Saturday, March 31, 2007

عم راضى وام محمد ... وام سامح والحاج فاروق


ايه يا حاج فاروق ... مش لازم قاضى ع الصندوق
ياعم راضى .... مازنوق قوى فى قاضى
روح بص لبنك فادى ... الى بقى عاطل وفاضى
وصحصح كده معانه وفوق وروق
الى حصل ده شيئ عادى
ماتبصش على واحد قعدوه على الخزوق
ووفر على نفسك الصويت وبالحاكم نادى
وكفاية عليك التمر وماتحلمش تانى بالبرقوق
مالك يا حاج فاروق بالدستور
هو انت على العوئ هاتسوق
وقضى أيامك وانت هادى
هاتقولى بص ع القطر المحروق
ولا على الأخ المشنوق
ولا هاترغى كتير قصادى
هوانت فاكرنى زيك فاضى
ده أنا الحاكم العسكرى الى فوق
ياعينى يا عليك يا عم راضى
وربنا يسترها عليك يا حاج فاروق
* * *
مالك انت يا أم محمد بالسياسة
ولا انت يا أم سامح الابنتخابات
خلى عندكم بأه حساسة
ده انتو أمهات ... وتحت رجليكم جنات
وبطلوا ... غلاسة
وبلاش معانا شغل الحموات
وخليكم فى ... البطاطة
أو اتفرجوا على الأرجوزات
ده انتو شبه ستى اطاطة
هاتيجوا انتو ايه جنب الريسات
كبروا بأه دماغكم ... بلاش عباطة
وافتكروا الى سبقكم ... ومات
وخليكم فى بيتكم وولادكم
ده ضحك عليكم الى قاللكم انكم ستات
* * *
وانت ياض يا محمد
وتعالى كمان يالا يا سامح
قلت ايه لفاروق خليته يبقى جامح
وباسأل ايه الى خلى راضى أصبح ناصح
ولا امك الغلبانة ... ايه الى خلاها بالسياسة غرمانة
ولا التانية الكتيانة ... ايه نسيت زمن الأروانة
انت عملى ثورى انت وهو
ولا عاوز تجنن وتعيش
خش ياض على بيتكم جوه
ولا الفراخ طلعلها ريش
ده والله هاتبقى نوه
من السلوم للعريش
دول ناس ماعندهاش نخوه
جه الزمان الى يحكمنا فيه شاويش
جه زمان الضرب والاهانة والتلطيش
جه زمان العسكرى والشاويش

4 comments:

intissar abdulmonaem said...

والله يااستاذ منذر كلامك بيوجع
بس لابد تحترم شوية العسكري مثل الضابط أبو دبورة وموبايل بلو توث
ولا الحكاية
ناس فوق وناس تحت

monzer said...

لا أنا مابيهمنيش حاجة آه ولا بباخاف ولا بختشى
كلام سرك معايا واسطة من أومباشا
ههههههههههه
شكرا على مرورك الكريم وياريت ماتنقطعش

intissar abdulmoneam said...

والله فرحتني يمكن الواسطة اللي معاك تنفعني في موضوع الكادر المتفشي هذه الأيام مثل الحصبة الألماني

hapasa said...

وعلى فكرة أنا عملت بنصيحتك بخصوص الضابط أبو دبورة، حتى اقرئى آخرى بوست أي خدمة
وعلى موضوع الكادر المدرسين محتاجين واسطة من مين من مين والله ماعارف أقول من مين بس خليها تبقى واسطتنا ربنا أحسن
الحاصبة الألمانى والسل تضاف إلى باقى قائمة الأمراض المتوطنة المصرية انفلونزا الطيور الفشل الكلوى الكبد أمراض الصدر والربو بس ده الجديد فيه تقدم يعنى
منذر