Wednesday, July 4, 2007

ما أقوى هذه المواقف ..... وما أحقرها ؟


ما أقوى هذه المواقف ..... وما أحقرها ؟

نقل مقر البعثة الدبلوماسية المصرية من غزة إلى رام الله !!!

إغلاق المعابر مع قطاع غزة لان من يدير هذه المعابر ليس لديه شرعية سياسية ولا قانونية لإدارتها

ندعم جميع القرارات والإجراءات التى يقوم بها الرئيس محمود عباس

أؤكد على دعم مصر الكامل للشرعية الفلسطينية المتمثلة فى الرئيس الفلسطينى محمود عباس وحكومته (طبعا حكومة سلام فياض)

سحب الوفد الأمنى المصرى

يا ترى هل هذه القرارات جاءت نتيجة اجتياح إسرائيلى للضفة، ام جاءت نتيجة ضرب الطيران الإسرائيلى لغزة ؟

هل جاءت نتيجة قيام الرئيس محمود عباس بإصدار أوامره للحرس الرئاسى بالتصدى للقوة لإسرائيلية الغاشمة ؟

هل جاءت نتيجة قيام أبو مازن بإطلاق صاروخ على إسرائيل ردا على المجازر والإغتيالات اليومية بحق شعبه ؟

هل جاءت نتيجة قيام أبو مازن بإعلان المقاومة المسلحة على الإسرائيليين على أرض فلسطين ؟

هل ؟ هل ؟ هل ؟

بعض من هذه القرارت تم إلغاؤه أو تم إعادة النظر فيها

ولكن يبقى تساؤل

لم نتعود من مصر أن تصدر منها مواقف بطولية وقوية كهذه المواقف

يا ترى ما ذا كان رد فعل مصر على إقالة هنية وتعين سلام فياض، أليس ذلك انقلاب على الشرعية، أم اننا لا نعتبر فوز حركة إسلامية شرعية فى انتخابات حرة ونزيهة شهد لها العالم كله؟

أرى أن وضوح الموقف المصرى وقوته وصرامته لم أراه منذ زمن، فلقد حدثت أمور كثيرا جدا وكانت غاية فى الخطورة على أمن مصر والعالم العربى والإسلامى كله، لم يكن رد الفعل الرسمى المصرى على هذه المواقف ما بلغه من رد على أحداث غزة .

وأحب أن أسرد بعض من هذه المواقف وهي حديثة العهد ليست من ذمن بعيد

احتلال أفغانستان
احتلال العراق
احتلال الصومال
دك لبنان دكا فى الصيف الماضى

انا هنا أتكلم عن دول عربية وإسلامية تم احتلالها بالكامل، ولن أشتت أنظاركم إلى أحداث يومية تحدث فى فلسطين سواء كانت على يد الإحتلال أو على يد فصيل دحلان

أو أحداث يومية تحدث فى العراق بسب أمريكا أو بريطانيا أو حتى إيران

أو ما يقوم به الجيش اللبنانى من دك مخيم نهر البارد فوق سكانه، بسب جماعة عدد أفرادها لا يتجاوز المائتان

ولذلك أنا أرى أن الموقف المصرية الأخيرة نتيجة أحداث غزة ليست قوية إنما هي حقيرة

31 comments:

ibn nasser - ابن ناصر said...

حقيره ومستفزه...كالعاده !! لقد توعدنا علي المهانه

تحياتي موضوع رائع وسيد اني اول من يعلق

me said...

والله يا منذر أفندى أنا مش مستغرب
ديل أسمه غيه ده عمرة ما يتعدل
ده واحد بقاله 30 سنه منبطح عايزة يقول إزاى
الراجل ده هيموت وهو مطاتى
بس تصدق ربط ممتاذ منك ولمحه لوز أشطه عليك

طالب اخوانى said...

شكرا على الموضوع .. ومادام يبقى لنا شئ نفعله .. حتى ولو لم يبقى لنا إلا الدعاء .. فسوف يبقى هنالك أمل ..

ذكريات فى جامعة المنصورة

Anonymous said...

فعلا يا صديقى اصبحت مواقف مصر الرسمية فى الاونه الاخيرة تدعو للخجل
ونندهش ان هذا الكلام المفروض يمثل مصر
للاسف كالعادة كل شىء انهار فى مصر
تقبل كل شكرى وتحياتى

Alaa said...

حسبنا الله و نعم الوكيل
امتا هنخلص بأه

مشروع انسان said...

هى المشكلة المرة دى عن اى مرة خوفهم من نفوذ حماس وخوفهم من سيطرة الفكر الاسلامى وتممده فى البللاد لانه عارفين انه فكر مش متطرف يعنى قابل للانتشار فى كل البلاد والحمد لله الاخوان فى مصر هم حماس وحماس من الاخوان فعشان كده مرعوبين مش كفاية اللى فى مصر كمان كده هيشدوا حيلهم اذا حماس انتصرت وتغلبت على اعدائها اللهم انصرهم على الخونة والعملاء

عازف الناى said...

ومين قال ان المواقف المصريه فى احداث غزه قويه دى مواقف املائيه

غمض عينيك said...

ياعم منذر انت اللي مش فاهم بس كويس
ماهو اصلا كون الانتخابات كانت حرة ونزيهة وشريفة دا كده خروج عن الشرعية والاصول العربية عشان كده حماس لازم تتربى

تحياتي ليك

محمد سمير

نقطة مية said...

مصر خلاص...مواقفها تكسف..ووضعها يكسف..و حال شعبها يكسف...
البلد دي عمرها مااهانت نفسها زي دلوقتي...
حسبي الله

تحياتي

صاحب البوابــة said...

حقيقة يا منذر مقال رائع وقوي

تماماً كما اريد ان اقول

كلماتك قوية

اتمنى لو كان الموقف المصري مثلها

تحياتى اخي

هاني جابر said...

اخي الحبيب منذر
بصراحة الواحد اتعود علي مواقف
الحكومة المصرية المخزية
التي تفعلها رد علي اي شئ
والله الواحد مش عارف يعمل
ايه مع العالم ديه
ربنا يستر
لا تنساني من دعائك

بن توفيق said...

ما انت قلت

مين اللى قال القرارات دى

مش الحكومة المصرية .. تبقى طبعا .. ولا بلاش عشان الرقابه

سكوت هنصوت said...

منذر العزيز

ان ما بين الحكومات العربية و بين الدول الأمبريالية الكبرى...اكبر بكثير مما بين الحكومات العربية و شعوبها...كما ان مساحة الإتفاق بين الحكومات العربية واعداء الشعوب العربية اكبر بكثير مما بين الحكام و شعوبهم... يبقى منين هتيجي المواقف الجامدة...(الكلمات السابقة هي كلمات استاذي الحبيب رحمة الله..الذي مات هما و كمدا على حال البلاد والعباد)
تحياتي على المقال القوي جدا..

حياة تستحق الانقاذ said...

لقد ذكرتني بفلسفة تقول
أن من يتعود على القذارة يصعب عليه تقبل النظافة ...ومن يتعود على النظافة أقل جرثومة تصيبه بالمرض
وعشان يبقى عندنا مناعة دايما ضد الأمراض فبلييز مش عايزين نضافة زيادة عن الحد اللي تعودنا عليه..

دمت بخير وبنضافة
أم المييس
http://omelmees.blogspot.com

Anonymous said...

اين الجديد لديك ؟؟؟
ادعوك لزيارة مدونة الكاتب علاء الاسوانى وقراءة القصه القصيرة والتعليق عليها وهذا عنوان المدونة
www.maktoobblog.com/alaaalaswany

Anonymous said...

اخى الحبيب الغالى منذر
كل الشكر لك على التصويت لصالحى فى الانتخابات
بس انت كدة لغيت الصوت لترشيح 11 وهو المطلوب 9 فقط
برجاء التصحيح
ولك كل الشكر
حسن توفيق

جمعاوى said...

منذر باشا
أنا بأكتب التعليق ده بعد ما سمعت التصريح الأخير بتاع الزبون

و أقدر أقوللك و بكل صراحة


الأيام اللى جاية سوداااااا

ذو النون المصري said...

لا اظن ان فيه مواقف هنا قويه و اخري ضعيفه كما لا يمكنني تصنيف هذه المواقف الي الضعيف و القوي
انا اصلا زهقت من كثرة الهزائم
هنموت امتي بقي
متي يعلنون وفاة العرب؟

Monzer said...

أولا أتسف من عدم الرد على التعليقات
بسب ظروف انقطاع الإنترنت

ـــــــــــــ

أخى العزيز ابن ناصر
سعيد أكثر بتعليقك وهي فعلا حقيرة ومستفزة وحاجت كتير قوى
تحياتى لك

*******************

حبيبى واخى الغالى ابن يسرى
هو مطاطى لكن احنا ممكن نكون منطبحين نوعا ما
وهو مطاطى مش علشان سيد درةويش علشان ما نعلى ونعلى ونعلى لازم نطاطى نطاى نطاطى
تحياتى لكى يا جميل


ـــــــــــــــ

اخى العزيز طالب الاخوانى

الامل موجود ان شاء الله والخير موجود اكتر فينا لنا
تحياتى ليك يا جميل وسعدت جدا بقراءة زكرياتك الجميلة

**********

أستاذة نيفين

فعلا الموقفالمصرية بقت عملة زي الى واقف على الناصية
مش موقف بجد وجدود، وبقى شكلنا وحش أوى اوى اوى
شكرا لكى اختى واستاذتى الغالية

**********

الباشمهندس الكبير علاء
امتى؟ السؤال ده محتاج محاكمة

Monzer said...

أمام الجيل

هو ده فعلا الىمخوفهم والى غايظهم
وعارفين ان الديمقراطية هاتجيب الإسلاميين
لأان الناسعاوزة تتحكم بشرع الله
تحياتى وحبى واعتزازى

***********


عازف الناي
هي طبعا إملائية، بس حتى فيه موقف إملائية بس على هوي المسئومين فى مصر
انت فاهمنى يا عازف الناي
ه إملائية بالفعل لكن على هوي المسئولين المصريين وده اتلمشكلة يعنى التصريحات مش جاية على استحياء هي ده المشكلة من وجهة نظرى

تياتى لك أخى الغالى


*********

غمض عنيك
هههههههههههههههه
تصدق كلامك مظبوط
هو ده فعلا الخروج ن الشرعية العربية
ههههههههه

تيحاتى ليك يا أبو سمرة

Monzer said...

العزيزة نقطة مية
فعلا بقى شكلنا وحش قوى وهانت علينا نفسن قوى
وحاسس ان مابقاش لينا قيمة خلاص

تحياتى
***********

أخى الحبيب صاحب البوابة

بجد شكرا على كلماتك الرقية وكله بتوجيهاتك انت واخى البيب محمد مفيد
شكرا جزيلا لك

////////////

أخى العزيز هانى جبر

فعلا هانعمل ايه
نكشف شعرنا وندعى عليهم العالم ده ههههههههه

بجد سعدت جدا بمعرفتك وربنا يوفقك كمان وكمان يا دوكتور


**************


بن توفيق الخطير
بلاش ليه
هو مش انت خطير هههههههههه

تلاقيك قلت كفاية خطر على قد كده
هاتبقى مسجل هههههههه
تحياتى ليك يا جميل

*************
أختى الغالية جدا سكةت

بجد كلمالتك رائعة وتوصيف للحالة فعلا
واستفدت منها جدا
وبجد ده البهاريز

تحياتى مع أرق تنمياتى بدوام التوفيق

==============

Monzer said...

الغالية ام الميس
هههههههههههههه

بجد كلماتك جميلة جدا
واتكسفت منها قوى
علشان الحقيقة ساعات بتكسف فعلا
واعتقد اننا من النوع الاول بتجيلنا حساسية من النظافة

تحياتى لكى اختى الغالية


======================

أختى الغالية نيفين
معلش والله يا أستاذة النت كان فاصل وماكنتش عارف اتواصل حتى مع الميل
لكن الحمد لله دلوقتى كله تمام
وشكرا جزيلا على الدعوة
تحياتى لكىى

==============

أستاذ حسن

آسف ماكنتش اعرف الشروط وبصراحة هابقى أشةوف كده تانى
وتمنياتى للأستاذ هيثم وحضرتك وأخى الحبيب أحمد سعد دومة فهو شاعر رائع بكل المقاييس


************
جمعواى

الزبون ههههههههههه حلوة بجد
أنا هامشيها الزبون
والأيام الجاية مش سودة ده فوحلوقى هههههه
تحياتى لك أخى الغالى



===============
الأستاذ ذو النون

هي للأسف بتبقى قوية فى الباطل

لكن فى الحق بتبقى غاية فى الضعف والهوان مع الأسف

وحكاية متي يعلنو وفاة العرب

لو على الحكام فانا قريت النعي من زمان
ولو على الشعوب فبصراحة مش عارف متار فى امرهم ساعات بحس انهم فايقين وكله تمام
وساعات بحس انهم خلاص عدى عليهم الأربعين

سعدت جدا بزيارتك وتمنياتى بدوام التواصل

belal said...

حقا ما أحقرها ..وأحقر من قام بها

Anonymous said...

واللله يا منذر يابنى
انا مش بادور حاليا عالمواقف الحقيرة

انا بس نفسى فى موقف واحد يكون محترم
واحد بس والله اللى عايزاه

كلامهم مستفز جدااااا
باحس ان حد جاى من بلد تانية يتكلم عننا

يالا ربنا يرحمنا قول امين

تحيااااااااااتى

Anonymous said...

عظيم عظيم بجد انت شخصيه عظيمه جداا وموضوع عظيم ياريت نتواصل انا نور العظماء

www.nourhetler2006.jeeran.com

nour_hetler@hotmail.com

david santos said...

Thanks for you work and have a good weekend

Anonymous said...

منذر
حبيبى
اخبارك ايه؟؟عسى ان تكون رحلة اسكندرية جت على هواك
والله يا منذر موقفنا معروف احنا لا مع دول ولا مع دول احنا عاوزين السلام كخيار استراتيجى
رئيسنا

تحياتى

سكوت هنصوت said...

منذر

هي المحاكمة هتبدأ الساعة كام..؟؟؟

مستنية الرد سريعا

اسلام رفاعى said...

فعلا لقد اصبحت مصر مبارك سمسار للمشروع الصهيوامريكى فى المنطقة

Anonymous said...

صديقى منذر اين انت ؟؟؟
اتمنى لك كل الخير وان تعود قريبا للكتابه ايها المبدع
وتوجد قصه جديدة فى مدونة الروائى علاء الاسوانى لو احببت ان تتابعها وهذا عنوان المدونة
www.maktoobblog.com/alaaalaswany
ما يهمنى ان تعود للكتابه من فضلط طمنى عليك

فاروتا المصرى said...

نعم ما احقر هذا النظام ومواقفه
تحياتى لك ولكا الاخوة