Monday, April 16, 2007

مش ده المصرى الأصيل

سيب نفسك للغضب
وعيش الحياة بالحرية
ده انت من بنى العرب
وحفيد جيل الفرسية
لا ترضى أبدا بالتبعية
وتعيش فى الدنيا ذليل
مهما كانت الدنيا غالية
ده انت برده ابن النيل
عمرك عشت بحرية
ولا رضيت بكونك ذليل
مش ده بجد امنية
ولا انا عقلى أصبح عليل
هو طريقها مش معروف
ولا تكونش عاوز دليل
انك متهان ومضروب ومش ف البال
ولا تساوى عندهم أوسخ نعال
ده انت ع القسية حمال
هو انت ايه الى قعدك بس جنب الرجال
روح يا أخويا وربى العيال
وشوف الى ذاكر ولا الى سقط
ولا استنى لما يطلقوك من منال
ما هو ده الى ناقص انهم
يجوزوا مراتك وانت تبقى شاهد
ع العقد ويا المأذون تبقى ارسال
هاتقولى على جستى ده انا راجل
يعنى لو جه اليوم ده هاتتحرك
آه هاتحرك وهازيط
هو انت فاكر لما يحرقوك ولا يغرقوك
مش كده بيبقوا بيستغفلوك
لا طبعا هو أنا عبيط
مش برده لما يغلوا اليهود ويرخصوك
مش يبقوا كده كانهم لامؤاخذة ظبطوك
لا مش قوى كده ... هو انت ليه سليط
الله ماشفتش عملوا ايه فى الكبير عماد
ولا ماخدتش بقالك من العصاية
لو انت مكانه يا ضناية
مش كان زمانك مجنون فى السراية
ايه... هيا وصلت لغاية كده
آه ...روح البس مع الى لبس العباية
واوعى تقعد تانى معايا
خليك قاعد جنب الولايا
ده لو رضيوا بيك يا قُلة من غير قنايا

12 comments:

Iman said...

رائع
معنديش غير انى اقولك ان كلماتك قمه فى الروعه
تحياتى يا باشا

Monzer said...

ربنا يخليكى يا أمى وشكرا بجد على تشجيعك ليا وعلى كلامتك الرقية ده بجد

مـحـمـد مـفـيـد said...

لم اعلق ولكني اشيد بك وبكاتباتك المميزه
الحريه الحريه

Monzer said...

شكرا جزيلك لك يا أستاذ محمد مفيد
وانا مردد من ورائك الحرية الحرية

Anonymous said...

الأستاذ أيمن
كلماتك جميلة وصادقة
تجعلني أتعجب من الذين يظهرون في التليفزيون من عواجيز القرون الوسطى
وهم يهاجمون الشباب
فأكيد هؤلاء
لا يعرفون أن هناك شباب مثلك يحبون مصر وترابها

Monzer said...

أنا منذر يا أستاذة انتصار مش أيمن مدونة حين البأس
مش عارف بأه كلامك الحلو ده ليا ولا لأستاذ أيمن......... ولا غلطتى فى العنوان هههه
ربنا يكرمك ويعزك وشكرا على مرورك

Anonymous said...

منذر والله أنا أسفة
فعلا الكلام الجميل ده
هو كلام منذر
سامحني
أنا كنت أقصدك بس
أنا بدأت ألخبط بعد كتابتي للرسالة إياها للريس وربنا يستر

Anonymous said...

كلمات رائعة كالعادة
للامام دائما
لك تاج عندى

AbdElRaHmaN Ayyash said...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

Monzer said...

ربنا يخليكى يا سارة
وشكرا على زوقك وعلى التاج الجامد ده
تحياتى

Monzer said...

أنا وقعت فى اللينك الموجود
أفرجوا عن مصر أفرجوا عن منعم
الحرية لمصر الحرية لمنعم
وربنا يفك أسره وأسر كل المأسورين

Unknown said...

عزيزى منذر

مشكور على احساسك وشعورك الجارف ونامل من الله ولا يكتر على الله الثبات والقدرة على الاصلاح والتغيير