Saturday, September 1, 2007

جديد نوفى

قبل ما ادخل فى البوست عندى كلميتن سارقهم من اخويا علاء الغزالى
" أن من لا يتابع مدونات الآخرين فلا تستحق مدونته المتابعة و أيضا من لا يتابع الردود فلا يستحقها "
وده حكمة تدوينية غاية فى الروعة، وعجبتنى جدا، وموافق عليها بشدة
لكن عندى شوية أخبار جددة كده عاوز أعرضها عليكم، وسط مشاغل الشغل الخنيقة الى بمر بيها دلوقتى

وافقت كل من الناقدة والأديبة انتصارعبد المنعم، والأستاذة نيفين عمر، على نشر اعمالهم وقصصهم الأدبية على الركن الأدبى لموقع أبناء مصر


والمفاجاة الاخرى، وجاءت بعد مراسلات بين الركن الأدبى وبين الأستاذة نيفين عمر محررة مدونة الاديب علاء الأسوانى، حيث وافق الاديب على نشر قصصه القصيرة فى الركن الأدبى على سايت أبناء مصر، والاهم والأجمل، انه وافق على القيام بالنقد الادبى لأي قصة قصيرة او عمل أدبى سواء كان لمدون، او ناشط انترنت أو شخص عادى قرأ الكلام ده بسبيل الصدفة،، وأردا أن يعرض اعماله الأدبية على الاديب ، وهاينقدها فى ندوته الأسبوعية يوم الخميس الساعة التاسعة مساءا فى شارع أمين سامى من القصرالعينى، فى مقر حزب الكرامة

حتى يتنسى ذلك، فمن يرغب بنشر اعماله الأدبية سواء كانت شعراً او زجلاً أو قصص قصيرة يرسلها لى فى فايل وورد ومؤرخة على البريد الإلكترونى التالى
ejymejy@yahoo.com
وسوف ننشرها فى الركن الادبى الخاص بسايت ابناء مصر

ولمن يرغب بان يقوم الأديب بنقد اعماله الادبية، فليرسلها لى على نفس البريد الإلكترونى وترك وسيلة للاتصال به، لتحديد ميعاد مع الاديب

والركن الأدبى بينشر أشعار الأستاذ عبد الله المصرى، و شاعر اخوان أحمد سعد دومة، وشمس الزناتى، و الشاعر الحزين احمد مهنى، والشاعر على إبراهيم، وابن ناصر، وصاحب البوابة، والعبد لله، وأي حد حابب ينشر أعماله يبعتهالى على نفس البريد الإلكترونى السابق فى فايل وورد ومؤرخ

الأمر الآخر فيه تجربة عاوزين نعملها فى الركن الأدبى، فى أي سايت أو مدونة بتكون القصيدة مكتوبة فقط، مش ملقاه يعنى مش مسموعة

ميزة الانترنت فى المالتى ميديا الى بيتمتع بيها، يعنى كتابة وصوت وصورة وفيديو، يبقى لازم نستغل الامكانيات ده كلها، ففكرت ليه ماتبقاش القصيدة مكتوبة ومسموعة، يعنى مثلا انت كتبت القصيدة عاوزينك تلقيها بصوتك وتسجلها وتبعتهالى وتبقى القصيدة مسموعة ومقروءة بصوت الشاعر نفسه، وهاتبقى احلى كتير، وهايقدر الشاعر فيها انه يطلع احساسه ويبرز مواطن الموسيقى الى فى القصيدة كلها، وده هايخلى الناس تقبل على الشعر والزجل لأنهم سمعوه وحسوا بيه، لانهم ساعات مش بيقدرو يفهموه قوى، فتبقى ده وسيلة ترغيب وجذب جديدة، أنا لغاية دلوقتى ماجربتهاش، لكن أتمنى ان أي حد يقرا تعجبه الفكرة يجرب يعملها او يقول ينشرها بين أصدقائه الى بيعرف انهم بيكتبوا ، ويبعتهالى، ونتشرف اننا ننشره


فيه نقطة تانية، عاوزين نبرز مواهب تدوينية جدية غير نمطية يعنى تكون مختلفة عن كتابة المقال أو الشعر او الزجل، زي الكاريكاتير مثلا، مرسوم بخط الايد أو ببرنامج فلاش مثلا بأي طريقة كانت المهم انها تتنفذ، اعتقد انه فكرة جديدة ياريت لو حد عنده الموهبة ده يجرب يعملها ويبعتهالى ونشرها على أبناء مصر

ولو حد بيعرف يرسم بس لكن عاوز أفكار ، ممكن يعمل فريق عمل من اتنين واحد يفكر فى فكيرة والى بعيرف يرسم يرسم الفكرة ده ، والبلد مليانة مشاكل عاوزين نصورها بكاريكاتير، مثلا مشكلة المية اتعملت مقال و شعر و زجل و قصة، مانجرب نعبر عنها فى كاريكاتير ساخر

فى مواهب تانية زي العزف، لو حد بيعزف على أي آلة ليه مايسجلهاش، ولو حد بيكتب ، ممكن نوفق الى بيكتب مع الى بيعزف وينفذو حاجة مع بعض، أما عن الوسائل والله بسيطة مش مكلفة أبدا، ولو مش موجودة ممكن نوفرها

الأفكار ده علشان تتحقق فعلا، محتاجة إيمان انها مفيدة، أما عن الخطوات والوسائل لتنفيذ ذلك، هي عرض الأفكار ده، على أصدقائنا، وأصدقاء أصدقائنا، جايز جدا نكتشف مشروع صحفى .. شاعر .. عازف .. رسام كاريكاتير، منتظر فى التعليقات بالله عليكم ان حد يبلغنى يقولى هايبعتلك فى الميل
خاطرة زجل او شعر مكتوب ومسموع أو مصور حته، قصة قصيرة، حد يقولى أناهاكلم صاحبى وهو بيعرف يرسم هانعمل كاريكاتير عن الموضوع الفلانى، مقطوعة موسيقية، اتفقنا

علشان رمضان جاي، وكده كده هانوزع بلح، لكن الى هايبعت هانوزع عليه بلح بلبن وان شاالله ماحد حوش :))
وكل عام وأنتم بخير
ونسالكم الدعاء

25 comments:

عصفور المدينة said...

مش مظبط بس نوفي
كل عام وانت بخير وطاعة

Monzer said...

منتظرك يا أستاذى عصفور اقتراحتاك علشان نظبطه مع بعض
متسنييييييييييك
ربنا يبارك فيك ويخليك لينا

عصفور المدينة said...

يا منذر أنا حطيت اقتراحاتي في نصيحة رمضان انت مشبط نفسك في ميت حاجة
وبعدين حاسس إن الوقت حيتسرق منك اهدأ قليلا ونظم نفسك شوية

Anonymous said...

اخى الحبيب..منذر

فعلا أفكار جميلة

وخاصه موضوع نقد الأديب علاء الأسوانى

وكمان فكرة القصيده المسموعه

دى فكرة حلوة قوى

انا لما جبيت اتعلم أوزان الشعر

وبحوره

جبت قصايد مسموعه ومكتوبه

فى نفس الوقت

وده بيدى فايده كبيره

بس الواحد صوته وحش

يبقا دورلى على حد صوته حلو ممكن

يقول قصايدى

ههههههههههه

هو صح ليه العدد بتاع اقلام مصريه

منزلش

تقبل تحيتى

أخوك نيجـر

سكوت هنصوت said...

الله عليك يا منذر يا لعييب

طب بالله عليك..عايزين اشعارك تكون اول اشعار تعرض للنقد

و كمان فكرة الكاريكاتير دي اكتر من رائعة

ربنا يبارك فيك على مجهودك الرائع ده

احمد الجيزاوى said...

بقولك يا منظر عوزين نعمل شغل خاص لموقع ابناء مصر فى رمضان يعنى مثلا تغطيه خاصه لمشاعر الدينيه
عموما الفكرة لسه وليدة فكر واطرحه لنقاش
احمد الجيزاوى

اسلام رفاعى said...

فكرة جميلة بتاعة الملتيميديا ودى فعلا ميزة لازم نستغلها

مـحـمـد مـفـيـد said...

فعلا من لايتابع مدونات الاخرين لا ينتظر المتبعه من احد

والذي لم يسأل علي صديقه؟
ما العمل


أفكار مميزه
بالتوفيق يا منذر

Anonymous said...

منذور حبيبي
موضوع أنه أستاذي علاء الأسواني ممكن بس يقرأ قصة لي ده وسام أكيد هاحطة على صدري
ولو حصل ووصلة أى قصة لأستاذي علاء الاسوانى هاكون حققة طموح كبير أوى سواء كان نقده بالسلب قبل الإجاب
ميرسي ليك منذر
حمادة زيدان

عازف الناى said...

احييك على نشاطك
وساوافيك ببعض ما عندى من اعمال
وانت الجانى على نفسك
حلوه خبطه الاديب علاء الاسوانى
ربنا يبارك لكم فى اعمالكم

مشروع انسان said...

هلا منذر
معلش النت قطع على صباعى وانا بكلمك امبارح اسف
ابقى ابعتلى باقى التفاصيل لو عايز تعمل الكارت ده
على الياهو منتظرك على رسالة اوف لاين حتى
وربنا يوفقكم فى ابناء مصر

bedo said...

مجهود جميل وربنا يوفقكو فعلا
وربنا يسهل وابعتلكو إقتراحات حلوة إن شاء الله
بس معلش أصلي اليومين دول مشغول شوية
وربنا يسهل
وربنا يكرمكو ويجعله في ميزان حسانتكم إن شاء الله

أحمد المصري said...

بقى كده يا منذر المرة اللي فاتت قلتلي نحط الحاجت في الجروب وانتو حتحطوها..افيميل ده طلع امتى..اتاريني عمال ابعت ومفيش حاجة بتتنشر..عاااا
اهىء ..ده كلام..ماثي يا منذر..مش عارف ايه حكاية القاهرة دي كل حاجة في القاهرة القاهرة مفيش حاجة في طنطنا بدل تعب المواصلات ده..عموما موضوع جميل رغم إن حكاية صوت الشاعر دي بايخة شوية..معتقدش ليها لازمة لإن قراءة القصيدة بأسلوبك انت احلى بكتير من أن حد يقولها بأسلوبه..الله أعلم اسلوب الإلقاء حيتناسب ولا لا..وجهة نظر..طولت عليك ياباشا معلش..سلااااام0

Anonymous said...

شغل جامد ياباشا
الله ينور

مصطفى محمود said...

الله ينور يا منذر هو دة الشغل وسمعنى سلام عظيمة يا مصر يا ارض اللوا !

ما تجيب ايميلك ياض .

(انا بهزر)

Anonymous said...

الأخ الحبيب منذر/أفكار جميلة وتفاعلية وأعتبرها سبق تدوينى عظيم، ومدونتك كده على بعضها لذيذة ومنعشة وتتاكل قراءة وتصفح
شكرا على زيارتك آخر تدويناتى عن رمضان كل عام أنت بخير وطاعة لله أنت والمسلمون، وأتمنى أن تسمح ظروفى فى زيارةأخينا(صاحب المضيفة) للمشاركة معكما فى حملة رمضان
لك منى أخى منذر كل الود والتحية والمودة

شقاوة شعب said...

ماشاء الله
ربنا يوفقكم
وباذن الله نبعتلك حاجة قريب
بس اهم حاجة تبعتلنا البلح باللبن

محمد مارو said...

احلى مقدمه اللى بدأت انت بيها بيها
دى ممكن تكون حكمه اليوم

ahmed mefrh said...

جميل اخى اعانكم الله
جميل ان نظر المواهب و نكتشفها و ننميها
تقبل تحياتى

انـتــصار عــبـد الــمـنـعـم said...

أستاذ منذر
أحييك على نشاطك وطموحك
مع خالص أمنياتي بالتوفيق
والنجاح

Monzer said...

والله يا أستاذ عصفور
عندك حق
بس ساعات الواحد بياخده النشاط شوية والحماسة شويتين،
لكن موضوع الاجازة، هابقى محتاجهاعلشان الشغل والعبادة، بس السايت حقيقة لسه قايم على رجليه، ومحتاج متابعة مننا كلنا، بس ان شاء الله مش هاييجى على حساب رمضان


**********


أحمد باشا سعيد، عامل ايه يا معلم

اانا عارف انك بعتلى والحاجة مية مية، جميل فعلا
والحمد لله ان الاقتراحات عجبتك وبعتلى بالفعل، ربنا يبارك فى حضرتك
سلام ونتقابل فى الندوة ان شاء الله

**************

آه يا مها، مش عارف
حاسس انه تدبيسة منك حكاية ان أشعارى تبقى أول أشعار للنقد،
ده أنا اتبهدل بهدلة وأتشتم شتيمة، من الى هاينقدنى، هايقولى مين الى اقترح عليك انك تمسك رقة وقلم وتكتب
بس ربك يستر، هو احنا بيهمنا
ربنا يبارك فيكى وكله بتشجيعك يا فندم

*********

حبيبى احمد باشا الجيزاوى
منظر هي بقت كده يعنى، ماشى يا لوووووز
اقتراح اكثر من رائع، وراشق معاك فيه يا أبو المعلمين
تسلم ع الاقتراح الجامد ده

********

أخى العزيز إسلام الرفاعى، طبعا لازم نستغل كل الامكانيات المتحاة، علشان نتميز ولو بعض ما، النت فتح لينا مجالات كتير، نبقى مش تمام لو مش اتسغلينا كل نقطة فيه

Monzer said...

اخويا وأستاذى محمد مفيد
الحمد لله انى صالحتك، وظطبنا يومين اهم زي الفل
يومين بجد فى الجون
وابقى سلملى على الى بالى بالك :)))

*********

اخويا وصديقى حمادة زيدان، بجد انت انسان محترم جدا ومثقم وفاهم وواعى، ومركز كويس قوى، وبتكتب قصص قصيرة هايلة جدا، ومش متخيل قد أنا مبوسط انك نازل من المنيا مخصوص علشان تحضر الندوة ، واعمالك اكثر من رائعة،
وأشكرك بشدة انت وصديقنا أحمد سعيد نيجر، انكم وافقتم على نشر اعهمالك على أبناءمصر
تحياتى ليك يا معلم

**********

أستاذى عازف الناي، بجد أتمنى ذلك انك تبعتلى اعمالك، وبكره فيه ندوة يوم الخميس فى المنيرة فى 2 شارع أمين سامى بجوار مركز الثقافة الفرنسى، ياريتك تنورنا هناك مع الدكتور علاء الأسوانى، هاينقد أولى الفصص القصيرة للمدونين احمد سعيد و حمادة زيدان، ياريتك تكون موجود

*********

إمامنا إمام الجيل
ولا يهمك يا حبى، هازظبط مع صديقى الآخر، وهابعتلك، هاتعبك معايا يا إمامنا معلش

*********

Monzer said...

الحاج بيدو
ايه اخبارك وكيف احوالك
ربنا معاك فى مشاغلك وتنهتى منها عما قريب وكل سنة وانتت طيب
ومستنين أي حاجة منك، أي حاجة :))) عالم وقعة وقعة يعنى

***********


طبينا احمد بيه المصرى، عامل ايه وايه أخبارك، لا طبعا
تبعت الحاجة ع الميل الشخصى بتاعى، امل تروح كده لكل الناس، هو ده ينفع برده
ع العموم ربنا يبارك فيك، وستنى الحاجت الى ضاعت ده، لاما انا الى هاعيط

، وفعلا مش الزم القاهرة،انت ممكن تظبط فاعلياتت فى طنطا ، وهو ده المطلوب، ظبط نفس الاقتراحات ده، مع شباب طنطا ودو رعليثهم وابعتلهم، ولو جمعت شية، نشوف مكان نجتمع فيه ونعمل ندوةن وندعى اديب من الادباء أو شاعر من الشعراء، ونعمل ندوة وأمسية هناك

ظبط انت بس
ومستنى رأيك ماشى .. تحياتى يا معلم

*************


العزيزة سارة، يا باشا ده نورك والله
ربنا يبارك فيكى

**********


الرفيق مصطفى محمود
ايه اخبارك يا معلم، واحلى سلام لاحلى شيوعى ده !! حلوة شيوعى ده، مستنيك بكره
فى نجدوة للدكتور علاء الاسوانى،
والميل الى فى البوست ده ده الميل بتاعى، وانا باه مش بهرج، ماشى يا معلم
هاستناك

***********

Monzer said...

اخى العزيز احمد التابى ربنا يبارك فيك ، ويبلغك رمضان على خير ان شاء الله

وصاحب المضيفة واغلأستاذ هعصفور المدينة لديهم أفكار غاية فى الروعة، وممكن التعاون فيها

وكل سنة وانت بخير حال

**********
الأستاذة شقاوة شعب
ازي حضرتك يا فندم، كنا اتقابلنا مع زملاء وزميلات ىخرين فى اجتماع المدون خانة لو تتذكرى، هو كان الحضور ما شاء الله كثيف، ولكن انا اتذكر جيدا

منتظر على احر من الجمر، اعمالك،
وكل عام وسيادتك بخير

*******
مارو الصديق والاخ العزيز
خلى بالك الحكمة ده مسرووووووووووووووقة انا ماليش دعوة
ومسروقة من مين، من علاء الغزالى
ربنا يبارك فيك
وهذه حقيقة
سلام يا معلم، وابقى طمنى عليك

********
أخى العزيز أبو مفراح، والله اتمنى ذلك، وأسعى إليها، لتجديد الدم فى عروق هذه الامة
جزاكم الله كل خير

*********
أستاذ منذر
ليه بس كده يا أستاذة، استاذ ايه وبتاع ايه،

انا منذر حاف جدا من غير أي حاجة
وحضرتك الى استذاتنا ومعلمتنا ربنا يابرك فيك، بلاش بالله عليكى كلمة استاذ ده خالص
وأسال الله الغخلاص فى القول والعمل
وكل هذ لا يستقم بتوجيهاتك يا أستاذة

كل سنة وحضرتك طيبة

عازف الناى said...

كل وانتم بخير