Monday, July 23, 2007

خواطر عن المدون خانة

عاوز أشكر ابن ناصر لانه ساعدنى فى عمايل البلوج ، وعرفنى حاجات كتير ماكنتش اعرفها جزاه الله كل خير
واشكر أيضا تامر لان الموقع كان عليه سبام وهو الى حل المشكلة ده
لان الاسبام كان سبب التأخير

المدون خانة
فى نقط تحت بعض كده


ميثاق شرف أخلاقى يجمع المدونين، ويؤكد دفاعنا عن حرية التعبير من خلال هذا الميثاق


الباب مفتوح لكل المدونين من كافة التيارات الفكرية لا توجد شروط فى ذلك

المدونة لا تسب الأديان طبعا، ولا تكون مثلية ولا تتكلم عن الجنس بشكل فاحش، وتكون نظيفة وسنبين السبب لماذا يجب ان تكون نظيفة

عمل سايت وهو فى قيد الإنشاء تدعمه مجموعة من المشرفين سواء كانوا مصممين او مبرمجين وفرق العمل المختلفة التى ستقوم بتغطية القضايا المختلفة ورفعها على السايت الخاص بالرابطة، وطبعا المدونة الشخصية لكل عضو

الحفاظ على حقوق الملكية الفكرية، والعمل بكل الوسائل اللازمة لتبيان الحقيقة او السرقة الفكرية

مقدمة

التدوين ممكن ان يكون تدوين شخصى عبارة عن مذكرات شخصية، كنت تكتبها فى ورق وتخفيه فى غيابات الأدراج خوفا من آن يضطلع عليه بشر ، ولكن الآن بإرادتك الحرة نطلع عليه ونبدى رأينا فيه ، وممكن دون أن نعلم شخصيتك الحقيقة أو حتى اسمك الحقيقى

التدوين عبارة عن موهبة لديك تريد عرضها وتكون إما مقالا او قصة قصرة او رواية شعر او زجل، تعرضه علينا ونبدى رأينا فيه ونتناقش ونتحاور

التدوين ممكن ان يكون عبارة عن أراء شخصية وقناعات شخصية لديك فى الحياة، ووجدت فى التدوين منبرا متسعا تعرض فيه أفكارك المختلفة وقناعاتك هذه

التدوين ممكن ان يتحول إلى صحافة شعبية، فبما انك تمتلك كاميرا فى الموبايل او كاميرا ديجاتل فى جيبك، فانت أصبحت أخطر صحفى عرفه التاريخ، فممكن ان تنقل إلينا ما يحدث سابع أرض او سابع سما، وممكن ان تنقل إلينا ملاحظات دقيقة جدا جدا لا يلقى لها بالا صحفيين وحقوقين كثر، لانك وبمحض الصدفة تتواجد فى المكان والزمان المناسبين، قد لا ينال صحفى ينتمى إلى وكالة أنباء عالمية أن يتواجد فى نفس المكان او الزمان الذى تواجدت فيه، فانت صحفى فى بيتك فى عملك فى الشارع فى المواصلات مع أصدقائك

السؤال هنا هل ممكن ان نطلق على كل هؤلاء كلمة مدون ؟ أم أنه حكر على فئة الصحفيين الإلكترونيين المهتمين بالشان العام، او لزاما عليهم ان تكون مدوناتهم مدونة سياسية حتى نقبلهم مدونين، فى رأيى الشخصى الكل مدون، كل هؤلاء مدونون

هنا نجد سؤال سؤال آخر ما الداعى لوجود رابطة او ميثاق او أي شيئ من هذا القبيل يجمع بين الأنواع المختلفة التى قمت بسردها ؟ أو التى لم أقم بسردها؟

وياتى بنا هذا السؤال إلى موضوع المدون خانة مباشرة

فى بداية طريقى لعمل مدونة ذهبت على بعض المدونات االتى سبقت فى هذا المجال، وجدت أنها فعلا مدونات قوية لا أنكر ذلك إطلاقا، ولكن تناولها للقضايا يكون باستخدام ألفاظ بذيئة وسوقية لا نسمعها إلا فى الشارع ونستحى منها ونخشى منها على آذاننا وآذان بناتنا واخواتنا، وهذا ما تريد ان تغيره المدون خانة، وكان ممكن أنا أفتن بهذه الطريقة او أن أتخذها سبيلا، وبرده عاوزين الى يدخل التدوين جديد لا يفتن بهذه المدونات، يلاقى برده مدونات طيبة محترمة، تحقق المعادلة الصعبة صحافة شعبية قوية من خلال تدوين نظيف

ياتى من يسأل أن الألفاظ نسبية فما هو بذيئ بالنسبة إليك ليس ببذيئ بالنسبة إلي؟

أرد وأقول، هناك ميزان، وهو إذا كنت تستطيع ترديد هذه الكلمة امام امك وأبوك واستاذك الجامعى ومديرك وحماك وتحب أن ترى أبنائك يرددوها، وترددها فى بيتك فى عملك فى دور عبادتك إذا كانت الإجابة بلا فهذه الكلمة بذيئة خبيثة وإذا كانت بنعم فهذه الكلمة ليست ببذيئة وطيبة

سؤال آخر يوجد بانارات وصور تنبه على ان هذه المدونة مدونة نظيفة والكل التزم بذلك، فما الداعى من وجود ميثاق ؟

أن الميثاق لن يكون عبارة عن بانر يوضع فى صدر المدونة وفقط، ولكن سيذهب بالتناول من مرحلة الألفاظ البذيئة إلى الألفاظ المحترمة إلى الموضوعية فى التناول والحيادية وعدم العصبية، حتى يتم تغير نظرة المجتمع إلى المدونين أنهم سبابون شتامون بالحق أو بالباطل

وكمان فيه حاجة إذا ما أردنا أن نحوز على إحترام النظام أو الخصم فى معركة التغيير، فلن يكون بالسباب والشتم، ولا يجب أن نكون أمامه كمجموعة من سليطى الألسن

وليس معنى هذا أننا سننزوى ونحلل من بعيد كمثقفين بعيدين عن الشارع، لا ، ولكننا سنكتب فى كل الموضوعات ، وسنتكلم فى جميع المحاور والقضايا، وسننزل إلى الشارع ونقوم بعمل التغطيات المناسبة ولنا منبر مناسب وهو سايت يجمعنا كلنا، وفرق عمل كثيرة توزع نفسها ستقوم بتغطية ميدانية متى استطاعت فى أي مكان فى الجمهورية ان شاء الله، ولكن الذى سنختلف فيه عن المدونات البذيئة هو التناول فلن نستخدم ألفاظ بذيئة او فاحشة ولن نخوض فى الأعراض ولن نتكلم عن الجنس بشكل فاحش، الاختلاف فى وجهات النظر سيكون فى حدود آداب لحوار، لأننا من جميع التيارات السياسية ، ولذلك لزاما علينا احترام وجهات النظر الأخرى

اخيرا فى هذه النقطة لنه ليس هناك من داعى اللجوء إلى السب والشتم فنحن نريد تغيير الشارع، ولن نغيره بالطبع باستخدام نفس الأسلوب فإذا كنا نسمع هذه الألفاظ فى الشارع، فهذا ليس بمبرر لسماعها فى البيت والعمل ودار العبادة وقراءتها فى جريدة وسماعها فى الراديو وسماعها فى التليفزيون والسينما وحتى كمان الإنترنت والمدونات، لو تعبنا نفسنا شوية اكيد هنلاقى بديل عن الكلمات البذيئة توصل فكرة دون لبس

امر آخر تقوم به المدون خانة، وهو الدفاع عن أي مدون يتم اعتقاله

وسوف يسال سائل ويقول اننا دافعنا عن منعم ولم نعرفه والشرقاوى ولم نعرفه ومعتز والجيزواى أيضا ، وقامت حملات ضخمة لكل منهما ، ما الجديد التى سوف تقدمه المدون خانة؟

الجديد الذى سوف تقدمه المدون خانة للعضو الذى يحدث له مثل هذا الظرف، كما أسلفت انه سوف يطكون من ضمن فرق العمل فريق التقنين المحترفين فى مجال الفوتوشوب سوف تقومهذه الفرق بعمل البانارات المختلفة سريعا وتكويدها وإرسالها لجميع المدونات، وفرق عمل آخر يقوم بالتعريف بالمدون ، وفى مجال التحرك العملى الجدى سوف يوجد لدى الأعضاء المؤسسين البيانات الحقيقة للمدون من اسم وعنوان ورقم تليفون وطبعا ده سرية، وسوف نقوم بعمل توكيلات لمحامين لجميع الأعضاء فبذلك يكون تحركنا فى كل الاتجاهات

الجديد بتاع المدون خانة، خلق علاقة صداقة حقيقية بين المدونين الأعضاء، فكل مدون هايعرف المدون زميله معرفة حقيقة وسوف تكون هناك لقاءات دورية شخصية، وجها لوجه

المدونات الوحيدة، الى مش موجودة فى الرابطة هي مدونات الشواذ، والذين يسبون الاديان طبعا لا يمكن ان يوافق أحد على سب أي دين، ولا أفساد عقيدة أيمؤمنمن أي ديانة

اما مدونات الشواذ
هما ليهم عندنا النصيحة، فى كتير من المدونين حاولوا ينصحوهم ويتحاوروا معهم ويقولولهم ليكم الحق فى الحياة وليس لكم الحق فى تكريس هذه الحياة كواقع على المواطنين الطبيعيين، لكم علينا أيضا العلاج، ولكنهم يرفضون فكرة العلاج أو انهم مرضى يحتاجون لعلاج، هم يريدون أن نقبلهم كماهم ونحن نرفض ذلك، لأنهم بكل بساطة يريدون أن تشيع الفاحشة فى الأرض وتغير سنة الله التى أرادها لعباده، واعتقد ان هذه الأسباب تكفى

الرابطة ليس لها الحق فى التدخل فى المدونة الشخصية لأي عضو سواء بالحذف او الإضافة أو التعديل أو أي شكل من أشكال التدخل

الباب مفتوح لأي مدون يريد الإنضمام ومن أي تيار سياسى، بشرط احترام الآخر

فالاخوانى عليه احترام الناصرى والعكس بالتأكيد

واليسارى عليه احترام الليبرالى والعكس بالتاكيد صحيح

اختلاف وليس خلاف

نختلف ولكن نلتزم بآداب الحوار


وهذه هي خلاصة الرابطة

الوصول إلى الفهم الحقيقى لآداب الحوار

وكل هذه أفكار مطروحة ليست قيد التنفيذ
لمزيد من الاقتراحات عندكم مدونة علاء وهذه المدونة
أو ممكن تبعتوا لعلاءعلى ميله

alaa.eg@gmail.com
أو الأوقع اننا نسمع اقتراحاتكم وجها لوجه يوم السبت الموافق 28/7/2007 الساعة 6 مساءا فى مركز الدراسات العربى العنوان 23 شارع باهر زغلول من شارع المنيل وتفاصيل اللقاء فى مدونة الجيزاوى وسيحضر كل اعضاء المدون خانة والمهتمين بهذا الشان وسيتم الاتفاق على كل التفاصيل

20 comments:

احمد الجيزاوى said...

جزاك الله كل خير اخى منذر
وانا حبب اعتذرك على الموقف البايخ بتاع النهرضه
بس متزعلش منى
ومستنيك ن شاء الله يوم السبت
احمد الجيزاوى

Monzer said...

يا أبو حميد
ربنا يخلك ويجيك خيرا منه
واحنا اخوات مافيش بنا اعزار
ان شاء الله يوم السبت
تحياتى يا جميل

ahmed mefrh said...

الى الامام يا شباب

مشروع انسان said...

ايه ده الجيزاوى كمان مجاش
طيب معلش والله بجد جالنا واحد قريبنا ممشيش الا 11.30 اسف جدا
منذر افندى ومكنش فيه غيرى يقعد معاه ويلففه على العيلة كمان
وهنزل بوست النهاردة عن المدون بس عايزين ننتشر فى مدونات الناس بالاعلان عن يوم السبت من خلال التعليقات
انتشرووووووووووووووووا

بن توفيق said...

معاكم ان شاء الله


وهشوفكم يوم السبت باذن الله

ibn nasser - ابن ناصر said...

لا شكر علي واجب
ان لم افعل لصديقي سأفعل لمين؟
ارجو منك زيارة مدونتي الثانية ثائر


تحياتي

عصفور المدينة said...

جزاكم الله خيرا وأيدكم الله
أدعوك أخي لكتابة مزيد من الإيضاح لتعليقك عندي

أحسن الله إليك

عصفور المدينة said...

جزاك الله خيرا
وربن يوفقك يا أخي

غمض عينيك said...

جزاك الله كل خير بجد عن التوضيح الشامل ده
انا فعلا كنت متشوق جدا اني اعرف بالظبط ايه هي المدون خانة وحاول قدر الامكان اكون موجود ان شاء الله

تحياتي
محمد سمير

Anonymous said...

احنا لو فهمنا فعلا يعنى ايه اداب الحوار حاجات كتييييير أوى حتتغير، أتمنى أنكم تحولوا الكلام ده لفعل وفعل قوى جدا

بس هو أنا ليه حاسة إن أنتم شباب بس هو ما فيش بنات ولا ايه؟؟؟

مشروع انسان said...

يا عم منذر ممكن تعرفنى على اوف لاين فى الياهو مين اللى متاكدين انه جاى لان العملية شكلها متريحش كده مش عارف كل الناس بتهنى وتبارك شكل محدش جاى ارجوك بس متتاخرش مستنى رسالة النهاردة ضرورى قولى من المؤكد انه جاى وعلاء مبيعلنش ليه عنده مش فاهم مستنى ايه ما خلاص يا اخوانا اليوم قرب

Anonymous said...

العزيز منذر

أكيد أى فكرة جادة ومحترمة هتنال إعجابى، وإن شاء الله ححاول أكون موجودة

بعدين يا فندم أنت تعلق داخل أو خارج الموضوع زى ما يعجبك ، المدونة مدونتك يعنى، ما فيش داعى للاسف

Anonymous said...

جميل طرحك جدا وذوقك فى شكر كل من ساعدك فى بلورة شكل مدونتك ومسح ما عاقها
وطرحك بخصوص المدونات وانواعها روعه لابد ان يعى كل مدون هذا الكلام
اتمنى ان تتفضل بزيارة مدونة الكاتب الروائى علاء الاسوانى وقراءة قصصه القصيرة واخرها قصه إنا أغشيناهم والتعليق عليها وهذا عنوان مدونته www.maktoobblog.com/alaaalaswany
وتقبل شكرى وتقديرى .

Anonymous said...

ممتاز يامنذر شىء جميل
انشاء الله نحاول نحضر واحيطك علما اننى تراجعت عن رحله اسماعليه نظرا لظروف خارجه عن اراداتى

Monzer said...

أخى أبو مفراح
إلى الامام وانت معانا بالله عليك
عاوزينكم كلكم معانا
مش هانقدر نعمل حاجة لوحدينا
وياريت تقولى ايه رايك واقتراحات ونتناقش كده
جزاكم الله كل خير

**********

شفت باه يا إمامنا ابدست لوحدى
تحياتى ليكم ومردودة ان شاء الله :))



*************

حبيبى يا إسلام يا خطير

انت كده مية مية

Monzer said...

ابن ناصر الغالى

ربنا يخيلك على زوقك

وبجد سعدت جداباختيارك لكلماتى المتواضعة جدا
جزاكم الله كل خير


*************

أستاذى الغالى عصفور المدوينة
آسف أولا على أي لبس

وكما قلت فى مدونت سيادتك لا يمكن ان يتهكم التلميذ على الأستاذ


وياريت تقولى رايك فى الموضوع
لأان حضرتك هاتكون ركيزة أساسيةفى اي شيئ
او حتى نستفيد من مآخذك
وجزاكم الله كل خير

*************

الباشمهنس الكبير

بجدت سعدت بتفاعلك وحماسك

ولو محتاج اي معلومات زيادة أنا فى الخدمة
جزاكم الله كل خير

Monzer said...

إمامنا إمام الجيل

المدوين الى جايين انا عارفهم وجايين ان شاء الله
طبعا مني يهنى جزاه الله كل خير
ولكن بجد محتاجين نقاش

عاوزين اقتراحات

**********

الغلية بحبك يا مصر

طب جميل ان حضرتك موافقة على الموضوع، وهاتششاركى معانا ده جميل جدا


**********

أستاذة نيفين
الحمد لله ان الطرح نال إعجابك
لكن ياريت فعلا، تقولولى انك هاتنضمى معانا ان شاء الله

*******

طبعا يا عمر انت معانا
ربنا يقويك على مشاغلك يا جميل

Anonymous said...

اتمنى ان تتفضل بزيارة مدونة الكاتب الروائى علاء الاسوانى وقراءة قصصه القصيرة واخرها قصه إنا أغشيناهم والتعليق عليها وهذا عنوان مدونته www.maktoobblog.com/alaaalaswany
وتقبل شكرى وتقديرى .

دعوة الفردوس said...

حلوه أوي الملاحظات دي و أزالت لبس وغموض الفكرة اللي كنت
بعاني منه حبتين
بس بالنسبه للقاءكوا يوم السبت
مش هينفع كل الناس تكون موجوده
عايزين تغطيه بقى الله يكرمكوا وتغطيه كامله وشامله
رجاءا

محمد عبد الرحمن said...

السلام عليكم
أخى منذر بارك الله فيك
أرجوك تبلغ سلامى للجميع فى لقاء الغد ولظروف أنى أعيش خارج الوطن العزيز أعتذر عن الحضور فى لقاء المدون خانة وأشكر لك مرورك بمدونتى المبتدأة
أسأل الله العلى القدير التوفيق لكل من يقدم أويحاول لأجل رفعة مصر وحرية أبنائها