عم راضى وام محمد ... وام سامح والحاج فاروق

ايه يا حاج فاروق ... مش لازم قاضى ع الصندوق
ياعم راضى .... مازنوق قوى فى قاضى
روح بص لبنك فادى ... الى بقى عاطل وفاضى
وصحصح كده معانه وفوق وروق
الى حصل ده شيئ عادى
ماتبصش على واحد قعدوه على الخزوق
ووفر على نفسك الصويت وبالحاكم نادى
وكفاية عليك التمر وماتحلمش تانى بالبرقوق
مالك يا حاج فاروق بالدستور
هو انت على العوئ هاتسوق
وقضى أيامك وانت هادى
هاتقولى بص ع القطر المحروق
ولا على الأخ المشنوق
ولا هاترغى كتير قصادى
هوانت فاكرنى زيك فاضى
ده أنا الحاكم العسكرى الى فوق
ياعينى يا عليك يا عم راضى
وربنا يسترها عليك يا حاج فاروق
* * *
مالك انت يا أم محمد بالسياسة
ولا انت يا أم سامح الابنتخابات
خلى عندكم بأه حساسة
ده انتو أمهات ... وتحت رجليكم جنات
وبطلوا ... غلاسة
وبلاش معانا شغل الحموات
وخليكم فى ... البطاطة
أو اتفرجوا على الأرجوزات
ده انتو شبه ستى اطاطة
هاتيجوا انتو ايه جنب الريسات
كبروا بأه دماغكم ... بلاش عباطة
وافتكروا الى سبقكم ... ومات
وخليكم فى بيتكم وولادكم
ده ضحك عليكم الى قاللكم انكم ستات
* * *
وانت ياض يا محمد
وتعالى كمان يالا يا سامح
قلت ايه لفاروق خليته يبقى جامح
وباسأل ايه الى خلى راضى أصبح ناصح
ولا امك الغلبانة ... ايه الى خلاها بالسياسة غرمانة
ولا التانية الكتيانة ... ايه نسيت زمن الأروانة
انت عملى ثورى انت وهو
ولا عاوز تجنن وتعيش
خش ياض على بيتكم جوه
ولا الفراخ طلعلها ريش
ده والله هاتبقى نوه
من السلوم للعريش
دول ناس ماعندهاش نخوه
جه الزمان الى يحكمنا فيه شاويش
جه زمان الضرب والاهانة والتلطيش
جه زمان العسكرى والشاويش

هو البعيد صنم ولانكونش احنا غنم

أقولك على حاجة تحرق الدم
تعرف إن فيه ناس حولة اللا لنعم
تقول ايه على ناس حابسة وطن
هو احنا بنكلم صنم
هما فاكرين انهم سايقين غنم
عمايلهم ده عملوها بغشم ... ولا بعشم
هو أنا بقيت أصم
ولا أنت بقيت أعمى وأبكم
ولا الوطن رضى بكلمة حاضر ونعم
ماتقولى حاجة ياعم
هو البعيد صنم ... ولا إحنا زي مابيقولوا غنم

احنا مش ناملة وهو مش دايناصور

روح صوت وقول نعم
على ترقيع الدستور
وحب بالمرة على ايد ولي النعم
على إعدام الوطن بالخابور
دول حلفوا وبروا بالقسم
على انهم يجيبوا للشعب ناصور
مش هاتسمع تانى نغم
غير صوت الرصاص والضرب بالساطور
دول ادونا حته قلم
لو خده حجر كان زمانه فار
زي ما المية ما بتغلى وتفور
وجمد قلبك يا مواطن
ده انت مش ناملة ولا هو دايناصور
وسيبك بقه من عيشة الأرانب
وجرب مرة طيران النسور
وبطل شوية نومة الجحور
ده إنت مقامك أغلى القصور
والله مقامك انك تثور
وتخلى البعيد البجم يمشى ويغور

امسك حرامى

http://fasakonya.blogspot.com/ لوجوهات المعارضة لتعديل الدستور من هذه المدونة

إمسك حرامى!!!

امسك حرامــــــــى
فيه وطن بيتسرق
اسمع كلامى
ده دستورنا بيتسلئ
الى يعارض فيه
يتشنئ
والى مش عاجبه
يتفلئ
أو يغرْ ق فى عبارة
مع الى غرق
أو يركب قطر
ويتحرق
علطول كده
ماعلش
ماعندهمش دلع مرئ

* * *

أمين شرطة هايفتشك
والحرامى هايكون فى امان
والعسكرى هايلبشك
والبوليس فى كل مكان

* * *
الى يعارض ارهابى
والعسكرى هايكون قاضيه
والى يوافق من أحبابى
هايتنغنغ من غير ليه

* * *

فى أي وقت هاتتاخد
وهايراقبوا بيتكم كمان
الخمورجى ويا الساجد
وهاتقعد فى السجن زمان

* * *

دتسترو كمان التزوير
ومافيش قاضى ع الصندوق
كده يقدر أي غفير
انه يبدل الصندوق

* * *

خلاص هانلبس العمة
والدستور هايعدلوه
وفى السجن هانبقى لامة
والى مش عاجبه يلعن أبوه
والواطى بقى ليه شنة ورنة
أما المواطن هاينسوه
ودورلى على الوطن
أقبل يا عينى مايخدوه
واقفشلى فى الحرامى
وأوعوا تانى تسبووه

لحمنا حلمنا

عارفين هما مين دول

دول الى قلوبنا عليهم إسِت

أوام نسيتوا كلام الرسول

وأوامره ونواهيه فى لحظة اتنست

وافتكرتوا إن النعمة باقية ومش هاتزول

لا ده ماشية زي ما فى ثانية عنهم مِشت

***

من كل صنف ولاد وبنات

وبرده فيه كل الأعمار

مسلم ومسيحى ما يفرقش

عمار يا مصر عمار فى عمار

هى ده الوحدة الوطنية

وهو ده فكر القومية

طب فين الى عاوزينها اسلامية

وبالمرة هاتلى المطبلاطية

خلوها ياما خراب فى دمار

طب حد يقولى احنا مين

ولا ها تفضل ياخويا ساكت

احنا السادة المشاهدين

ودول الى جتتهم م الظلم يا ما قاست

عرفتوا بأه دول يبقوا مين

دول الى جزمنا على رقابيهم داست

***

انت نازل من بيتكُم

بطنك فيها جوزين حمام

وهو قاعد جنب مطعم

م الجوع مش عارف ينام

لابسلى هدوم وريش نعام

وهو إدفى بالظلام

وماتسألش عن الأمان

فى شارع مليان أشرار

حاميها حراميها من زمان

واتقلوا فى بلدنا الأخيار

ماطوة وسنجا ويا التوربينى

وفى حوادث كتير فاتت

شيلوا الغمامة من على عينى

لحسن العين زمانها ماتت

عرفتوا بأه دول يبقوا مين

دول الى جزمنا على رقابيهم داست

ودول الى جتتهم م الظلم ياما قاست

عقاب الملوانى على فعلته بالشرانى

وبعد أن هدأت أصوات الريح، وأصبح رجال البلاط فى وضع مستريح، أمر رجال البلاط بضرب حباصة بالسياط، وما سُمع من حباصة إلى الصراخ والعياط، أما النعمانى الوزير بعد ما فضى الزير نده على الغفير، وجاء بالقصدير وقام كأنه على حصن يغير، وصب القصدير على حباصة الفقير، فأصبح من الولعة كالفراش يطير، تسألون الآن عن الشرانى، وتحدثون يا ترى ماذا فعل بالملوانى، فأول ما خف أعطى للملوانى كف، جعل قفاه من الضربة تلف، وعينيه ترف، وقام به إلى الكهف، وتسألون ما هو الكهف؟ انه مكان مهجور، يعيش فيه كل مسعور، وتحرسه ساحرة بلا شعور، يخشى منه كل جسور، والقوى منه تخور، والعفاريت فيه تصول وتجول، يخشاه الفرسان والخيول، ولا تستطيع مغادرته بعد الوصول، فاسمع ما أقول... ذهبوا بحباصة الذى أصبح من الضرب كالمشلول، ومن الخوف مبلول، وتمنى أن يكون نائم أو مسطول، أو يشفع عنده سلطان المغول، وقام إليه قائد الحرس الشرانى، وقال له هنا ستقضى محبسك، والعفاريت هنا ستلبسك، والجن مأكلك ومشربك، وسنأخذ سروالك ومعطفك، وتركوه قبل أن التأتى الساحرة أو أي معتوه، وفضل أن يأتى عزرائيل ياخده بس الأول ياخد حماه الى ناسب أبوه ....

مقامة حمصانى بطلها حباصة الملوانى

حدثنا حباصة الملوانى عن أنه فى أيام الملك العثمانى كان بيشتغل حلوانى، وكان يقطن فى المحروسة، عند باب الوزير المعجبانى، وكان له أربعة أبناء من زوجته أم عنانى، ولكن فى يوم من الأيام، وفى ليلة من اليالى ، دق على باب الملوانى أمير العسكر الشرانى، وقال له لابد أن تدقع ضرائب للوزير المعجبانى، وده أمر سلطانى، فأشارت عليه امرأته ام عنانى، لما لا تُهدى أمير العسكر الشرانى فطيرة عجانى، وكان والدها عطار واسمه الحاج عنتيرة الفسخانى، وقالت سوف أحضر من والدى الفسخانى أشهر أنوع العطارة ليك يا ملوانى، تضيفها إلى فطيرتك العجانى ، وكان الحاج الفسخانى عطار ودكانه، الزبون منها كان قد طار، وكان ما كن، وصنع الفطيرة،وأضاف إليها خطلة الحاج عنتيرة الخطيرة، وجاء بها إلى قصر الجزيرة حيث يقطن أمير العسكر ومراته الأميرة، وكان عنده من الضيوف، لما يشيب منه الطفل من الخوف، حيث يوجد قائد الحرس السلطانى الوزير النعمانى وغيرهم من اعالى القوم والبلاط السلطانى، وما كان من أمير العسكر الشرانى الى أن قدم الفطيرة العجانى إلى الوزير النعمانى وإلى رجال البلاط السلطانى، وكانت الفاجعة كبيرة، والأمور الآن أصبحت خطيرة، بعد خلطت أبو مراته الحاج عنتيرة، فبطن أمير العسكر الشرانى مشيت إلى لغاية المنيرة، وظهرت أصوات من رجال البلاط السلطانى تنشد ألحان وأغانى، أما بطن النعمانى الوزير أصبحت كبيرة كالزير، وما كان من حباصة الملوانى إلى أن رفع يديه إلى ربه العالى قائلاً خد حماية الفسخانى ومعاه مراتى أم عنانى....

ماذا بعد الكفر بالرحمن؟

ماذا بعد الكفر بالرحمن؟

ماذا بعد سب الإسلام؟

يا الله على شعب تضامن مع شيطان

تضامن مع بن عبد الكريم سليمان

ووقف مع هجومه على الأديان

تضامن مع من سب محمد سيد الأنام

وطعن فى صدقية القرآن

ونامو ا وغفلوا عن أظلم الحكام

وأغمضوا عينيهم عن جرائم اليهود والأمريكان

ارحموا عبدة الرحمن

وقروا رُسل الرحمن

بل تذكروا الرحمن واطلبوا من الغفران

فرايته راية الإسلام

وكلنا فدا الإسلام

* * * *

آه على شعب مصر لما يدافع عن الكفر

آه على شعب يقبع فى الفقر

آه على شعب سكت عن الظلم بالصبر

آه على شعب وقع فى قلبه جمر

آه على شعب يساق بالأمر

آه على شعب أصبح كالنمل

يبيت وينام فى الجحر

آه على شعب وقع فى قلبه جمر

آه على شعب دافع عن كفر

* * * *

أرأيت شعب زهد فى البناء والتعمير

واتخذ من السب حرية للتعبير

ومن رفض الكفر يتهموه بالرجعية والتكفير

أرأيتم لقد سكتوا عن الطغيان والتنكيل

ووجدوا فى الإلحاد شعلة التنوير

ورأوا فى مهاجمة الإسلام الأمل والتغيير

لقد ألحقوا بنا النقائص وزادوها بالتعيير

أهذا ما تسمونه بالتغيير

أهذا ما تطلقون عليه بالتعبير

فسب الأديان ليس بحرية تعبير

استفت القلب والضمير

فمن خلق القلب وأوجد الضمير

فسب الأديان ما هو بتعبير

والهجوم على الإسلام ليس للتغير

* * * *

أأستبدل الكفر بالإيمان

أأفنى العمر بالعصيان

أأترك سبيل الرحمن

أأمضى مع الشيطان

أأرفض الجنة

وأرضى بالنيران

أهان عليكم الإسلام

يا أهل الصلبان أكسرتم الصلبان

يا أهل الإسلام

أهان عليكم الإسلام

ماذا بعد الطعن فى الأديان

ماذا بعد الكفر بالرحمن؟

ماذا بعد سب الإسلام؟