Tuesday, October 2, 2007

لا تسال من أنا .. انا أصلا حرامى

حالة تعذيب المواطن عصام رشاد عبد العزيز عوض
فى مركز النديم (للعلاج والتأهيل النفسي لضحايا العنف) كان موعدنا لمشاهدة فصل جديد من فصول المسرحية الهزلية التى يقوم ببطولتها مجموعة همج من رجال الشرطة ، و لمعرفة ما توصل إليه هؤلاء المجرمون من أساليب جديدة للظلم والقهر والاذلال وقمع المواطنون البسطاء كنوع جديد من الحرب النفسية التى يشنها النظام على شعبه توازيا مع حروبها المتعددة كعبارات الموت وقطارات النار والأطعمة المسرطنة وغيرها الكثير ، فكان هذا اللقاء مع السيد/ عصام رشاد عبد العزيز عوض، الذى وصل من الإسكندرية، وأخذ يروى ما حدث له فى حضور اثنين من المحامين التابعين للمركز وصحفى فى جريدة الأهلى وهو ممثل أيضا لمصريين ضد التعذيب، ونحن فريق عمل أبناء مصر

بدأ عصام رشاد حديثه قائلا" كنت جالس فى مكتبى فى الشركة التى أملتكها شركة الرشاد للاستيراد والتصدير وفى العاشرة مساءاً، فوجئت بخمس أشخاص يدخلون مكتبى، وأنا بمفردى أُنهى بعض الأعمال بعدانتهاء يوم العمل الرسمى ، وسألونى عن اسم شخص لا أعلم من هو، وعندما سألتهم من أنتم قالوا احنا مباحث، وطلبوا منى إبراز تحقيق الشخصية، ولكنى شككت بهم لأن اثنين منهم كانوا يرتدون جلاليب، فطلبت منهم ما يثبت أنهم ينتمون إلى المباحث، فردوا احنا الى بنسأل وانت الى تجاوب، فرفضت إعطائهم أي معلومات أو التكلم معهم، قبل أن يثبتوا انهم من المباحث فضربنى احدهم على رأسى بقوة، سقطت على أثرها على الأرض .. وقام آخر بقطع سلك التليفون وحاول ربطى به. ثم ضربونى بقسوة بأيديهم وأرجلهم، و لأنى مريض بتليف فى الكبد، فخشيت من أية ضربة تصيب الجانب الأيمن من جسدى فحاولت حمايته ما أستطعت، ثم فقدت الوعى من كثرة الضرب، واستيقظت لاجد اثنين منهم يهمون بتفتيش المكتب والبحث فى ادراجه وبعثرة أوراقه لأفاجأ بعد ذلك بسرقة 11.600جنيه، و سرقة بعض المستندات المهمة ، فقلت لهم، ان هذا يستلزم إذنا من النيابة ، فقاموا بضربى مجددا وقالوا " احنا مانعرفش الى بتقول عليه ده"، ثم دخلت على زوجتى وبناتى والجيران ووجدونى فى هذه الحالة، ومع تجمع الجيران واستيائهم من مشاهدتى والدماء تسيل منى وصراخ زوجتى وبناتى، وسؤالهم لهؤلاء الأفراد عن جرمى ، قام أحد المخبرين و اسمه عبد لله عبد الهادى باشهار مسدسه وتهديد الجيران ليفسحوا له الطريق، ثم سحلونى من مكتبى إلى الميكروباص التى توجهت إلى قسم الدخيلة، كل ذلك دون أن أعلم الجرم الذى ارتكبته، واستمر الضرب اثناء توجهنا إلى قسم الشرطة، ثم دخلنا على الظابط
، لأفاجئ به يقول احنا آسفين لست أنت المقصود ،
وخرجت من القسم وتوجهت إلى مستشفى العجمى العام، ورفضت المستشفى كتابة تقرير طبى عن حالتى، بعد ان علمت أن المتسبب فى الإصابات هم رجال الشرطة، فتوجهت المستشفى الميرى حيث قاموا بحجزى وبعد الفحص وجدوا أربع أضلع مكسورة من الناحية اليسرى، وكدمات فى أنحاء الجسد، وتجمع دموى تحت العين اليسرى، ، وان حالة العلاج تستدعى أكثر من 21 يوم ، وكان اخشى ما أخشاه فقع عينى اثناء ضربى وقامت إدارة المستشفى بإبلاغ قسم الشرطة، وحضر أمين الشرطة ويدعى وليد الطحان وقام بتحرير محضر أحوال رقم 9 بتاريخ 6/4/2007 ولم أوجه فى المحضر أي اتهام لأي فرد من الشرطة، لكى احصل على تقرير طبى ولا يتكرر ما حدث فى المستشفى الأخرى

ولكنى فوجئت بعد عودتى لشركتى بفقدان 11.600 جنيه مصرى كان موجود بمقر شركتى فى كيس بلاستيك بين المكتب والفاكس يوم الحادث، واختفاء مستندات مهمة ، وأخبرنى مخبر من القاطنين فى المنطقة عن أسماء أفراد الشرطة الذين داهموا مقر شركتى وفعلوا ما فعلوا بى وهم:
كرار جاد كرار وشهرته عبد الناصر، وشقيقه احمد جاد كرار وشخص آخر يدعى أشرف، واثنين من المخبرين بقسم الدخيلة هم عبد الله عبد الهادى والآخر سعيد سماحة. وهؤلاء الاثنين هم من كانوا يرتدون الجلباب ومن رأيتهم يفتشون مكتبى

ولذلك قررت القيام بتحرير محضر آخر برقم (4793 / 2007) بتاريخ 21/4/2007 يثبت واقعة الضرب وسرقة مبلغ 11.600 جنيه ومستندات أخرى، و ذلك بعد حصولى على تقرير المستشفى الميرى بالاصابات .
ولكن لا يمكن أن ننتظر الحُكم من الخصم، ولا ننتظر منه الانصاف، فقد قررت النيابة تحويلى للطب الشرعى بعد الحادثة بحوالى ثلاثة أشهر ، وصدر تقريرالطب الشرعى بتاريخ 13/7/2007، وجاء التقرير برقم (60 الدخيلة / 2007) متوافق مع تقرير المستشفى الميرى، ومصدق عليه، رغم بعد المدة واختفاء آثار الضرب والاعتداء ،وقد حصلت على وعود من رجال المباحث وخاصة العميد ناصر البعد، حيث وعد بالقصاص ومعاقبة الجناة ورد أموالى ، بشرط عدم نشر ما حدث ، ولكن ذهبت الوعود ادارج الرياح فهذه الأيام الرياح تحمل معها كل معانى العدل والمساواة والأخلاق والرحمة ولا تبقى منها شيئا، وتبقى فقط ع الظلم والقهر والقمع والجور أيضا.

حوار الجيزاوى ... تصوير وكتابة التقرير منذر .. راجع التقرير سارة

18 comments:

صاحب البوابــة said...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

ابن رشد said...

اية الجمال دة يا منذر و الاخبار اللذيذة دي
اية يا منذر عايزين نعمل حاجة للبيتعذبوا كل يوم دول
المهم ابقى عدي عندي انا عامل دعوة لحاجات كتير اوي

محمد عبد الرحمن said...

مواطن شريف يضرب ويهان ويسحل وهو ليس المقصود وحتى لو كان المقصود أليس هناك قانون فى البلد أم أنها الغابة وقانونها الوحشى

حسبى الله ونعم الوكيل

انـتــصار عــبـد الــمـنـعـم said...

المصيبة يا منذر أن المخبرين
أصبح لهم سلطة كالظابط
منتفشين
ومرتشين
لا تذهب لقسم شرطة لعمل شئ إلا وتجدهم
الشحاذة في دمهم
قلة الدين والأصل
هي من شروط تعيينهم
ينفذون القانون لمن يدفع لهم
بل ويخترعون له قانونا خاصا
لك كل تحية وتقدير بمجهودك الرائع وكل الفريق
وما زلت أدعو لك
بفرصة عمل في
قناة فضائية
آآآآميييين

واحد مصرى said...

الله اكبر.....ينضرب و يتهان و بعدين يتسرق.....احنا ليه وا نولعش في ولاد ال...دول أحياء بدل ما احنا عمالين نمصمص في شفايفنا و نحوقل....

اسامة يس said...

كم الف معتقل في مصر ... يعذبون ويسحلون ... كم الف حر مأسور ومقهور ... ان هذه الانظمة الاستبدادية البوليسية هي الوسيلة الوحيدة لحماية هذا النظام الاعوج ... ولا تحسبن الله غافلا عم يعمل الظالمون"انما يؤخرهم ليوم تشخص فيه الابصار..
صدق الله العظيم

محمد مارو said...

ايه ده يا عم ؟
ايه اللى انت بتقوله و كتبه ده ؟
ده طبعا افترى و ظلم
انا مش معاك خالص
احنا معندناش الكلام ده ابدا
انا كنت الاول بصدق الكلام ده
لحد اما شوفت مسلسل قضيه راى عام
و بعد ما شفت ازاى المظلوم الجهاز و النظام كله بيقف معاه
حتى لو كان الظالم وزير
او اقول لك
ده اللى اتمنى انى اشوف مصر عليه

Anonymous said...

ربنا يحافظ عليك يامنذر من المواضيع الي بتكتبها دي
خاصة انك مش معاك اي سلطة كتابية زي الصحافة
يحبيبي خلي بالك احنا ف غابة محدش بيرحم

mahmoud said...

يمارو انتا صدقت الي بيحصل ف راي عام
يعمنا دي وسعت شويتين منهم
الوزير يمان كان ممكن انه يبطط الموضوع من المباحث بس
المخرج عايز كده

Anonymous said...

بسم الله
منذر
ممكن أطلب إني أنضم لأبناء مصر
و إن شاء الله ربنا يقوينا ويعينا
على الابتلاءات دي
أشكرك أخي الفاضل
منى

Monzer said...

أختى الفاضلة منى

معلش تعليق خارج ع الموضوع
بس بخصوص رغبتك للانضمام لابناء مصر

لم أجد ميل ليكى على البروفايل

أقدر أبعتلك عليه الميل علشان تنضمى لابناء مصر

ع العموم ميل السايت هو
webmaster@abna2masr.com
ياريت تبعتى عليه ميل طلب انضمام
وتتركى فيه ميلك نقدر منخلاله نتواصل بيه معاكى
ونعمل ميتنج اون لاين فى اقرب وقت
تتعرفى فيه على السايت وأقسامه
وايه القسم الى تحبى تشتركى فيهاأو تشتغلى فيه، وكمان تتعرفى على باقى الأعضاء ونتعرف عليكى

وده ميلى
hapasat@hotmail.com

وسعداء بيكى فى أي وقت، وفى اسرع وقت
تحياتى

ومتاح لاي أحد من الاخوة الأفاضل لكي ينضم معنا

مدونه يلا نفضحهم said...

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان
بالإشتراك مع ....
تجمع المدونين الطامحين في وطن عربي بدون سجين رأي واحد و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر

موعدنا : الجمعة 19 / 10

الساعه 5 بنادي المحامين بجليم كورنيش النيل الاسكندرية

ارسلها للمدونات عندك

مصطفى محمود said...

اية يا واد الشغل دة ...هو الشغل اليوميين دول تعذيب وكدة .. متتكلموا شوية عن العمال يا جدعان !!!!!!


(الله ينور ياباشا )

Anonymous said...

انسى يا منذر ، محاكمات ، مقالات ،مظاهرات، مفيش حاجه بتحوق فيهم ومسلسل التعذيب ده مش باين له اخر
كل سنه وانت طيب

عصفور اسكندرية said...

تم تغيير الميعاد
لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

اعلن عنا في مدونتك

مدونه يلا نفضحهم

Anonymous said...

الاخ الكريم الاستاذ منذر يارب اعرف اوصلك التعليق علي بلوجر ..مش عارف الواحد هيتعلم امتي ..المهم انا بعتذرلك عن التقصير في الرساله المطلسمه ومعرفش ايه السبب اللي خلاها كده المهم انشاء الله قريب جدا هبعتلك عمل ليا او لحد غيري واكرر اعتذاري لك ولابناء مصر
مع خالص محبتي
علي ابراهيم

احمد الجيزاوى said...

10 على
10
يا لوز
الجيزاوى

جمعاوى said...

ايه يا منذر
إنت مش عارف ولأ ايه ؟

دى بقت عزبة أبوووهم

حسبنا الله