرتك الى قولتليى كده ههههههههههههه ربنا يبارك فيك
رسالة فى غاية الاهمية
بس هو لسه الحمد لله مادخلتش لكن فى الإجراءات وخير ان شاء الله

**********************


أستاذى طال الليل
ما أجمل أسلوبك ولغتك لعربية البديعة انها فى غاية من الجمال حقيقة
جزاكم الله كل خير وإنهم فعلا ذئاب


**************


أستاذى أستاذ محمد
هو الزهل ليك حق فيه
وانا آسف جدا جدا جدا
اما بخصوص الموضوع فحضرتك أقدر واحد تتكلم فى النقطة ده ن وكنت قولت لحضرتك انك تناقشها
ربنا يبارك فيك يا أبو عبد الله

********



أخى العزيز جمعاوى
كانك قولته وزيادة :)) ربنا يبراك فيكم
وفعلا طرح الأشتاذ طال الليل فى غاية الروعة والجمال
وجزاكم الله كل خير

***********

حبيبى مارو ازيك يا معلم وعامل ايه
معلش والله زي ما قلتلك باه
ربكنا يجيب الخير ان شاء الله
العنوان هو خدعة فعلا يا مارو بس هانعمل ايه لازم نقرا للأخير
تحياتى ليك يا صديقى العزيز


********************

ازيك يا إمامنا
والله عاوز أقول كده
بس انت فاهم
هايتهمونا اننا أصحاب نظرة مؤامراتية وغريبة وغير عقلانية
لكن بصراحة هي ده الحقيقة
إنهاي القيم والاخلاق

****************

أخى العزيز أبو مفراح
جزاكم الله كل خير على ردك وفعلا هذه الحقيقة
بس ده اسلوب شوار التى تنتهجه البلد ده
لو الحكايبة خدوهم بالصوت
فمافيش اكتر من صويت الناس الى بتموت والى ببتعذبوالله
اتحسبن عليهم يعنى
حسبى الله ونعم الوكيل فيهم

تحياتى لك اخى الكريم

Monzer said...

السكندرى الجميل
ماشى يا سيدى ع السمك
بس لو جيتك هاكلها بجد ىه


**********


ازيك يا سارة

انا فى الموضوع ده ماليش دعوة بالختان
لانى مش عاز أكلم ع العملية نفسها
مش بتاعتى بصراحة
فى راي للدين ورأي للطب

لكن كل الى بكلم عليه
وان عارف نا الفكرة وصلتلك تمام .. ال ىخر جمليتن انتى كتباهم
وكمات تعليق إمامنا إمام الجيل والمنظمات والجمعيات الغربية الى بتتكلم فى الموضوع ده باسلوب يبعث ع الشك والريبة
يعنى هو مافيش مشاكل غير ده
الفلوس الى بيصرفواها فى الدعاية والإعلان عن هذا الموضوع تتصرف فى حاجات تانية اولى بصراحة
لان الوعي زاد
كل الناس بتقول نروح لطبيب وخلصة القصة
ربنا يبارك فيكى يا سارة

************صديقى المفخخ احمد بيه الجيزاوى
منتظر هذا الملف المفخخ على احر من القنابل والصواريخ والمتفجرات التى تحملها سيادتك :) ودمت

***********
هههههههههههههههه
أخويا وصديقى ابن يسرى الغالى
أضحكنى جدا تعليقك والله
وسلام عوز اوصله لواحد واحد
بس الحمد لله رب العالمين
انى ماعرفش ولا دقدوق لغاية دلوقتى
ومش عارف جهاز الشطرة عاوز يدقدقنا كلنا ولا ايه
خير ان شاء الله

***************


انت الى ممتاز يا شمسنا والله
ربنا يبارك فيك

***********

أستاذنا عصفور المدينة
فى لقب جديد ان شاء الله شيخنا كمان ان شاء الله

مدونة جميلة جدا
وهاتسفيد منها انا بالذات اوى
لانى محتاج فعلا حاجة تون مبسطة لان الكتب بتبقى صعبة عليا شوية
ومابقاش فيه وقت نوعا ما لدروس العلم
وربنا يفنع بيك وبها ان شاء الله

*************

طبيبنا احمد المصرى
والله ما أقدر على زعلك أبدا
بس زي ما قلت اشتغلت وانشغلت قال يعنى الواد امين شطرة اسم الله ولا وزير معارف بس والله هدة
بس داخل حلالا يا معلم وعاوزك فى موضوع مهم تانى هابقى أقولك عليه
تسلملى يا طبيبنا
آه صحيح كنا عاوزين رأيك الطب ولا مش دلوقتى هههههههه
قول قول ماتخفش
لسه قافشين دبولن صنايع عمل عمليات وكشف على ناس :))
الى فى الكلية مش هايوقل حاجة ربنا يبارك فيك

**************
محمد باشا سمير
هو كيل بس ده الواحد هايتنقط والله
ربنا يبارك فيك

Monzer said...

مصطفى باشا محمود
سعيد جاد بزيارتك الأولى ليا والله
جميل اننا متفين فى نقطة محددة
المشكلة فى ايه بأه
منى امتى الدولة ولا المنظمات الى بالى بالك المشبوهي دى هيبيفرق معاها دم المواطن مابالك براحته النفساوية، ليه شغل شاغل مؤتمرات السكان بتاعة المم المتحدة متركزة فى الكبت والهقر الجنسى والاختلاط والختان وغيره
هل هو ده علم الاجتماع ده نقطة فى بحر كبييييييييييييييير جدا يشمل سلوكيات واخلاق ومبادئ وقيم ومثل وتعاملات وامان وسلام اجتماعى وعقد اجتماعى وتكفال
ليلة طويلة وضخمة يا مصطفى
مافيش حد بيكلم عنها ولا بيحاول يتكلم حتى .. علشان كده لازم أشك جدا وأفكر وأسال واخاف منهم وأتاكد انهم عاوزين الضرر ليا فلو كان الختان وحش كانوا هما اول ناس هايقولولنا ختنواالبنات والعكس صحيح جدا
تمام ولا لسه .. فكرفيها كده وهاتيجى ان شاء الله

*************


ربنا يبارك فيكى يا ستاذتنا هو ده الفهم الى انا حبه والى بقوله بالظبط
ه اهم نقطة
حضرتك كده لخصتى الموضوع تعليق من اجمل ما قرات
ربنا يبارك فيكى يا أستاذة

**********
اخى العزيز ضد الظلم
تقريبا هذه اول زيارة
وسعدت بها جدا
موقفك فى غاية الحسم والقوة احسدك عليها اخى الفاضل
ودمت

**********

استاذ بهلول

انت لازم تعمل مدونة ولا ايه
بس لو عملتها هاتقفل علينا كلنا يا باشا
كلامك مظبوط مية المية
بس السؤال برده
بتعمل كده ليه ؟؟؟؟؟؟؟؟؟؟؟
علامة استفهام قد الجبل الى بيعموله
ربنا يبارك فيك وماتقطعش الزيارة

**********

أستاذى الوطنى جدا وطنى

فعلا فيه حاجات اتقفلت وخلاص ومعرفو فيها رأي العلم والشرع خلاص
بسنعمل ايه فيه ناس عاوزة تعملها معركة وفيه ناس عاوزة تضحك علينا
مش هانسكت لا لده ولا لده
لان تقريبا هما واحد فى الناهية
ربنا يبارك فيك استاذى الفاضل

*********
مصطفى باشا
لنا اتفقنا انه مش مجال سياسى ده مجال طبى والدين متعلق بكل امور الحياة
نشوف رأي الطبيب فى كل حالة فردية ونشوف الراي ده هل يمسح بيه الشعر أم لا
لا جبر ولا فريضة ولا أي حاجة يا سيدى الفاضل
بس برده التركزي عليها غريب شويتين تلاتةاربعة خمسة صح ولا ايه
شكرا يا درش
*************
ماشى يا حاج ياسر
وكان الله فى عون أسر الاخوان والله