Friday, September 28, 2007

محتلة والله محتلة


انتظروا تغيطة احداث مظاهرة طلعت حرب صور وفيديو وتقرير كتابى على أبناء مصر


قامت قوات شرطة الاحتلال المصرية مدعومة بجحافل الأمن المركزى وفرق ومليشيات الكاراتيه باحتلال ميدان طلعت حرب، وحصر المتظاهرين فى شرفات حزب الغد، وهذا وقد أعلن مسئول أمنى تخين المستوى فى وزارة البلطجية، عن نية الوزارة إلقاء المتظاهرين من شرفات هذا الحزب، لسرعة وصولهم إلى منازلهم، وأعرب أيضا عن تخصيص سيارات مجهزة لنقل المتظاهرين إلى مكان آمن قد جهز خصيصا لراحتهم فى التجمع الخامس


ولكن يبدوا أن المتظاهرين آثروا الشقاء والتعب على أنفسهم، فذهبوا إلى سلالم نقابة الصحفيين، وأخذوا يرددون هتافات وشعارات التضامن مع عمال المحلة، والتضامن مع الصحفيين، وكل ذلك بتواجد كثيف من البلطجية، حيث تم حصارهم والتضييق عليهم، هذا وقد أخذ البلطجية بمبدأ دخول الحمام مش زي خروجه، فمن شاء فليدخل بس يبقى يدور على حد يخرجه، حيث سمح لأي فرد بالدخول ولكن إذا أراد هذا الفرد ان يخرج فعليه أن يغادر بعد منتصف الليل، وبرر ذلك نفس المسئول قائلا ان الوزارة كانت قد عزمت على إقامة سحور جماعى فى سابقة الأولى من نوعها يجمع بين البلطجية والمتظاهرين حيث سيأكل المتظاهرين أطعم وأشهى المأكولات التى عملت خصيصا من أيدى وأرجل البلطجية، ثم أردف قائلا، انه إذا ما سمح للمتظاهرين بمغادرة المكان باكرا سينامون عن صلاة الفجر، ولن يؤدوا هذه الفريضة، ونحن حريصون كل الحرص على إقامة الفرائض وعلى عدم تفويتها على المتظاهرين


من أمام نقابة المسحولين
محدثكم حباصة المنذر
قناة الهس بس هس
العاهرة

13 comments:

david santos said...

Today nobody if can forget:

جمال عبد الناصر,

15/1/1918/ - 28/9/1970

The Great, Gamal Abdel Nasser

ابن رشد said...

الله ينور يا منذر ايوة كدة هو دة الشغل
بس فين التغطية

سكوت هنصوت said...

سلمت يمينك يا منذر

يشرفني اني اعرفك

حقيقي يشرفني

Ahmed Al-Sabbagh said...

هههههههه
على فكرة انا شغلى قريب من نقابة المسحولين آآ قصدى من ميدان طلعت حرب وبشوف كل اللى انت حكيت عنه ده
بس تصدق فكرة جميلة اوى بتاعة السحور الجماعى دى
طب ايه رأيك نعممها
وتبقى سحور جماعى مشترك بين الحكومة والشعب بنفس الفكرة
وانت فاهمنى بقى
هههههههههههههه

حزيــــــــــــــــــن said...

طب يبنى استنى لما تتجوز وبعدين رووح المظاهرات
حتى عشان مراتك تقعد تدعيلك لو اتقبض عليك
ربنا يستر عليكى يا مصر

بص بقى فى حمله لازم تشارك فيها وتشرها وياريت على ابناء مصر وتخلى كل الناس اللى تعرفهم ينشروها
انا هسيبلك تفاصيل الحمله هتلاقيها بصيغة التأنيث عشان الكلام عامله كوبى


سوف اقوم بعمل حمله على المدونات عن العفه ارجو ان تشاركى فيها معنا باسلوبك الخاص

والحمله دى لسببين
الاول
ردا على حملة بعض المثليين للتفاعل على المدونات لغير المثلين والهجوم عيهم ودعوتهم الى الاعتراف بالمثليه واتهام الله عز وجل بانه خلقهم هكذا وان المثليه امر طبيعى

السبب الثانى
استغلال حالة الايمانيات العاليه فى رمضان لدفع الناس الى الشعو بفضائل العفه

طبعا بالحسنى والموعظة الحسنه

ارجوك حضرى تفاعلك وخواطرك عن العفه وجهزيها لحين انطلاق الحمله بعد يومين وساهمى فى نشرها جزاك الله خيرا

mohammed alsha3r said...

كنت فين ياعم منذر كنا عاوزين نسلم عليك
اخوك الشاعر
والشعر يحلو فى فمه

Desert cat said...

طيب حمد الله على سلامتكو يا رجاله
والحمد لله المظاهره أتت بثمارها
وعمال المحلة اضرابهم اتى بثماره
واتحقق مطلبهم
وان شاء الله ربنا مع الصحفيين يقويهم وينصرهم

غمض عينيك said...

انت قلتها ياباشا

محتله والله محتلة

Anonymous said...

اهلا بك منذر
انا شايفه ان موقعكم بسم الله ماشاء الله روعه ومليان
فقلت ااخر قصتى شويه لان هناك اخبار ووقائع غطتوها اهم بكتير من قصه لى
ولكن لماذا شلتم الاعلان عن قصص د/ علاء الاسوانى من الموقع ؟؟

nour el 3ozamaa said...

شغل تمام يا حاج

انا لسه عامل اول بوست علي مدونتي ادعوك لزيارتها
www.al3ozamaa.blogspot.com

شكرا

محمود الششتاوي said...

بقى مستخبي ورا الورقة في المظاهرة يامنذر
انا كنت فاكرك مستخبي اتاريك بتحضر للنشرة

بس ايه رأيك في الصورة بتاعتك معبرة

سارة said...

فعلا محتلة يامنذر

من الشرق للغرب والشمال للجنوب

كان نفسى احضر بس للاسف كنت فى مشوار للمحلة

عارف ربنا مش حرمنى من حاجة

رحت لقيت امن مركزى وتفتيش والبلد مقفولة ومطافى واسعاف

بس زياده كان فى اعتصام وستات ورجالة واطفال بس جدعان اوى بجد

يلا ربنا يحررها
لما احنا نتحرر الاول من جوانا

شغلك حلو اوى يا منذر بجد

مواطن زهقان said...

شغل عالى يامنذر الله ينور