Friday, March 7, 2008

ستاير


قفلت بابك بالستاير


ع الى داخل والى خارج


والمخارج والمعابر


والبيبان دى حيطة سدة


بالمدافع والخناجر


فى وجه غزة


ده وضع فاجر


م اللمامة م الحثالة


اليهود ... الصهاينة


ده حيطة قايلة للسقوط


ده عمارة قايلة للهبوط


فوق الأكابر


والعدو فى نفسه شر


واخوانا قاعدين فى الحر


غرام وهيام


فى العدو المكابر


والحبيب والصديق


والمصلح والأديب


فى السجون والعنابر


والدنيا رايقة للسياحة


مصر ليهم استراحة


جواسيس وليلة


زنا وأباحة


فى مصر الجثارة


قوى وإثارة


وملهى ليلى


فى حته ضلمة


وبلاها فلاحة


فى وش غزة


ده تبقى عزة


ده كفر وتناحة


من الغبى التيس


الى عاملى رئيس


ومخه عاوزله جراحه


يبطله ده التناحة


يفكره بالأصالة


والوطن الرسالة


بالعافية أو بالراحة

11 comments:

د/اجدع بنوته said...

ده وضع فاجر

تسلم ايدك

سارة said...

ده كفر وتناحة
من الغبى التيس
الى عاملى رئيس
ومخه عاوزله جراحه
يبطله ده التناحة
يفكره بالأصالة
والوطن الرسالة
بالعافية أو بالراحة


ههههههههههههههه

جامدة يا منذر

هى ده الحقيقة

جبت من الاخر

بالتوفيق ياباشا
ونورت مدونتك تااااااانى

مـحـمـد مـفـيـد said...

الله عليك
هو ده منذر
بجد جامده جدا

Unknown said...

ايه الغياب ده كلو
منور المدونه بكلامك الجميل

تحياتي

No Fear said...

السلام عليكم
أنا فاتح الصفحة بقالي حوالي عشر دقايق مش عارف أعلق أقول أية؟

عصفور المدينة said...

أعجز كثيرا في التعليق على كلام جميل ينعي وضعا قبيحا

لكني أعلم جيدا أنني أشتاق إليك وسعيد بالاطمئنان عليك أخي الحبيب

اسامة يس said...

صدقت واجدت وعبرت عن ما تكن به صدورنا ...
وصدق مظفر نواب حين صرخ فيهم
( الحكام العرب)..
لست خجولا حين اصارحكم بحقيقتكم .. ان حظيرة خنزير اطهر من اطهركم..
دمت بكل ود..
خالص تحياتي...

احمد الجيزاوى said...

اولا انا مصدقتش نفسى لمه لقيتك رجعت تدون تانى وكمان سيب التعليقات
الحمد الله وحمد الله على السلامه يا ريس
والف مبروك على المدونين حباطه الوز الوز اوى
احمد الجيزاوى

موناليزا said...

حلوة جدا

Anonymous said...

رااااااائع

قبلة الحياة said...

اخي الفاضل

وتفتكر جراحة المخ هتجيب نتيجة ؟؟

ربنا يرحمنا برحمته ويفك كرب اهل غزة وكروب المسلمين جميعا

تسلم ايديك اخي الفاضل